نامت نورين فعلا في حضن ملك وفى الصباح وقفت غالية في المطبخ تعد الفطار وإيقظت البنات وقالت: قومو ياحلوين نفطر سواء
ضمتها نورين وقالت: صباح الخير.
صباح النور ,اغسلو وشكم ياللا وحصلونى.
جلسو لتناول الطعام وراقبتهم غالية بحب ملك ونورين يشبهان بعضهم البعض ولذلك أصبحو قريبين من بعضهم فعلا إبتسمت وقالت: أنا عندى شغل وهاروح لماما.
ملك : ماما !!
عايزاها تيجى تعيش هنا .
متتعبيش نفسك مش هاتوافق ماما عنيدة.
هاحاول.
رن هاتف غالية فقالت: جلال ... ألو صباح النور ..... تانى ؟ عجبتك الحكاية وإلا إيه؟ طيب ......مش عارفة أبعت لهم السواق هنا وانا هآجى لوحدى .. ماشى ..
بابى بيقول إيه؟
بيقول نتغدى مع بعض النهاردة كمان بس عندكم في البيت.
ييه , اوف,.
إيه مش عايزة تروحى البيت؟
لأ عايزة بس لينا ام دم تقيل هناك ومش عارفة هاتمشى إمتى؟
نورى !! قلنا إيه ؟ بابا هايبعت لكم السواق وأنا هاحصلكم.
أنهت غالية عملها وأعدت نفسها للقاء أمها كانت تعلم بأن أمامها مهمة صعبة ولكن يجب عليها ان تحاول , فتحت الباب بمفتاحها ودخلت: البيت في حالة يرثى لها ويحتاج للتنظيف وملئ بالتراب بحثت عن أمها ووجدتها في الشرفة جالسة بوجه حزين : ماما.
إلتفتت جيداء ووقفت ورفعت رأسها لأعلى وقالت: إيه اللى جابك؟
جاية أطمن عليكى ,عاملة إيه؟
أنا كويسة ومش محتاجة حاجة من حد.
نظرت غالية لأمها بتأثر كان وجهها شاحب وتحت عيونها أسود وخسرت الكثير من وزنها وكأنها لاتأكل فقالت: ماما بلاش تعندى تعالى أقعدى معانا.
أقعد معاكم فين؟ في الخرابة اللى إنتو عايشين فيها؟ أنا جيداء هانم ومش هانزل لمستواكم أبدا.
الخرابة دى بيتنا ياماما ,بيت على الأقل نضيف وفيه أكل .
أنا مش عايزة حاجة, مش عايزة حاجة....
إنتى ليه بتعملى كده؟ ليه؟ إحنا بناتك وقلقانين عليكى.
بناتى!! أنا ماليش بنات....
طيب سيبك منى أنا، مش قلقانة على ملك؟
تماسكت جيداء وحافظت على هدوءها وقالت: لأ البنت اللى باعتنى متهمنيش
فتحت الباب وقالت: إتفضلى أخرجى من هنا...
أخرجت غالية بعض المال وقالت: طيب خلى معاكى الفلوس دى و.....
أنت تقرأ
دموع غالية
Romanceفى بعض الأحيان نضحى من أجل من نحب ونعمل من اجلهم ولكننا لانجد التقدير والحب فى المقابل ولذلك يجب أن ننسحب للحفاظ على أنفسنا من الجرح حتى لو كان من جرحنا هو أكثر شخض نحبه
