طوال العشاء كانت غالية تشعر بنظرات جلال نحوها تبادلت الحوار مع مجدى وإياد وزوجاتهم , كانت غالية قارئة جيدة وعلى قدر عالى من الثقافة ونالت إهتمام الجميع وبعد العشاء إقتربت ماجدة بالشاى و غمزت بعينها لغالية التي أخفت ابتسامتها ومالت عليها وهى تقدم لها الفنجان وهمست في أذنها قائلة: هانم بصحيح
بس بقى ياماجدة بتكسفينى.
وقفت نورين وإقتربت من غالية وهمست لها: آخد بسنت وهانيا معايا أوضتى.
ماشى بس زى ماتفقنا.
هاكون لطيفة هافرجهم بس على حاجتى والهدايا.
غالية: قومى يابسنت إطلعى مع نورى لأوضتها وإنت كمان يا هانيا.
أمسكت نورين يد بسنت وإبتعدت مع الفتيات وقالت غالية للولد : وانت كمان قوم اتفرج على التليفزيون بدل مانت قاعد مع الكبار.
جلس الكبار يتبادلون الحوار عن موضوعات مختلفة ولم ينسى إياد أنه طبيب نفسى وكان يراقب تصرفات غالية وجلال ونورين وإبتسم برضا وقال: الحقيقة يا آنسة غالية أنا سمعت عنك كتير.
من جلال أكيد؟
أيوه قال لى حاجات كتير قدرتى تعمليها مع نورين إنت كده هاتعطلى علينا شغلنا.
ضحكو وقالت غالية: أنا معملتش حاجة أنا بس إتعاملت معاها صح.
إنت اكيد قرأتى كتب في علم النفس.
أيوه قريت كتير بس حياتى هي اللى علمتنى.
حياتك!!
أنا تقدر تقول إن ظروفى مشابهة لظروف نورين علشان قدرت قدرت افهمها وأوصل لها.
حياتك إنتى!
أيوه أنا كمان يتيمة الأب وأمى كانت دايما مشغولة عنى .. ونورين نفس الشئ يتيمة الأم وابوها مشغول عنها
جلال بيحب بنته جدا.
أنا متأكدة من كده, لكن الحب لازم يبان.
أنا مش عايز أدخل في تفاصيل لكن جلال عنده صعوبة إنه يعبر عن مشاعره أو بمعنى ادق بيخاف.
بيخاف!! إزاى؟
معلش مش هاقدر أصرح بأكثر من كده, نرجع لنورين حقيقى برافو عليكى, جلال سألنى لو نورين محتاجة دكتور نفسى وأنا قلت له وجودك كفاية.
وجودى أنا !! أنا مش طبيب نفسى .
إنتى أفضل من الطبيب النفسى قدمتى لها الحب اللى كانت مفتقداه وده في حد ذاته علاج .
يعنى مش لازم تشوف دكتور فعلا؟
لأ حبك كفاية ..أنا متأكد إنك هاتعالجيهم.
ظهرت الدهشة على وجه غالية فأكمل إياد: مش نورين بس اللى نفسيتها تعبانة, جلال كمان من بعد وفاة زوجته مر بفترة صعبة جدا, إنتى دخلتى الحياة الطبيعية لبيتهم و.....
أنت تقرأ
دموع غالية
Romantiekفى بعض الأحيان نضحى من أجل من نحب ونعمل من اجلهم ولكننا لانجد التقدير والحب فى المقابل ولذلك يجب أن ننسحب للحفاظ على أنفسنا من الجرح حتى لو كان من جرحنا هو أكثر شخض نحبه
