တောင်းဆု
🌼pann
Part (19)
ပိုးတို့ဘုရားကနေ အိမ်ကိုမပြန်ဘဲ မိဘမဲ့ကျောင်းကို တိုက်ရိုက်ပဲမောင်းသွားလိုက်သည်...။
ဒီတစ်ခါတော့ ပိုးကားမမောင်းတော့..။
ကိုဟန့်ကိုပဲကားသော့ပေးပြီး သူ့ကိုပဲမောင်းခိုင်းလိုက်သည်..။
အမေတို့က ပိုးတို့ဘုရားပေါ်မှာရှိတဲ့ချိန် ဖုန်းဆက်လာလို့ အကျိုးကြောင်းပြောပြပြီး အမေတို့ကိုလည်း ကိုယ့်အစီစဥ်နဲ့ကိုယ်ပဲသွားဖို့ ပြောထားတာမို့ ခုဆိုအမေတို့လည်းကျောင်းကိုသွားနေလောက်ပြီ..။
" ရှေ့လမ်းဆုံကျရင် ဘယ်ဘက်ကိုပဲကွေ့လိုက်နော်.. "
" အင်.. "
ပိုးက ဘေးမှာထိုင်ပြီး လမ်းပြလည်းလုပ်.. ဒီနေ့အတွက် လိုအပ်တာတွေ ကျောင်းကိုရောက်မရောက် ဖုန်းနဲ့ပဲလှမ်းပြီး မေးရသည်..။
တစ်ချို့တလေတော့ ရောက်နေပြီ.. တစ်ချို့တော့ ခုမှလမ်းမှာပဲ ရှိသေးတယ်တဲ့ ။
အချိန်လည်း တော်တော်နောက်ကျနေတာလည်း မဟုတ်တော့ ပိုးဘာမှစောဒက မတက်ဘဲ ဂရုစိုက်ဖို့ပဲ ပြောကာဖုန်းချလိုက်သည်..။
ကိုဟန့်ဘက်ကိုလှည့်ကြည့်မှ ကိုဟန်ကားမောင်းနေတာလေးကိုပါ ဓာတ်ပုံလေးရိုက်သိမ်းထားချင်လို့ ဖုန်းကိုမြှောက်ကာ ပိုးဓာတ်ပုံရိုက်လိုက်သည်..။
ပိုး ဓာတ်ပုံရိုက်နေတာကို သတိထားမိသွားပြီး ကားမောင်းနေရင်း ပိုးဖုန်းကိုလှမ်းယူလာသည်..။
" ဟင်.. ပိုး ဖုန်းလေ..ဘာလို့လာယူနေတာလဲ "
" ကိုယ့်ပုံကို ဘာလို့ထပ်ရိုက်နေတာလဲ.. "
" ဘယ်လောက်ရိုက်ရသေးလို့လဲ.. "
" ပိုးဖုန်း storage ပြည့်သွားရင် ကိုယ့်အပြစ်မဟုတ်ဘူးနော်.. "
" စိတ်ချပါ.. ကိုဟန် တစ်ယောက်စာထဲနဲ့တော့ storage ပြည့်စရာအကြောင်းမရှိပါဘူး "
ကိုဟန်က ကားမောင်းရင်းနဲ့ ပိုးကိုလှည့်ကြည့်သည်.. ပိုးကလည်း မျက်နှာတည်တည်လေးထားပြီး ပြန်ကြည့်ပေးလိုက်သည် ။
ŞİMDİ OKUDUĞUN
တောင်းဆု (Unicode)
Romantizm" ပိုးက ကိုယ့်ကိုရုပ်ချောလို့ချစ်တာလား..ကိုယ်လိုဘာမှမရှိတဲ့သူကို ချစ်တယ်ဆိုတာက တကယ်ဟုတ်ရောဟုတ်ရဲ့လား.." " သေချာပေါက် ရုပ်ချောလို့လေ..ရုပ်ချောလို့ သဘောကျတယ် ..ရုပ်ချောလို့ ချစ်တယ်..ရုပ်ချောလို့ ရင်ခုန်တယ်.." " ဒါဆို ကိုယ်ရုပ်ဆိုးသွားရင်ရော..ဒါမှမဟုတ်...
