နေရောင်ခြည်မှိန်ဖျော့လာသော ညနေစောင်း၌ ဂျယ်ယွန်းက ခြံဝန်းထဲမှ ဒန်းလွှဲပေါ် မှီလျက် ငြိမ်သက်စွာထိုင်နေသည်။
ကြောင်စီစီမျက်ဝန်းတို့ကတော့ ခြံတံခါးရှေ့ ဧည့်ဝတ်ပျူငှာပြနေသော သမင်ပျိုထံ တိတ်တဆိတ်မာန်ခဲ၏။
ပိတုန်းရောင်ကေသာတွေ လေမှာဝဲမတတ်နူးညံ့၍ လှပကျက်သရေလွင်သောအမျိုးသမီးလေးကို ပြုံးပြကာရယ်မောလိုက်တဲ့နှုတ်ခမ်းကွေးတွေကို သူတစီဆွဲဖဲ့ပစ်ချင်မိပြီ။
"မျက်နှာများတဲ့ကောင်"
"ငါ့ဘဝရဲ့ ပထမဆုံးအနမ်းကိုလုယူသွားရုံတင်မကဘဲ လှေနံနှစ်ဖက်နင်းချင်သေးတယ်"
"ဒါနဲ့များ စည်းကိုချိုးမယ်ဖြတ်မယ်တဲ့
အာပလာကောင်"
"မနက်တိုင်း မင်းသောက်တတ်ရာ
လက်ဖက်ရည်ခွက်ထဲမှာ ယင်ကောင်ဝင်ပါစေ"
တစ်ယောက်တည်းပါးစပ်တဖွဖွကြားလှုပ်လီလှုပ်လဲ့အခြေမငြိမ်နေသည့်ဂျယ်ယွန်းထံ ဟီဆွန်းက မြင်သည်ဆိုရုံကြည့်လာ၏။
ဖြတ်ခနဲဆိုသည်ပင်ငြား၊နှစ်ဦးသားအကြည့်ချင်းစုံခိုက်မိသောအခိုက်အတန့်တိုင်း၌တားဆီးမရသော နှလုံးခုန်သံကြား သူမောဟိုက်ရသည်။
ဤလုလင်ထံကွယ်လှစ်ထားသော ထောင်ချောက်များစွာမည်မျှပင်ရှိနေနှင့်ပြီနည်း။
သိသိလျက်တင်အလိုအလျောက်တိုးဝင်မိသော ခြေလှမ်းတွေကိုလည်း ဂျယ်ယွန်း အပြစ်မတင်နိုင်တော့ပါ။
အီဟီဆွန်းက အမြင်ထက်ပင်အန္တရာယ်များသည်။
သူ့အပြုံးတို့တွင် စပျစ်တစ်ခိုင်ကို ခြံရံသော ချုံနွယ်ဆူးပေါင်းများစွာထက်နှလုံးအိမ်ထဲထိစူးစိုက်ဖောက်ထွင်းမည့် ဗို့အားတို့လည်းရှိ၏။
ဒါကိုနေ့လည်တုန်းကတိုက်ခိုက်ကျူးကျော်ခံခဲ့ရသောနှုတ်ခမ်းသားထံမှရသော ချိုမြိန်မှုထဲ ယစ်မူးမိရာကတစ်ဆင့်၊ဂျယ်ယွန်းနားလည်လာရပေပြီတည်း။
- - - - - - - - - - - - - - - - - - - - - - - - - - -
"သားဂျယ်ယွန်း"
"ညစာအတူတူစားရအောင်လေ
ဒီမှာ မိတ်ဆက်လိုက်ဦး"
DU LIEST GERADE
Sour Grapes
Fanfictionချဥ်သက်သက်အချစ်မျိုးသာဆိုရင်တော့ ဆက်မြည်းစမ်းဖို့ငါဝန်လေးမှာပါ။
