စနောက်ပြီးပြောခဲ့တာမဟုတ်သည့်စကားတစ်ခွန်းကြောင့် Five star ဟိုတယ်တစ်ခု၏ဧည့်ကြိုကောင် တာတွင် ဝမ်ရိပေါ် အခန်းစုံစမ်းနေရသည်။ဝမ်လုပ်ငန်းစုလက်အောက်ကဟိုတယ်မဟုတ်၍ ဝမ်ရိပေါ်အတွက်အခန်းရှာရတာသိပ်တော့လျောလျောရှူရှူမရှိ။
နှစ်ယောက်သားကို ကွက်ကြည့်ကွက်ကြည့်လုပ်နေကြသည့် ဟိုတယ်ဝန်ထမ်းများရှေ့၌ ရှောင်းကျန့်၏လက်တစ်ဖက်က ဝမ်ရိပေါ်၏ပုခုံးကိုသိုင်းဖက်လျက်သားဖြစ်သည်။အသည်းယားနေသည့်ပုံဖြင့်အောက်နှုတ်ခမ်းကိုကိုက်ပြီးဝမ်ရိပေါ်၏ခေါင်းကဆံပင်တွေကိုဖွလိုက်၊ ပါးကိုဆွဲလိုက်၊ ဘယ်ညာနားရွက်ဖျားတွေကိုတစ်လှည့်စီဆွဲလိုက်ဖြင့် မအား။
"ကျန်တာတွေအကုန်လုံးက ကြို Bookingလုပ်ထားတဲ့ လူတွေနဲ့ပြည့်သွားပြီမလို့ အခုက အရေးပေါ်အရံထားပေးထားတဲ့အခန်းတွေပဲကျန်တော့တယ်...အဲ့တာကြောင့် ဈေးက သာမန်ထက်ပိုများပါတယ်ပြီးတော့ နှစ်ယောက်တွဲအခန်းလည်းဖြစ်ပြီးအထဲမှာ facility တွေက ကိုယ်ပိုင်အိပ်ခန်းတစ်ခုလိုဆင်ထားပေးလို့ သတ်မှတ်ထားတဲ့ဈေးက တစ်ည ယွမ် xxxx ကျသင့်မယ်ဆိုရင်ဧည့်သည်တို့ အဆင်ပြေမလား..."
စံနှုန်းမှီဟိုတယ်တစ်ခုဖြစ်၍ တစ်ညတည်းခိုခကသွေးနားထင်တက်စရာဖြစ်နေသည့်အခါ ဝမ်ရိပေါ်၏နားရွက်နားသို့ ရှောင်းကျန့်ကပ်လိုက်ပြီး...
"လောလောဆယ် ကိုယ့်ပိုက်ဆံအိတ်အခြေအနေသိပ် မကောင်းဘူး ခွေးပေါက်လေး...တခြားနေရာ တစ်ခုသွားမလား..."
"ကျွန်တော့်ပိုက်ဆံအိတ်ကတော့ အခြေအနေကောင်းတယ်..."
ဝမ်ရိပေါ်က ရှောင်းကျန့်၏ပါးတစ်ဖက် ကိုလှစ်ကနဲနမ်းကာ ပြောလိုက်ပြီးနောက်တစ်ဆက်တည်းမှာပင်ဧည့်ကြိုကောင်တာဝန်ထမ်းဘက်သို့လှည့် ကာ...
"နှစ်ရက်စာ ငှားချင်ပါတယ်..."
"ဟုတ်ကဲ့ပါရှင့်...ငွေချေပြီးတာနဲ့ ကျွန်မတို့ရဲ့ ဝန်ထမ်းတစ်ဦးက အခန်းရှေ့ထိလိုက်ပို့ပေးပါလိမ့်မယ်... Room service အတွက် ဧည့်သည်တို့လိုအပ်တဲ့အချိန် တိုင်းခေါ်လို့ရပါတယ်...အခန်းခထဲမှာပါပြီးသားမလို့အပိုငွေ ထပ်ဆောင်းပေးစရာမလိုပါဘူး...လိုအပ်တာရှိတာမှန်သမျှပြောပါရှင့်..."
