طلب جلال بإعداد عشاء للجميع وحضرت جيداء وملك وقالت غالية بعد :العشاء نفتح الهدايا.
أنا مشتاقة قوى أشوف جبتو لنا إيه؟
إتبسطو هناك؟؟
جدا ياماما المكان ساحر جدا ,لفينا كتير وعملنا رحلات بحرية و...
أمينة : واضح إنكم بذلتم مجهود, إبنى راجع خاسس قوى.
جيداء: كل العرسان بيبذلو مجهود يا أمينة هانم لكن في النهاية بيبقو سعداء.
نظر جلال لغالية وأمسك يدها وقال: الحقيقة أنا كنت في قمة سعادتى.
وانا كمان ياجلال.
زفرت أمينة بقوة وقالت: وفاء هاتى لى الدواء.
إبتعدت أمينة وضحكت جيداء وقالت: يبدو إن أمينة هانم ضغطها على طول مرتفع, ياترى هاترجع بيتها امتى ياجلال؟
إبتسمت غالية لكلام أمها وقال جلال: هنا برضه بيتها يا جيداء هانم.
أيوه طبعا ,متفهمنيش غلط بس أصل واضح إن الجو هنا بيثير أعصابها.
لم يعلق جلال وقالت نورين: أنا شبعت يابابى عايزين نشوف الهدايا بقى.
معلش ياجلال مضطرة أسيبك
مش هاشرب قهوة غير لما ترجعى.
صعدت غالية لحجرتها ومعها نورين وملك وفتحت غالية الحقيبة وأخرجت هدية كل واحد وقفت نورين أمام المرآة وهى ترتدى العقد الذى احضرته غالية ووضعت الكاب على رأسها وقالت: حلوين قوى قوى.
وقفت ملك بجوارها وهى تضع الشابو على رأسها وإبتسمت وسألت: أمال جبتى إيه لحماتك؟ إوعى تكونى نسيتيها .
وهى دى تتنسى جبت لها طبعا و..
دخلت جيداء: إتأخرتو ليه يابنات وسبتونى لو حدى مع أمينة هانم .
تعالى ياماما أنا كنت هاجيب هديتك وانزل.
ناولت غالية أمها كيس كبير وأخرجت منه جيداء عباءة عليها رسم فرعونى وحقيبة بها نقوش فرعونية ضمت غالية وقالت: ميرسى ياحبيبتى ذوقهم جميل قوى, جبتى إبه لحماتك إوعى تكونى نسيتيها
تبادلت ملك النظرات مع غالية وضحكتا معا وقالت ملك: انا لسه قايلة نفس الجملة.
جبت لها هي كمان شال عليه تطريزات فرعونية , هانزل أديه لها دلوقتى لأحسن تزعل.
ياللا بينا.
جيداء:لأ إنزلو إنتو وسيبونى مع غالية شوية.
تعالى يانورى.
امسكت ملك يد نورين وحملو الهدايا وخرجو وجلست جيداء وقالت: غالية تعالى أقعدى جنبى عايزة اطمن عليكى.
أنت تقرأ
دموع غالية
Romanceفى بعض الأحيان نضحى من أجل من نحب ونعمل من اجلهم ولكننا لانجد التقدير والحب فى المقابل ولذلك يجب أن ننسحب للحفاظ على أنفسنا من الجرح حتى لو كان من جرحنا هو أكثر شخض نحبه
