"ဂျာကြီး Captain ကဒီတစ်သက် ရုံးကိုလာဖို့ရော အစီအစဉ်ရှိသေးလား...သူလက်မှတ်ထိုးရမယ့် အလုပ်တွေပုံနေပြီလေ"
"ငါလည်းမသိဘူးဟေ့..မင်းတို့ Captain ကအခုတလော လူမွှေးလူရောင်တောင် မပြောင်တော့ဘူး..ခဏတော့ လွှတ်ပေးထားလိုက်ကြပါ"
TP ကို Captain မလာတာ အတော်ကြာနေပြီ ဖြစ်တာကြောင့် ဝန်ထမ်းတွေတောင် မေးယူနေရတဲ့အဖြစ်ကို ရောက်နေပြီ။ ဟိုတနေ့က အရေးကြီးတဲ့စာချုပ်မှာ လက်မှတ်ထိုးခိုင်းရမှာမို့ သူ့Condoကို လိုက်သွားတော့ ယိုင်နဲ့နဲ့ပုံစံနဲ့ တံခါးလာဖွင့်ပေးတဲ့ Captain ပုံစံမြင်ပြီး ကိုယ်တောင်ဘာပြောရမှန်းမသိ ဖြစ်သွားသေးတယ်။ တချိန်လုံး အကြောတင်းတင်း၊ ရန်စွယ်တငေါငေါဖြစ်နေတဲ့ Captain လိုလူကိုအခုလိုပုံစံနဲ့တွေ့ရတော့ တစ်ဖက်ကလည်း စိတ်မကောင်းမိသလို တစ်ဖက်ကလည်း ရယ်တော့ရယ်ချင်သားရယ်။ ကိုဥဒါန်းသွင် အပြစ်ပေးပုံပေးနည်းကအတော်လေး ထိရောက်ပုံရတယ်။ မျက်နှာထားကိုတည်းက အရင်ကနဲ့မတူပဲ အတော်လေး အပိုးကျိုးသွားရှာတာ။ ကူပါကယ်ပါဆိုတဲ့ ပုံစံလေး။
"ဒီရက်ပိုင်းတော့ Captainက TP ကိုလာဖြစ်ဦးမှာ မဟုတ်တော့ တစ်စုံတစ်ခုရှိရင် ငါ့ဆီသာလာခဲ့ကြဟေ့...ဟိုတလောကလည်း လက်ဝှေ့ပွဲမှာ ပြဿနာရှာထားတော့ ကိုသီဟက သတင်းစာရှင်လင်းပွဲလုပ်ရမယ်လို့ ပြောတယ် အဲ့တာကြောင့် သူဒီရက်ပိုင်း အဲ့ဘက်ကိုပဲ အာရုံစိုက်နေရဦးမှာ...ကဲဒါပဲ...ပြောချင်တာကတော့ Captain မရှိလည်း အားလုံးကကြိုးစားပေးကြပါဦး"
အဖြစ်ကတော့ ဝန်ထမ်းတွေက အလုပ်ကိုပေါ်မလာတဲ့ Bossကြောင့် စိတ်ညစ်နေရတဲ့အဖြစ်။ Captain တို့က ဖြစ်လိုက်ရင် သူများနဲ့ကို မတူဘူး။ ဘယ်မှာမှရှာလို့ မတွေ့နိုင်တော့မယ့် အလုပ်ရှင််မျိုးပဲ။ တော်သေးတာက TP ကဝန်ထမ်းတွေက လူငယ်တွေလည်းဖြစ်သလို ကိုယ့်တာဝန်ကိုယ်ယူတတ်ကြတဲ့ သူတွေမို့ အထွေအထူး သိပ်ပြောနေစရာမလိုလို့သာ။ အားလုံးက ကိုယ့်အလုပ်ကိုယ် ပြီးအောင်တာဝန်ယူတတ်တဲ့ ကလေးတွေ့မို့လို့သာပဲ။ မဟုတ်လို့ကတော့ Captain လုပ်ပုံနဲ့ TP လည်းအဖတ်တောင်ဆယ်လို့ ရမယ်မထင်ဘူး။ ဝန်ထမ်းတွေက ပြဿနာမရှာရဘူး သူ့ကျမှ Boss ကချည်း ပြဿနာလျှောက်ရှာနေလို့ ဝန်ထမ်းတွေက ပြန်စိတ်ညစ်နေရတဲ့အဖြစ်။ တကယ့်ကို ပြောင်းပြန်မှ ပြောင်းပြန်တွေပါ။
VOCÊ ESTÁ LENDO
Blade (ဓါးသွား)
Romance"ဥဒါန်း ကို စိတ်ဝင်စားနေတာလား" "မပြောတတ်ဘူး....လောလောဆယ်တော့ ခင်ဗျားကို တစ်စစီဖြစ်သွားအောင် ဖျက်ဆီးပစ်ချင်နေတယ်" Started- 6.11.2022 Ended - 23.3.2023 Total Episodes- 62 episodes
