မျက်စိရှေ့မှ တီဗွီ screen ကို Jisung ပျင်းရိစွာကြည့်နေမိသည်။ ဒီရက်ပိုင်းအတွင်း Minho အမြဲအိမ်ပြန်နောက်ကျပြီး အိမ်ကြီးထဲတွင် Jisung တစ်ယောက်ထဲသာနေနေရသည်။ Hyunjin နှင့် Seungmin လည်း သူတို့ဟာသူတို့လုပ်စရာကိစ္စတွေရှိနေနိုင်တာကြောင့် အနှောင့်အယှက်မပေးချင်ပေ။
နှစ်ဝက်ပိတ်ရက်မှာ Jisung မိဘအိမ်ကိုပြန်ချင်သော်ငြား မိဘနှစ်ပါးမှာ အလုပ်ခရီးထွက်သွားလေသည်။
ထို့နောက် Jisung ဖုန်းနာရီကိုကြည့်လိုက်သည့်အခါ ည 10 ထိုးတော့မည်ဖြစ်သည်။ သူ့ရဲ့မက်ဆေ့ခ်ျ တွေကို Minho စာပြန်ထားသလားဆိုတာ စစ်ဆေးကြည့်သော်ငြား ဘာမှရှိမနေပါ။
" သူဘာလို့ ဒီတစ်လော အဲ့လောက်ထိအလုပ်ရှုပ်နေရတယလဲ "
မကြာလိုက် အိမ်တံခါးပွင့်လာပြီး Minho ပြန်ရောက်လာလေသည်။ တစ်နေ့လုံးအလုပ်များနေတာကြောင့် လွန်စွာပင်ပန်းနေပုံပေါ်သည်။ Minho ဟာ အလုပ်ကိုသေချာ စေ့စေ့စပ်စပ်လုပ်တတ်သူတစ်ယောက်ဖြစ်၏။ သူ့ရဲ့အချိန်တွေကိုစတေးရမည်ဆိုလျှင်တောင် အလုပ်ကိုပြီးပြည့်စုံအောင် လုပ်သွားမည့်သူဖြစ်သည်။
Minho ရောက်လာသည်ကို သတိမထားသေးသည့် Jisung ကတော့ ကွတ်ကီးစားရင်း တီဗွီကိုသာကြည့်နေလေသည်။
ထို့နောက် ရုတ်တရက် ဘေးနားတွင် Minho ဝင်ထိုင်လာသည်ကြောင့် လန့်သွားရသည်။
" Woahoho hyung! နှလုံးရောဂါရတော့မလို့ပဲ "
Minho သက်ပြင်းချကာ မျက်လုံးကိုအသာမှိတ်လိုက်သည်။
" ငါညဘက်ပြန်မလာသေးရင် တံခါးသော့ခတ်ထားပါလို့ ဘယ်နှခေါက်ပြောနေရမှာလဲ "
ဘေးနားရှိ Jisung ကိုတစ်ချက်ကြည့်လိုက်ရင်း
" အန္တရာယ်များတယ်လေ "
Jisung နှုတ်ခမ်းစူလိုက်ရင်း
" မေ့သွားလို့ပါ ပြီးတော့ hyung ဘာလို့ဒီရက်ပိုင်းအိမ်ပြန်နောက်ကျနေရတာတာလဲ ၊ ကျွန်တော်ပျင်းတယ်ဗျ "
" ငါအလုပ်တွေများနေတယ်လို့ ပြောပြီးပြီမလား ၊ ပြီးတော့ ငါစောစောရောက်နေရင်လည်း မင်းနဲ့ဆော့ပေးမှာမှမဟုတ်တာ "
YOU ARE READING
𝐌𝐀𝐑𝐑𝐘 𝐇𝐈𝐌? // Minsung Myanmar Trans
أدب الهواة" သူ့ပုံစံကမိုက်ပေမဲ့ ကျွန်တော်မှသူ့ကိုသေချာမသိတာ အမေရာ " " လက်ထပ်ပြီးမှသံယောဇဉ်တွယ်ပြီး ချစ်သွားတာကအကောင်းဆုံးလေ Sungie " - - " သူကကျောင်းသားပဲရှိသေးတယ် ပြီးတော့ အဆိုးဆုံးက သူကငါ့ကြိုက်တဲ့ပုံစံမဟုတ်ဘူး " - - 24 နှစ်အရွယ်အလုပ်ကြိုးစားတဲ့ Lee M...
