طبعا لم تكن جيداء ستترك مافعلته غالية يمر بدون ان تعنفها وبعد إنصراف الضيوف دخلت حجرتها كالعاصفة وأيقظتها من نومها قائلة: قومى هنا, إصحى وكلمينى.
فيه إيه ياماما بتصحينى ليه؟ انا تعبانة.
إنت إزاى يابنت تهددينى في التليفون.
اعمل لك إيه يعنى ؟ ضيوفك المزعجين عاملين دوشة وصدعونى , وكنت عايزة انام ,انا عندى شغل الصبح مش زيكم بانام للعصر.
فيه واحدة تعمل كده مع أمها؟ تهددها !!
نظرت غالية لأمها بغضب وأزاحت الغطاء ووقفت أمامها وقالت: إسألى نفسك برضه هو فيه أم بتعمل كده مع بنتها؟ تدخلى تصحينى بالطريقة دى بدل ماتسيبينى أرتاح .. انا شقيانة طول اليوم وبأشتغل وجيت عملت لكم الأكل علشان تأكلى ضيوفك وباصرف عليكم من الألف للياء ومفيش كلمة شكر واحدة بأسمعها منكم لا منك ولا من بنتك الغالية وكمان مش عايزينى ارتاح إيه؟ الرحمة حلوة بقى , إسمعى ياماما أنا فاض بى من تصرفاتكم دى وفى يوم مش هاتلاقونى معاكم ساعتها قولى لى هاتعملو إيه؟ ها ردى هاتعملو إيه من غيرى؟ ولو بطلت أعمل لك الأكل وأصرف على العزومات هاتتصرفى إزاى؟ جاوبينى.
بلعت جيداء ريقها بصعوبى وأدركت بأن غالية فعلا غاضبة جدا هذه المرة فقالت بهدوء: انا ...أنا زعلت منك لما لقيتك بتهددينى و....
لأ إنت مزعلتيش إنتى خفتى لأخرج لضيوفك فعلا وأحرجك
إقتربت غالية من والدتها ونظرت لها بقوة نظرة جعلت جيداء تتراجع خطوة للخلف وقالت:
وصدقينى في مرة هاعملها والكل هايعرف حقيقتك فبلاش تستفزينى أكتر من كده, أنا لى طاقة ولو خلصت هاتلاقو واحدة تانية قدامكم.
طيب إرتاحى دلوقتى ونتكلم بعدين.
خرجت جيداء بسرعة من الحجرة بخوف وأغلقت الباب وجلست غالية على السرير وزفرت بقوة.
أنهت غالية إستعدادها للخروج ونظرت لحذائها الرياضى الذى أصبح في حالة يرثى وإبتسمت ستشترى الجديد اليوم , فتحت الدولاب وبحثت عن النقود التي كانت تحتفظ بها ولم تجدها, بحثت في كل مكان ثم زمجرت بغضب وقالت: ماما !!!!!!
خرجت من الحجرة بسرعة وهى تنادى :ماما ... ماما ....
إقتربت جيداء وقالت: إيه وطى صوتك أختك نايمة
لأ مش هاوطى صوتى وخليها بقى تصحى من الغيبوبة اللى هي فيها دى.
عايزة إيه على الصبح؟
الفلوس اللى كانت في دولابى راحت فين؟
اخدتهم هاجيب فستان لملك علشان ....
إيه؟؟ اخدتيهم!! إزاى تعملى كده؟ إنتى عارفة الفلوس دى بتاعة إيه؟
هاتكون بتاعة يه يعنى؟ مخبياهم منى...
أنت تقرأ
دموع غالية
Romanceفى بعض الأحيان نضحى من أجل من نحب ونعمل من اجلهم ولكننا لانجد التقدير والحب فى المقابل ولذلك يجب أن ننسحب للحفاظ على أنفسنا من الجرح حتى لو كان من جرحنا هو أكثر شخض نحبه
