♥▄الـنـبـ«29»ــضــة▄♥
:
:
:
فــي الـغــــد..~
كانت تجلس على طرف السرير متوترة...تنتظره...تفكر منذ البارحة...في كل هذا الهم الذي يشغله...كيف تحدثه عما يشغلها هي..و سيزيد عليه؟؟
خرج إليها...بعد أن انهى إرتداء ملابسه...ليقف بجانبها يلتقط شماغه...الذي كانت قد جهزته له...
بدى لها أنه يستعد للخروج إلى عمله...و تعلم يقيناً بحالته هذه أنه سيرفض الإفطار...إذن لا توجد سوى هذه الفرصة لتحدثه بها...
قبل أن يسبقها باسل و يخبره بتهور و فضاضة عما يريد...
كانت تخشى خلافاً قد يحدث بينهما...لذا أخذت على عاتقها أمر إخباره...
أبومالك يسبقها بالحديث / وش أخبارها جواهر اليوم؟
أم ساري / الحمدلله بخير..توقعتها تنهار بعد ما رفضت بنتها تقابلها مره ثانيه..بس الحمدلله للحين متماسكه..فيها حزن يعور القلب بس مقويه نفسها..
أبومالك يزفر بغم..و عجز / وش أسوي عشانها؟ ما أقدر اشوفها تتعذب كذا و اجلس اتفرج عليها!_أكمل و كأنه يسأل نفسه_اروح اكلم بنتها أنا؟ أقول لها إن كل الذنب ذنبي أنا مو أمها
أم ساري تطمئنه / ربي بيحنن قلبها عليها..بإذن الله حالهم بيتعدل و يجتمعون على خير..بس البنت أكيد يبغالها وقت تتقبلها..وقت تفكر فيه..و تتعود تشوفها..جواهر فاهمه هالشي عشان كذا صابره
كان يشغله طوال الليل همه على جواهر...أمضى معها ليلتهما بطولها يلوم نفسه...
يبحث عن حل عجز أن يجده...ليعوضها سنوات الحرمان...
لكن هي لا يشغلها هم جواهر فقط...تقلق عليها نعم...لكنها تؤمن أن ربها سيعوضها بالخير...لأنها تستحق...
و كل ما يشغلها الآن باسل و تلك الخطبة التي يصر عليها...و ردة فعله عليها...لذا جمعت عزمها لتحدثه...
أم ساري بتردد / سعود..فيه شيء أبي اكلمك فيه..و أدري مو وقته..بس....
أبومالك بتفهم / قولي يا أم ساري اللي بخاطرك..مو ذنبك تتحملين خطأ مالك يد فيه
أم ساري بلا مقدمات لن يتحملها / باسل خطب
أبومالك بغضب / خطب! متى؟ و مين هاللي خطبها بدون لا يقول لنا!!
أم ساري تهدئه / هو ما خطبها.. بس سألهم و للحين ما ردوا عليه...و يبي اذا وافقت نروح نخطبها له رسمي
أبومالك يزفر براحة لن تدوم له / زين..الله يكتب له اللي فيه الخير...مين بنته اللي خطبها؟ اعرفهم؟
أم ساري بحذرو توجس/ ايه.........أخت سلام
رفع نظره بصدمة لها...و الإنزعاج بدا واضحاً بملامحه...و لم يحاول أن يخفيه حتى...
أخت سلام..!!يعني أنه سيناسب ذاك الرجل..!
أبومالك بعصبية / و ما لقى غيرها! إذا يبغى يتزوج يسألك و تدورين له.. و ألف وحده تتمناه..ما خلصوا البنات عشان.....
أم ساري تقاطعه برجاء / هو ما قال يبي يتزوج و بس..هو خطبها هي بالذات و بعدين قال لي...وهاذي ثاني مره يخطبها..خطبها أول مره و رفضت..و اللحين رجع يخطبها..هو قد كلمني عنها بس ما تخيلت إنه يبيها لهالدرجه..!
سعود تكفى..إن وافقوا و هم غالباً ماراح يوافقون... لا ترفض أنت..يكفي حرقنا قلب ساري عشان خلافات قديمه..مو بعد باسل بنوقف بوجهه عشان نفس السبب..باسل غير عن ساري..ماراح يسامحنا و يكمل حياته مكسور..بيلومنا دايم على حياته اللي بغاها و رفضناها..
حنا عشنا عمرنا يا سعود بحلوه..و مره..اخطينا و دفعنا ثمن أخطائنا..بس هذا عمر عيالنا... هذا وقتهم و مشاعرهم..مابي تحكمهم خلافاتنا..و مشاعرنا حنا..!!
حرام نحكم عليهم بشيء هم مالهم دخل فيه..اللي راح راح يا سعود..تكفى انسى كل اللي راح ما عاد يهم... و لا تفكر إلا بباسل و حياته اللي هو اختارها
