"ခွပ်....ခွပ်.....ခွပ်"
"အကုန်ထောင်ထဲ တန်းစီဝင်ဖို့ပြင်ထား!!"
"ညီလေးတော်ပြီ တော်ပြီ...ဆေးရုံကြီးမှာ ရုတ်ရုတ်သဲသဲ ဖြစ်လို့မကောင်းဘူး"
ကိုသီဟ မျက်လုံးတွေနီပြီး ဒေါသအရမ်းထွက်နေတဲ့ Blade ကိုမနိုင်တနိုင်နဲ့ အတင်းဆွဲထားရတယ်။ ဆေးရုံအခန်းရှေ့ကို ရောက်တာနဲ့ ရပ်ပြီးစောင့်နေကြတဲ့ ရိုက်ကွင်းက Staff သုံးယောက်လုံးကို တန်းစီထိုးချသွားလိုက်တာ အနောက်ကနေ လှမ်းတားလို့တောင် မမှီလိုက်ဘူး။ ဒါရိုက်တာကလည်း မျက်နှာငယ်လေးနဲ့ သူ့ဆီရောက်လာမယ့် Blade ရဲ့လက်သီးကို စောင့်နေပုံရတယ်။
"တောက်! ...ခင်ဗျား ဥဒါန်းသွင် နိုးလာရင် သေချာပေါက်တောင်းပန်လိုက်...ကြားလား!!"
ဒါရိုက်တာဆိုတဲ့လူကို Blade လက်သီးနဲ့ထိုးဖို့ ပြင်ပြီးကာမှ ဥဒါန်းသွင်ဒုက္ခရောက်နေတုန်းက ကူညီပေးထားဖူးတဲ့ မျက်နှာရှိတာကြောင့် ကိုယ့်ဒေါသကိုယ် ပြန်ထိန်းလိုက်ရတယ်။ ကိုယ်ကစိတ်လိုက်မာန်ပါ လုပ်လိုက်ရင် နောက်ပိုင်းမှာ ဥဒါန်းသွင်ကို အခက်တွေ့သွားစေနိုင်တာကြောင့် Blade ဒေါသကို တစ်ထစ်လျှော့ချလိုက်ရတယ်။
"ဟုတ်ကဲ့ပါ ကိုBlade..ကျွန်တော့်ဘက်က အနူးညွှတ်တောင်းပန်ပါတယ်..အားလုံးကိုလည်း တာဝန်ယူပေးပါ့မယ်ခင်ဗျာ"
"ကိုသီဟ! ဥဒါန်းသွင်ကို ဆေးရုံပြောင်းဖို့လုပ်..."
"အေးအေး...ကိုသီဟ ဆရာဝန်ကို သွားပြောလိုက်မယ်"
ဥဒါန်းသွင်ကို အခုတင်ထားတဲ့ ဆေးရုံက အစိုးရဆေးရုံဖြစ်နေတာကြောင့် လူတွေကအရမ်းများနေတယ်။ အခန်းကလည်း သီးသန့်အခန်းမဟုတ်တော့ အခန်းထဲမှာ အခြားလူနာတွေပါ ရှိနေပြန်ရော။ ကုတင်ပေါ်မှာ မျက်နှာဖြူဖျော့ဖျော့လေးနဲ့ လဲလျောင်းနေသည့် ဥဒါန်းသွင်ကိုမြင်တော့ ရင်ဖက်ထဲက အောင့်လာတယ်။ လူသေးသေးလေးက ဘယ်လိုလုပ်ပြီး ဆေးရုံနဲ့လိုက်ဖက်မှာလဲ။ အနားကိုကြည့်လိုက်တော့လည်း တစ်ယောက်တစ်လေမှ ရှိမနေတာကြောင့်။
"ဝေလေး! ဝေလေး! ...ဘယ်တွေသွားနေတာလဲဟ!"
"လာပြီ လာပြီ ကိုကြီး Blade..."
YOU ARE READING
Blade (ဓါးသွား)
Romance"ဥဒါန်း ကို စိတ်ဝင်စားနေတာလား" "မပြောတတ်ဘူး....လောလောဆယ်တော့ ခင်ဗျားကို တစ်စစီဖြစ်သွားအောင် ဖျက်ဆီးပစ်ချင်နေတယ်" Started- 6.11.2022 Ended - 23.3.2023 Total Episodes- 62 episodes
