ရက်ပေါင်းများစွာမစားရမသောက်ရသေးသည့်သူလို စားနေသည့် Jisung ကို Minho ဒီတိုင်းထိုင်ကြည့်နေမိသည်။
" ခင်ဗျား မစားဘူးလား "
Jisung ပါးနှစ်ဖက်အစားအသောက်များအပြည့်ဖြင့် Minho ကိုပလုံးပထွေးပြောလာသည်။
Minho ချက်ချင်း တစ်ရှူးကိုယူကာ Jisung ရဲ့ပါးစပ်နားတေ့လိုက်သည်။
" ရား! ပလုတ်ပလောင်းကြီးနဲ့ စကားမပြောနဲ့လေ "
Jisung ပြုံးပြလိုက်ရင်း ပါးစပ်ပိတ်ကာ ဆက်လက်ဝါးနေလိုက်သည်။
" မင်းဘယ်နှရက်လောက်မစားသောက်ရသေးတာလဲ ၊ ဘာလို့ဒီလောက်ထိဗိုက်ဆာနေတဲ့ပုံပေါ်နေတာလဲ "
Jisung အစားတွေကိုလည်ချောင်းမှတစ်ဆင့် အစာအိမ်ထဲသို့ပို့လိုက်သည်။
" ဒီနေ့ စိတ်ဖိစီးနေလို့ "
Jisung ပန်းကန်ထဲမှ အသားတုံးကိုထိုးဆွရင်း ပြောလာသည်။
" ဘာလို့လဲ ငါနောက်ကျလို့လား
ဒီမှာ ငါတောင်းပန်တယ်လေ အိုကေ.... "" အင်း အဲဒါကြောင့်လည်းပါပေမဲ့ စိတ်အဖိစီးဆုံးအရာက..... "
အအေးတစ်ငုံသောက်လိုက်သည်။
" ထားပါတော့ ဒီတိုင်းမေ့လိုက် "
Minho သူ့ကိုမယုံနိုင်စွာကြည့်လာသည်။
" ငါ့ကို မင်းရဲ့အဖြေစောင့်ခိုင်းထားပြီး ဒီတိုင်းမေ့လိုက်လို့ပြောတယ်ဟုတ်လား "
" အဲ့..အဲ့လိုမဟုတ်ဘူး ဒီတိုင်းခင်ဗျားကိုပြောဖို့မလိုအပ်ဘူးထင်လို့
ခင်ဗျား ဘာမှလုပ်ပေးနိုင်မှာမဟုတ်ဘူး "
Jisung သက်ပြင်းချရင်းပြောလာတော့ Minho သူ့ကိုစိုက်ကြည့်လာသည်။
" မင်းရဲ့ဖုန်းပေး "
" ဟမ် ဘာလို့လဲ "
Jisung မေးလိုက်ပေမဲ့ လက်တွေကတော့ Minho ဆီ သူ့ရဲ့ဖုန်းကိုကမ်းပေးပြီးဖြစ်သည်။ ဖုန်းထဲ Minho တစ်ခုခုရိုက်ထည့်နေတာကိုတွေ့ရသည်။
" ငါ့ဖုန်းနံပါတ် ၊ နောက်ဒါမျိုးထပ်ဖြစ်ရင်ဆက်ရအောင်လို့ "
YOU ARE READING
𝐌𝐀𝐑𝐑𝐘 𝐇𝐈𝐌? // Minsung Myanmar Trans
Fanfiction" သူ့ပုံစံကမိုက်ပေမဲ့ ကျွန်တော်မှသူ့ကိုသေချာမသိတာ အမေရာ " " လက်ထပ်ပြီးမှသံယောဇဉ်တွယ်ပြီး ချစ်သွားတာကအကောင်းဆုံးလေ Sungie " - - " သူကကျောင်းသားပဲရှိသေးတယ် ပြီးတော့ အဆိုးဆုံးက သူကငါ့ကြိုက်တဲ့ပုံစံမဟုတ်ဘူး " - - 24 နှစ်အရွယ်အလုပ်ကြိုးစားတဲ့ Lee M...