عاد جلال لطبيعته مع غالية تدريجيا وأصبح قريبا منها مرة أخرى ولكن بحذر ومرت الأيام عادية بلا جديد
و حان وقت عيد ميلاد نورين وطلبت غالية أن تقيم لها حفل وقال: إعملى اللى إنت عايزاه ده بيتك ياغالية وإنتى صاحبة الأمر فيه.
بالفعل رتبت غالية للحفل وقامت بعمل كل التورتات في البيت ولم تنسى ان تشترى فستان جميل لنورين وطلبت منها أن تدعو صديقاتها من فريق الكاراتيه.
وقفت غالية فى المطبخ وهى منهمكة فى العمل ودخل جلال وأشار لماجدة أن لا تتكلم وإقترب من غالية ووضع يده على كتفها فجأة , جفلت غالية ووقع كوب من يدها وقالت: آه جلال.. شوف عملت إيه؟
مش كفاية شغل بقى.
لسه هازوق آخر تورتة.
واو شكلهم يفتح النفس.
إطلع إنت غير هدومك ياللا علشان تستقبل الضيوف.
إنتى أهم لازم تكونى جاهزة.
إدينى بس 10 دقايق هاخلص وأطلع أنا كمان أغير هدومى على طول.
ياحبيبتى كنا طلبنا تورت من برة وخلاص.
دق قلب غالية لسماعها كلمة حبيبتى من جلال وتمنت لو كانت حقيقية وأكمل جلال: هاساعدك علشان تخلصى.
ناولنى الشيكولاتة دى.
وقف جلال يساعدها وبدأ بينهم إنسجام ونظرت ماجدة لهم وقالت لوفاء: لايقين على بعض قوى وشكلهم حلو.
قل اعوذ برب الفلق إوعى تحسديهم لأحسن......
سمعو جميعا صوت كالصاروخ يقول بغضب: جلال بتعمل إيه هنا؟
التفتو , كانت امينة واقفة عند الباب وهى تنظر باستنكار وحركت رأسها وقالت: إيه اللى إنت عامله في نفسك ده ياجلال؟؟ ده منظر واقف في وسط الخدامين ووسخت هدومك.
أنا واقف مع غالية بأساعدها ,فيها إيه؟
عيب قوى تقف بالمنظر ده قدام الخدامين, ولسه ياما هانشوف منك ياست غالية.
ماما من فضلك مش عايز مشاكل في يوم زى ده.
مشاكل!! أنا عايزة أحافظ عليك ..
مسح جلال يديه وأمسك يد أمه وقال: طيب تعالى نتكلم بره ..
ماجدة : ياساتر عليها بتبوظ أى حاجة حلوة.
غالية : ست كبيرة لازم نتحملها.
الله يكون في عونك ياغالية حماة سماوية.
وفاء: ماجدة وبعدين عيب كده وشوفى شغلك ياللا.
طبعا وجه جلال الدعوة لأصدقائه بزوجاتهم واولادهم كالعادة وحضرت صديقات نورين التي تألقت في فستانها وكانت في قمة سعادتها ودق جلال على حجرة غالية , كانت إنتهت من إرتداء الفستان ودخل , وقف لدقيقة ينظر إليها فسألته وهى تدور أمامه: حلو كده؟؟
أنت تقرأ
دموع غالية
Roman d'amourفى بعض الأحيان نضحى من أجل من نحب ونعمل من اجلهم ولكننا لانجد التقدير والحب فى المقابل ولذلك يجب أن ننسحب للحفاظ على أنفسنا من الجرح حتى لو كان من جرحنا هو أكثر شخض نحبه
