".....အထဲမှာလူရှိတာလား"
"အထဲမှာ ပိတ်မိနေတဲ့သူများရှိရင် အသံပေးပါ"
အနောက်ကနေရိုက်ခဲ့လိုက်တာကြောင့် တရားခံလို့ယူဆရတဲ့တစ်ယောက် မြေပြင်မှာလဲကျနေတုန်း သူလည်းရဲစခန်းကိုဖုန်းလှမ်းဆက်ပြီး စက်ရုံဝန်းထဲကိုသာပြေးဝင်လာခဲ့လိုက်တယ်။ စက်ရုံအထဲကိုရောက်တော့ တိရိစ္ဆာန်လေးတွေရဲ့ အော်သံအချို့ကိုကြားရတာကြောင့် အသံလာရာအခန်းဘက်ကိုသာ သူပြေးသွားခဲ့လိုက်တယ်။
"ဘယ်...ဘယ်သူလဲ"
"လူရှိနေတာမလား..ဟိုTVမှာပါလာတဲ့ကလေးလား"
"..ရှိ...ရှိတယ်....ဒီထဲမှာကျွန်တော်ရှိတယ်...လူရှိတယ်လို့"
အခန်းထဲကနေ ဖျောတော့ပြီး အားပျက်နေသည့် လူတစ်စ်ယောက်ရဲ့ အသံထွက်လာသည်။ မနက်တည်းက ကိုယ့်သားအရွယ်လောက်ရှိသည့် လူငယ်လေးတစ်ယောက် ပျောက်သွားတယ်ဆိုတဲ့ သတင်းကိုနေရာအနှံ့မှာ တွေ့နေရတာ။ သားသမီးချင်း ကိုယ်ချင်းစာတာကြောင့် သတင်းဖတ်မိလိုက်ပြီးတည်းက သူတကယ်စိတ်မကောင်း ဖြစ်မိနေတာ။
"ဟုတ်ပြီ..ခဏလေးစောင့်နော်သားလေး...ဦးလေးသော့ကိုရအောင်ဖျက်ပြီးဝင်လာခဲ့မယ်"
အခန်းတံခါးကို အပြင်ကသော့ဖြင့်ပိတ်ထားတာတွေ့တာကြောင့် ဘေးနားက ထုရိုက်စရာတစ်ခုခုကိုရှာလိုက်သည်။ ခပ်တုတ်တုတ် သံထုတ်တစ်ချောင်းကို တွေ့တာကြောင့် ယူလိုက်ပြီး သော့ကိုသာအားကုန်ရိုက်ဖျက်လိုက်သည်။
"ဒုန်း...ဒုန်း.....ဒုန်း....ချွင်"
သော့ပျက်သွားပြီမို့ သူသံတံခါးကြီးကို အလျင်အမြန်ဖွင့်လိုက်ပြီး ဝင်သွားလိုက်သည်။ အထဲရောက်တော့ လှောင်အိမ်ထဲထည့်ထားသည့် အသက်ရှင်နေသေးသည့် တိရိစ္ဆာန်လေးအချို့နှင့် အနံ့အသက် ထွက်နေပြီဖြစ်သော ခွေးလေး၊ကြောင်လေးတွေရဲ့ အလောင်းတွေကို တွေ့ရတယ်။ အခန်းရဲ့ထောင့်စွန်းမှာတော့ သံလှောင်အိမ်ကြီးထဲမှာ ခွေခွေလေးလှဲနေသည့် TVထဲကကောင်လေး။
"သားလေး...သားလေး...အဆင်ပြေရဲ့လား"
"ဘယ်သူ..ဘယ်သူလဲ..ကျွန်တော်ရေဆာလို့ ရေသောက်ချင်လို့ပါ"
YOU ARE READING
Blade (ဓါးသွား)
Romance"ဥဒါန်း ကို စိတ်ဝင်စားနေတာလား" "မပြောတတ်ဘူး....လောလောဆယ်တော့ ခင်ဗျားကို တစ်စစီဖြစ်သွားအောင် ဖျက်ဆီးပစ်ချင်နေတယ်" Started- 6.11.2022 Ended - 23.3.2023 Total Episodes- 62 episodes
