တောင်းဆု
🌼pann
Part (5)
မနက်တော့ ကျွန်တော်အစောကြီးနိုးနေပြီ..။
ကိုယ့်အိမ်မှာလည်း ဒီလိုချိန်တွေထနေကျ..အစောထပြီး အလုပ်လုပ်နေပြီ ။
ခုတော့အစောသာထရပေမယ့် လက်ထဲမှာအလုပ်နဲ့ပတ်သက်တာဆို ဘာဆိုဘာတစ်ခုမှမပါလာဘူး..လှမ်းဖုန်းဆက်ညွှန်ကြားရအောင်လည်း ကိုယ့်ဖုန်းကလုခံထားရတော့ ဘာမှကိုဆက်လုပ်လို့မရဘဲဖြစ်နေတာ ။
အလုပ်လုပ်စရာမရှိလို့ ကုတင်မှာဆက်လှဲလျောင်းပြီး အနားမယူနိုင်..ပျင်းတယ် ။
နိုးနေမယ့်အတူတူ အိပ်ယာကနေပဲထလိုက်သည်..။
ကျွန်တော်နေရတဲ့အခန်းမှာ ရေချိုးခန်းတစ်ခန်းတော့ပါပါရဲ့..အိမ်သာသက်သက်တစ်ခန်းမပါ။
ဟိုတစ်နေ့ရောက်တုန်းက အိမ်သာသွားဖူးတာမို့ နေရာတော့သိပါတယ်..မှောင်ရိပ်ကျနေတော့ သွားလာဖို့က နည်းနည်းစမ်းတမ်းရမ်းသမ်းလျှောက်နေရသည် ။
မီးဖွင့်ဖို့ကလည်း သူများအိမ်မို့ဖွင့်သင့်မဖွင့်သင့် ချင့်ချိန်နေရသေးတယ်..ကိုယ့်အိမ်မှာသာဆို ကိုယ့်ဘာသာဘာလုပ်လုပ် စိတ်တိုင်းကျလုပ်ခွင့်နေခွင့်ရသေးတယ်..။
ကိုယ့်အိမ်အကောင်းကြီးကိုပစ်ပြီး ဒီမှာလာနေဖြစ်တဲ့ကိုယ့်ကိုယ်ကိုယ်လည်း အိပ်မက်လားလက်တွေ့လား မခွဲနိုင်သေး..။
" ကျစ်.. "
ကိုယ့်အကြောင်းကိုယ်ပြန်တွေးမိပြီး တီးတိုးလေးကျစ်သပ်လိုက်သည်..။
ဖြေးဖြေးချင်းသွားရင် အိမ်သာရောက်တော့အခန်းတံခါးဖွင့်ဝင်ကာ မီးဖွင့်လိုက်သည်..။
" ဟူး.. "
စိတ်မောလို့ လေပြင်းပြင်းမှုတ်ထုတ်လိုက်သည်..။
ကိုယ်လုပ်စရာရှိတာ လုပ်ခဲ့ပြီး လက်ဆေးထွက်ခဲ့တော့ အိမ်ကမီးတွေလင်းနေပြီ..။
" ဟင်.. "
ငါ မဖွင့်ထားခဲ့မိပါဘူး..။
နောက်ဖေးမှာ ရေသံ အိုးလှပ်သံတွေကြားနေရလို့ ဖြေးဖြေးချင်း ကျွန်တော်လျှောက်သွားကြည့်လိုက်သည်..။
VOUS LISEZ
တောင်းဆု (Unicode)
Roman d'amour" ပိုးက ကိုယ့်ကိုရုပ်ချောလို့ချစ်တာလား..ကိုယ်လိုဘာမှမရှိတဲ့သူကို ချစ်တယ်ဆိုတာက တကယ်ဟုတ်ရောဟုတ်ရဲ့လား.." " သေချာပေါက် ရုပ်ချောလို့လေ..ရုပ်ချောလို့ သဘောကျတယ် ..ရုပ်ချောလို့ ချစ်တယ်..ရုပ်ချောလို့ ရင်ခုန်တယ်.." " ဒါဆို ကိုယ်ရုပ်ဆိုးသွားရင်ရော..ဒါမှမဟုတ်...
