တောင်းဆု
🌼pann
Part (12)
ကျွန်တော် ရုံးအပြန်လမ်းမှာ သီဟနဲ့အလုပ်အကြောင်း ဆွေးနွေးပြောဆိုရင်းပြန်လာတော့ အိမ်ကိုပြန်ရောက်တဲ့အချိန်က သာမန်ပြန်ရောက်နေကျအချိန်ထက် နောက်ကျနေတာ..။
အိမ်ပြန်နောက်ကျလို့ မေးလာခဲ့ရင်လည်း တုန်လှုပ်စရာအကြောင်းမရှိဘူး.. လမ်းမှာစီးလာတဲ့ကားက ပျက်နေလို့ကြာနေတာလို့ပြောလိုက်ရင် ဒီကိစ္စကပြီးပြီ..။
သူတို့ကဒီကောင့်ပေါ်ဆို သိပ်ပြီးသံသယမများတတ်တော့ ဘယ်အကြောင်းပြချက်ပြပြ ဘာကိုပဲဆင်ခြေပြပြီး ပြောပြော ယုံနေကြတာပဲ..။
ယုံတမ်းစကားပြောပြရမှာက သိပ်မခက်ခဲ..။
" ပြန်လာပြီလား.. ဒီနေ့နောက်ကျလိုက်တာ "
အိမ်ထဲဝင်ရုံရှိသေးတယ်.. ထင်တဲ့အတိုင်း ဒေါ်ချစ်ပန်းဝေက မေးခွန်းမေးလာပြီ ။
ဒါပေမယ့် ကျွန်တော်ခံစားသိနေပါတယ်..။
သူမေးတဲ့အမေးက အပြစ်တင်နေတာမျိုးလည်းမဟုတ်သလို အထက်စီးကနေအပြစ်ရှာနေတဲ့လေသံမျိုးလည်း မဟုတ်ဘူး..။
သူစိတ်ပူနေတဲ့လေသံမျိုးနဲ့ မေးနေတယ်ဆိုတာကို ကျွန်တော်သိပါတယ်..။
" ဟုတ်ကဲ့.. စီးလာတဲ့ကားက လမ်းမှာပျက်နေလို့နောက်ကျနေတာ "
" မသိပါဘူး.. လမ်းမှာများ တစ်ခုခုများဖြစ်နေသလားဆိုပြီး စိုးရိမ်နေတာ "
" မဖြစ်ပါဘူးဗျ.. "
" ပြန်ရောက်ပြီဆို ရပါပြီ.. သွား..ခြေလက်သွားဆေးလိုက်အုံး.. ပြီးရင် ထမင်းအတူစားကြတာပေါ့"
" ဟုတ်ကဲ့.. "
ခေါင်းညိတ်ပြကာ အခန်းဆီသွားလိုက်သည်..။
ဒေါ်ချစ်ပန်းဝေကလွဲရင် ကျန်တဲ့သူတွေမတွေ့မိဘူး..။
ဒါပေမယ့် သူတို့အခန်းမှာပဲရှိနေလောက်တယ်..။
ဒီအိမ်ကလူတွေက ညဆိုတော်တန်ရုံလောက်နဲ့အပြင်မှာရှိမနေတတ်ကြဘူး.. ညနေလူစုံပြီဆို ခြံတံခါးသော့ခတ်ပဲ ။
VOUS LISEZ
တောင်းဆု (Unicode)
Roman d'amour" ပိုးက ကိုယ့်ကိုရုပ်ချောလို့ချစ်တာလား..ကိုယ်လိုဘာမှမရှိတဲ့သူကို ချစ်တယ်ဆိုတာက တကယ်ဟုတ်ရောဟုတ်ရဲ့လား.." " သေချာပေါက် ရုပ်ချောလို့လေ..ရုပ်ချောလို့ သဘောကျတယ် ..ရုပ်ချောလို့ ချစ်တယ်..ရုပ်ချောလို့ ရင်ခုန်တယ်.." " ဒါဆို ကိုယ်ရုပ်ဆိုးသွားရင်ရော..ဒါမှမဟုတ်...
