တောင်းဆု
🌼pann
Part (10)
ကျွန်တော် အိမ်ပြန်ရောက်တာနဲ့ရေချိုးနေရပြီ..။
ဦးညွှန့်လှိုင်က သူ့သမီးနဲ့အတူ dinner လိုက်တက်ပေးပါအုံးတဲ့..။
စိတ်ကမပါပေမယ့် မဖြစ်သာလို့လိုက်ပေးရအုံးမယ်..။
ပြီး စီးပွားရေးနယ်ပယ်က dinner ပွဲလို့လည်း ကြားထားသေးတော့ သိပ်မလိုက်ချင်ဘူး..တော်ကြာတစ်ယောက်ယောက်ကမြင်ပြီး မှတ်မိသွားရင် ကိုယ်ကြိုးစားနေတာတွေက အလဟဿဖြစ်သွားလိမ့်မယ်..။
ဘယ်သူနဲ့မှ မတွေ့ဖို့.. ဘယ်သူကမှသတိမထားမိဖို့ ကိုယ်ကပဲသတိဝီရိယရှိရှိနေရမယ် ။
နေပါအုံး..အသွားပြန်ပဲစိတ်မချရင် ငါကကားထဲမှာပဲ ထိုင်စောင့်နေလည်းဖြစ်တာပဲ ။
ဟုတ်တယ်.. အဲ့ဒါအကောင်းဆုံးပဲ ။
လိုက်သွားပေးဖို့ ကြိုတင်ကာကွယ်ယူဖို့နည်းလမ်းတွေ ခေါင်းထဲအရင်ထည့်ထားလိုက်သည်..။
ပြီးမှ ရုံးသွားရင်ပုံမှန်ဝတ်နေကျအဝတ်တွေပဲ ဝတ်လိုက်သည်..။
" ရပြီ.. ပြီးပြီ "
ဖုန်းကို ဘောင်းဘီအိတ်ကပ်ထဲထိုးထည့်ပြီး အခန်းထဲက ထွက်သွားလိုက်တော့ ဧည့်ခန်းမှာနုဝေခက်ပိုးက ပြင်ဆင်ပြီးလို့ကြိုတောင်စောင့်နေသေးတာ..။
သူက ပြီးတောင်ပြီးနေပြီလား..။
ကိုယ်က သူ့ကိုစောင့်တောင်စောင့်နေရအုံးမယ်မှတ်နေတာ..။
" ကျွန်တော့်ကို စောင့်နေတာလား.. ဆောရီးနော်.."
" မဟုတ်တာ..ပိုးက အစောကြီးကတည်းက ကြိုပြင်ထားလို့လေ.. ကိုမင်းဆက်ဟန် ပြင်ပြီးပြီမလား "
" ဟုတ်ကဲ့... "
" ဒါဆို သွားကြမယ်လေ.. အင့် ပိုးကားသော့ "
ကားသော့လှမ်းပေးလို့ ကျွန်တော်ယူလိုက်သည်..။
" ပိုး အမေတို့ကို သွားနှုတ်ဆက်လိုက်အုံးမယ်.."
ကျွန်တော် ခေါင်းလေးဆတ်ပြလိုက်တော့ သူကအသိမှတ်ပြုသလို ပြုံးပြပြီး ခြေမျက်စိနားထိကျနေတဲ့ dress ကိုပင့်မကာ အနားကထွက်သွားသည်..။
VOCÊ ESTÁ LENDO
တောင်းဆု (Unicode)
Romance" ပိုးက ကိုယ့်ကိုရုပ်ချောလို့ချစ်တာလား..ကိုယ်လိုဘာမှမရှိတဲ့သူကို ချစ်တယ်ဆိုတာက တကယ်ဟုတ်ရောဟုတ်ရဲ့လား.." " သေချာပေါက် ရုပ်ချောလို့လေ..ရုပ်ချောလို့ သဘောကျတယ် ..ရုပ်ချောလို့ ချစ်တယ်..ရုပ်ချောလို့ ရင်ခုန်တယ်.." " ဒါဆို ကိုယ်ရုပ်ဆိုးသွားရင်ရော..ဒါမှမဟုတ်...
