တောင်းဆု
pann
Part (18)
ဖိနပ်ချစီးရင်း လက်ကနာရီကိုကြည့်လိုက်သည်..။
နည်းနည်းနောက်ကျနေပေမယ့် ရုံးကိုအမှီရောက်အောင် သွားနိုင်ပါသေးတယ်..။
ဖိနပ်စီးပြီး ဖိုင်တွဲတွေကိုလက်ပြောင်းကိုင်ကာ ကားဆီသွားတဲ့ချိန် နောက်ကနေပြေးလာတဲ့အသံနဲ့အတူ ကျွန်တော့်လက်ကိုပါ ဆွဲကိုင်ပြီး ဦးတည်ရာပါ ပြောင်းခံလိုက်ရသည်..။
" ပိုး.. ဘာလုပ်တာလဲ "
အထဲမှာ ဒေါ်ချစ်ပန်းဝေကြားမှာစိုးလို့ အသံခပ်ကြိတ်ကြိတ်နဲ့ တိုးတိုးလေးပြောရသည်..။
" တက်.. "
ပိုးက သူ့ကားတံခါးသူဖွင့်ပြီး ကိုယ့်ကိုယ်ပါတက်ခိုင်းနေတာ..။
" ပိုး ကိုယ့်မှာအချိန်မရှိဘူး.. အလုပ်သွားရမှာ "
နာရီကိုထောင်ပြပြီးပြောကာ လှည့်ထွက်လိုက်ပေမယ့်လည်း ကိုယ့်လက်ကိုပြန်ဆွဲထားလို့ သွားမရသေး..။
" ဒီနေ့တစ်ရက် နားရက်ပေးပါတယ်တဲ့.. "
" ဟမ်.. ဘယ်သူကလဲ ဘယ်သူ့ကိုလဲ "
" လာပါ.. သွားရင်းနဲ့ ပိုးပြောပြပါမယ် "
" ဘယ်သွားကြမှာလဲ.. ကိုယ် ခွင့်မယူထားဘူး ဒီနေ့.."
" တက်ပါဆို...တက်.. "
ကျောကိုနောက်ကနေလာတွန်းပြီး ကားထဲဝင်ထိုင်ခိုင်းနေတဲ့ ပိုး..။
" ပိုး ကိုယ်... "
ပိုးက ကားတံခါးကိုညင်ညင်သာသာလေး ပြန်ပိတ်ပေးခဲ့ပြီး ကားမောင်းသူနေရာမှာ ဝင်ထိုင်နေပြီ..။
" ပိုး.. "
" ခါးပတ် ပတ်လေ... ဒါတွေ ကိုင်ထားမနေနဲ့.."
ကိုယ့်လက်ထဲကဖိုင်တွဲတွေက ပိုးကပဲယူသွားပြီး နောက်ဘက်ထိုင်ခုံပေါ် လှမ်းတင်လိုက်သေးသည်..။
" ပိုး စမောင်းတော့မှာ..ခါးပတ်.."
ခါးပတ်ကြိုးကို မျက်စနဲ့အချက်ပြနေတော့ သူ့စကားအတိုင်း ခါးပတ်ကြိုးဆွဲကာ ကိုယ်မှာသိုင်းထားလိုက်သည်..။
ESTÁS LEYENDO
တောင်းဆု (Unicode)
Romance" ပိုးက ကိုယ့်ကိုရုပ်ချောလို့ချစ်တာလား..ကိုယ်လိုဘာမှမရှိတဲ့သူကို ချစ်တယ်ဆိုတာက တကယ်ဟုတ်ရောဟုတ်ရဲ့လား.." " သေချာပေါက် ရုပ်ချောလို့လေ..ရုပ်ချောလို့ သဘောကျတယ် ..ရုပ်ချောလို့ ချစ်တယ်..ရုပ်ချောလို့ ရင်ခုန်တယ်.." " ဒါဆို ကိုယ်ရုပ်ဆိုးသွားရင်ရော..ဒါမှမဟုတ်...
