တောင်းဆု
🌼pann
Part (26)
" ဒါ ကျွန်တော့်ရဲ့ရှေ့နေ.. ကျွန်တော့်ဘက်မှာ လူကြီးမိဘတွေ မရှိတော့ဘူး.. ခုလို မင်္ဂလာစကားလာပြောတဲ့ချိန်မှာ ကျွန်တော်ပဲချည်းလာတာက ယဥ်ကျေးရာမကျမှာစိုးလို့ ကျွန်တော့်အတွက် လူကြီးနေရာကနေ လိုက်ပေးဖို့အတွက် ခွင့်တောင်းပြီးခေါ်လာတာပါ.. "
" ဪ.. ဟုတ်ကဲ့ "
အမေက ရှေ့နေဆိုတဲ့ဦးလေးကို ခေါင်းလေးညိတ်ပြရင်း နှုတ်ဆက်သလို တစ်ဖက်ကလည်းပြန်ပြုံးပြရင်း ခေါင်းဆတ်ပြသည်..။
" ဘယ်နေ့ လာတင်တောင်းရမယ်ဆိုတာနဲ့ တင်တောင်းကြေးကိုလည်း အားမနာဘဲ ကျွန်တော့်ကိုပွင့်ပွင့်လင်းလင်း ပြောလို့ရပါတယ်.. လိုအပ်တာတွေရှိနေသေးရင်လည်း ပြောပါခင်ဗျ.. ကျွန်တော်ကဒီလိုမင်္ဂလာကိစ္စမှာ အတွေ့ကြုံရော ကြားဖူးနားဝလည်းမရှိတာကြောင့် ဘယ်လိုလုပ်ရမယ်.. ဘယ်လိုဓလေ့တွေရှိတယ်ဆိုတာ မသိဘူးဗျ..ခုကျွန်တော်လုပ်နေတာ မှားတာလွဲတာများရှိရင် ခုကတည်းက တစ်ခါထဲတောင်းပန်ပါတယ်.. ပြင်ပေးစရာရှိရင်လည်း ကျွန်တော့်ကိုတန်းပြင်ပေးနိုင်ပါတယ်.. "
" တင်တောင်းမယ့်ရက်ကတော့ ရက်ကိုသေချာကြည့်ပြီးမှ ပြောရမှာဆိုတော့ ဘယ်နေ့ကောင်းတယ်ဆိုတာ ပြန်ပြောပြပေးမယ်လေ.. "
" ဟုတ်ကဲ့.. "
" တင်တောင်းကြေးကိုတော့... "
အမေက ပိုးလက်လေးကို ဆုပ်ထွေးကိုင်လာသည်..။
" တင်တောင်းချင်သလောက်နဲ့ တင်တောင်းလို့ရပါတယ်.. အန်တီကြေးမပြောချင်ဘူး.. အန်တီကသမီးကို တန်ဖိုးထားတဲ့သူ သင့်တော်တဲ့သူနဲ့ပဲအိမ်ထောင်ချပေးချင်ရုံပဲ.. အန်တီ့သမီးကိုကြေးစကားပြောပြီး အရောင်းဝယ်လုပ်တာမျိုးမလုပ်ချင်ဘူး.. အဓိကက သမီးကို ချစ်မြတ်နိုးပြီး တန်ဖိုးထားပေးတယ်ဆိုရင်ပဲ ရပါပြီ.."
ပိုးအတွက် အမေထားတဲ့မေတ္တာတံခါးဝလေးကို ပိုးလှမ်းမြင်ရတော့ ရင်ထဲမှာဝမ်းနည်းပြီး စိတ်မကောင်းဖြစ်ကာ မျက်ရည်လေးပါဝဲလာမိသည်..။
ESTÁS LEYENDO
တောင်းဆု (Unicode)
Romance" ပိုးက ကိုယ့်ကိုရုပ်ချောလို့ချစ်တာလား..ကိုယ်လိုဘာမှမရှိတဲ့သူကို ချစ်တယ်ဆိုတာက တကယ်ဟုတ်ရောဟုတ်ရဲ့လား.." " သေချာပေါက် ရုပ်ချောလို့လေ..ရုပ်ချောလို့ သဘောကျတယ် ..ရုပ်ချောလို့ ချစ်တယ်..ရုပ်ချောလို့ ရင်ခုန်တယ်.." " ဒါဆို ကိုယ်ရုပ်ဆိုးသွားရင်ရော..ဒါမှမဟုတ်...
