တောင်းဆု
🌼pann
Part (1)
ခြံဝန်းတံခါးကြီးကနေ မောင်းလာလိုက်ကာ ရေပန်းအဝိုင်းပတ်လေးကို ပတ်မောင်းလာပြီး ကားကိုဖြေးဖြေးအရှိန်သတ်ရင်း အိမ်မကြီးရှေ့မှာ ရပ်လိုက်သည်..။
ကားထဲကထွက်ကာ လှေကားထစ်တွေတစ်ထစ်ချင်းကို နင်းတက်ပြီး အိမ်ထဲဝင်လိုက်သည်..။
နောက် အိမ်အတွင်းက လှေကားတွေကိုဖြတ်နင်းတက်ကာ အပေါ်ထပ်ထိတက်သွားလိုက်သည်..။
အပေါ်ထပ်ရောက်တော့ ညာဘက်ကိုကွေ့လိုက်ပြီး ထောင့်ဆုံးအခန်းဆီသွားလိုက်သည်..။
" ဒေါက်.. ဒေါက် "
" ဝင်ခဲ့.. "
သည်အသံကြားမှသာ ရဲရဲဝင်ရဲသည်..။
အခန်းထဲဝင်သွားကာ လက်နှစ်ဖက်ယှက်ထားပြီး မတ်မတ်ရပ်ထားရင်း..
" သူဋ္ဌေး.. "
" အင်..ပြော "
ပြောလို့သာဆိုပေမယ့် မျက်လုံးအစုံက ရှေ့က tablet က Share graph ကိုသာ အာရုံစိုက်နေတာ..။
သူ့အာရုံက tablet မှန်ပြင်ထက်ကမြှားတွေဆီမှာသာရှိတယ်ဆိုပြီး ကိုယ်ပြောစရာရှိတာကို ဆိုင်းငံ့ထားနေစရာမလို..။
နားအာရုံက သက်သက်စွံ့ထားသေးတာမို့ ကိုယ်ပြောရမယ့်ကိစ္စကို ပြောလို့ရသည်..မပြောဘဲနေရင်တောင် သူဋ္ဌေးကကြိုက်တာမဟုတ်မှန်းလည်း ကြိုသိနေတာကြောင့်လည်း ပါပါတယ် ။
" မြေကွက်ဝယ်ဖို့က တခြားမြေကွက်အကုန်ရပေမယ့် တစ်ကွက်ကိုတော့ဝယ်မရသေးဘူးဖြစ်နေတယ် သူဋ္ဌေး.."
" ဘယ်မြေကွက်ကျန်နေသေးတာလဲ.. "
လက်ထဲကိုင်ထားတဲ့ မြေပုံ graph ကို စားပွဲခုံပေါ်အသာဖြန့်တင်ကာ လက်ညိုးထောက်ပြလျက်..
" ဒီတစ်ကွက်ပဲ ကျန်နေသေးတာ သူဋ္ဌေး.. "
ထိုအခါမှ tablet ကိုဘေးပို့ကာ မြေပုံကိုဆွဲယူပြီး စူးစူးစိုက်စိုက်ကြည့်တော့သည်..။
" သူက center ကျနေတဲ့မြေကွက်မလား.. "
" ဟုတ်ပါတယ် သူဋ္ဌေး.. "
VOCÊ ESTÁ LENDO
တောင်းဆု (Unicode)
Romance" ပိုးက ကိုယ့်ကိုရုပ်ချောလို့ချစ်တာလား..ကိုယ်လိုဘာမှမရှိတဲ့သူကို ချစ်တယ်ဆိုတာက တကယ်ဟုတ်ရောဟုတ်ရဲ့လား.." " သေချာပေါက် ရုပ်ချောလို့လေ..ရုပ်ချောလို့ သဘောကျတယ် ..ရုပ်ချောလို့ ချစ်တယ်..ရုပ်ချောလို့ ရင်ခုန်တယ်.." " ဒါဆို ကိုယ်ရုပ်ဆိုးသွားရင်ရော..ဒါမှမဟုတ်...
