النحرير

النحرير "1"

#نحرير
بقلم:امونة الفارسي

ايطاليا الساعة 8 صباحا
امراة فالعشرنيات جالسة كتفطر وكتلعب فتيليفونها فجأة سمعات صوت خطوات جاين جيهتها تلفتات موراها وابتسمات غير وصل عندها وقفات وباستو بوسة خفيفة فشفايفو جلس حداها بدون اهتمام هز ادات التحكم عن بعد وشعل تلفازة يسمع اخبار اليوم...
اهم الاخبار العاجلة اليوم بإيطاليا وقعات سرقة ليلة امس في المتحف الشهير بيملان لوحة "سلفاتور موندي" للفنان العالمي ليوناردو دافنشي، التي اعتبرت أغلى لوحة في العالم وللاسف لم تستطع شرطة القاء القبض علي السارق حتي الان اصبحت مدينة ايطاليا تتعرض لسرقة الاثار التمينة كتيرا في الاوانة الاخيرة من وراء هده السرقة؟؟ الي الان لم يتم التعرف علي السارق هناك مصادر تقول...
...خطفات ليه تيليكوموند وطفات تلفازة
أندرو..:(الحوار بالايطالية)مالك علاش طفيتيها
دهاء: (مبتسة وشادة فيديه) علاش نصبحو علي هادشي اش بينا وبينو .. توحشتك لبارح تسنيتك باليل ماجيتيش بكري
اندرو:(كيشوف فالتلفازة) ماكنتش مسالي
(بقا ساهي شحال عاد نطق) شحال غاتكون ساوية هاد للوحة لي تشفراات كنضن ماغتقلش علي 450 مليون دولار
دهاء:(محات الابتسامة وخطفات منو بديها)هادشي لي كيهمك غير لفلوس والماديات الحياة مامعتمداش غير علي الفلوس بوحدهم كاينين حوايج حسن من لفلوس
اندرو:(بابتسامة جانبية) بالنسبة ليا لحياة بلا فلوس ماكتسوى والو اي حاجة ممكن تحققها بالفلوس يعني هوما اهم شي فهاد الدنيا
دهاء:(مكشرة) يعني اهم مني حتي انا
اندرو:(شد يديها كيبوس فيهم) نونو حبيبتي نتي فالمرتبة اللولة ماكيناش شي حاجة فهاد دنيا تنافسك فيها
ناض وقف باسها فراسها وتم غادي
دهاء:(بتعجب) فيين غادي ياك قلتي ليا بلي ليوم غايكون مخصص ليا بوحدي غانبقاو نهار كولو انا وياك
اندرو:سمحي ليا حبيبتي حيت عندي واحد الموعد ضروري تفكرتو خاصني نمشي ليه من بعد اوكي
....خلاها ومشا حطات يديها علي حنكها وسهاات كتفكر بعد 10 دقايق من تفكير طلعات لبيتها بدلات حوايجها وخرجات ....^^
●●فمكان اخر فإيطاليا
اتصال هاتفي....
ترررن ترررن
كارلوس:^^ كنت كنتسناك تاصل بيا سمعت الاخبار صباح فرحت
مجهول:(بنبرة حادة)شفتك بغيتي تصاحب معايا وجدتي ليا الامانة لي قلت ليك
كارلوس:انا عند كلمتي 300 مليون دولار واجدة خاصني عير نتأكد انك ماغاتخدعنيش
مجهول:ماعنديش لاش نخدعك انا مامهتمش باللوحة كتر مامهتم بالفلوس اه نسيت ماقلت ليك ثمن مابقاش مناسب ليا بغيت تزاد عليه 200 مليون دولار يعني 500 مليون دولار
كارلوس:كيفاش واش كتفلا عليا ولا اش ياك تافقنا علي 300 مليون دولار
مجهول :مابقاتش مسلكاني الي مابغيتيش بلاش كاين لي باغيها بتمن لي كنقول ليك و بجرا غانبيعها وكنضن نتا غاتربح كتر من هكا بلا ماتبقي تمتل عليا
كارلوس: والكن راه مبلغ كبير
مجهول :اوكي هضرتنا سالات بسلامة
كارلوس:(بلهفة)اوكي اوكي غانعطيك ثمن لي بغيتي غير تسلمني للوحة ليوم باليل
مجهول:(بابتسامة خبيتة)كون هاني غير يوصلني اشعار بلي صيفطي ليا لفلوس فالكونط تلقا لوحة عندك وقدما كنتي زربان غايبان لعربون غير يوصلوني لفلوس تلقا لوحة معلقة فقلب دارك
كارلوس:كيفاش قلب داري
مجهول: باي طيط طيط طيط
....