لم تكف نورين عن التحدث بسعادة عن ذهابها مع غالية لعمل العشاء وكانت متحمسة جدا وكانت غالية تسمعها بصبر وتبتسم فقط لأنها كانت غاضبة من جلال وأمام بيت العميل قالت غالية: نورى إسمعى جوة مفيش دلع تلتزمى بكلامى بالحرف مفهوم ومش عايزة إصابات.
حاضر.
تنفذى اللى أقول عليه وبس يا إما هاتبقى أول وآخر مرة تيجى معايا.
أمسكت نورين يد غالية وقالت: لأ هاسمع كلامك واعمل اللى تقولى عليه بس توعدينى أروح معاكى تانى.
لما أختبرك النهاردة.
هانجح في الاختبار.
داعبت غالية شعر نورين بحب ونزلت معها لتدخل البيت .
رحبت بهم مدام ريهام صاحبة البيت ونظرت لنورين بدهشة فقالت غالية: متدربة معايا.
بس صغيرة قوى.
لكن شاطرة.
نادت لهم ريهام الخادمة لتأخذهم للمطبخ وأعتطت غالية تعليماتها وساعدتها نورين وطبعا إلتقطت العديد من الصور مرة أخرى وكانت سعيدة جدا بوجودها مع غالية ومر العشاء هذه المرة بلا حوادث وتقاضت غالية أجرها وقالت لها نورين عندما خرجو: فيه فلوس يبقى نخرج بقى.
لأ خلاص أنا كده إشتريت اللى انا عايزاه .
مش إنتى قلتى هانخرج
نخرج مش نشترى لبس هانتفاهم في الموضوع ده بعدين ياللا زمان التاكسى وصل.
خرجت غالية من البيت مع نورين ولكنها لم تجد تاكسى بل وجدت جلال واقفا أمام سيارته ,نظرت له بدهشة فقال: أنا مشيت التاكسى وحاسبته ،أنا اللى هاروحكم.
لم تتكلم غالية ولكن نورين فرحت بوجود والدها الذى إبتسم لها إبتسامة حنونة وربت على شعرها بحنان تنهدت غالية وقالت: كويس إنك جيت تآخد بنتك أنا هاركب تاكسى.
امسكت نورين يدها : إيه ياكابتن؟؟ تعالى معانا.
لأ ياحبيبتى روحى إنتى مع بابا وأنا ....
جلال: من فضلك ... مش هاينفع أسيبك هنا في وقت زى ده.
دخلت غالية للسيارة على مضض وكان جلال ينظر إليها بين الحين والآخر وأخبرته نورين بما فعلت وكانت تشعر بالفخر من نفسها جدا وقالت: أنا هاروح مع كابتن غالية كل مرة.
لازم تآخدى موافقتها الأول.
موافقة ياكابتن؟
هانشوف يانورى....
لم تحاول غالية أن تتكلم لأنها كانت غاضبة جدا من جلال ولكنه قال: إيه رأيكم نقعد في مكان ونشرب حاجة؟
قبل ان تتكلم غالية هللت نورين وهى تقول: ايوه يابابى نروح.
لأ أنا تعبانة وعايزة أنام ياريت حضرتك توصلنى وتروح المكان اللى إنت عايزه مع نورين.
أنت تقرأ
دموع غالية
Romanceفى بعض الأحيان نضحى من أجل من نحب ونعمل من اجلهم ولكننا لانجد التقدير والحب فى المقابل ولذلك يجب أن ننسحب للحفاظ على أنفسنا من الجرح حتى لو كان من جرحنا هو أكثر شخض نحبه
