تأملت غالية حجرة نورين ولاحظت بأنها لا تعلق صورة لأمها فقالت: نورين ليه مفيش صورة هنا لوالدتك؟
البيت مليان صور أحط هنا ليه؟ مش كفاية المعبد اللى تحت.
إندهشت غالية من تعبير نورين وقالت: معبد؟؟
آه بابا معلق صور ليها في كل مكان لما خلى البيت زى المعبد.
وإنت مش عايزة صورة في أوضتك؟
ليه ؟
ليه؟ لأنها والدتك .
أنا مش فاكراها وماعرفهاش ماتت وانا صغيرة جدا , مش عايزة تشوفى الصور؟
أدركت غالية بأن نورين تهرب من الحديث عن والدتها فقالت: ورينى ..
جلست نورين بجوار غالية لتشاهد الصور والفيديوهات وسألتها غالية :إنت صورتينى ليه؟
إرتبكت نورين : أنا مش مصوراكى , إيدى جت غلط على الزرار.
إبتسمت غالية لأن الصور لم تكن بالصدفة ولكنها لم تعلق ونظرت في الساعة وقالت: لازم أنزل علشان أقدم الحلو ,هاتى أسجل لك رقمى وإبقى إبعتيهم لى على الواتس.
سجلت غالية رقمها على هاتف نورين وخرجت من الحجرة وجلست نورين تشاهد الصور مرة أخرى وتبتسم.
إنتهى العشاء على خير وإنصرف الضيوف وإستدعى جلال غالية التي كانت بدلت ملابسها ووقفت أمامه فقال: العشاء كان أكثر من رائع ياغالية حقيقى.
أشكرك .
وفيه ناس سألونى عن الشيف اللى عمل الأكل وطلبو رقمك وقلت أسألك الأول أقول لهم إيه؟
إبتسمت غالية بسعادة : صحيح !!
أيوه , ها أقول لهم إيه؟
ممكن تديهم رقمى.
أوكى أتمنى لك كل التوفيق.
شكرا لحضرتك.
أخرج جلال ظرف من جيبه وناوله لغالية : إتفضلى .
وضعت غالية الظرف في حقيبتها وسألها: مش هاتشوفى المبلغ كام؟
اكيد حضرتك قدرت صح .
تأملها بإعجاب واضح وأرتبكت غالية وقالت: أنا هامشى بقى إتاخرت.
السواق هايآخدك للبيت
كانت ستتكلم فقاطعها : ومش عايز إعتراض
إبتسمت بخجل وقالت: اللى تشوفه
سار معها جلال للباب وقال: هاتيجى تدريب نورين بكرة؟
طبعا إن شاء الله هآجى.
أنا شايف إن نورين قربت منك وبقت أفضل.
أنت تقرأ
دموع غالية
Romanceفى بعض الأحيان نضحى من أجل من نحب ونعمل من اجلهم ولكننا لانجد التقدير والحب فى المقابل ولذلك يجب أن ننسحب للحفاظ على أنفسنا من الجرح حتى لو كان من جرحنا هو أكثر شخض نحبه
