بعد إنتهاء الحفل صعد جلال مع عروسه للجناح الخاص في الفندق ليقضو ليلتهم الأولى فيه ثم يسافر معها لقضاء شهر العسل في شرم الشيخ , دخلو للجناح ووقفت غالية مرتبكة وقالت: أنا هادخل أغير الفستان.
إتفضلى.
دخلت غالية لحجرة النوم وبدأت تخلع فستانها وبحثت عن الملابس التي أحضرتها لها أمها وشهقت عندما رأت قميص نوم شفاف وقصير وقالت: هاعمل إيه دلوقتى هالبس إيه؟
لحسن حظها كان هناك روب طويل إرتدته مع القميص وجلست على طرف السرير مترددة في الخروج, دق الباب فجفلت وسمعت صوت جلال يقول: غالية العشاء جه ,خلصتى..
فتحت الباب وقالت: آه , خلصت ,, لو تحب إنت كمان تغير هدومك.
خرجت هي ودخل للحجرة , جلست وهى تحاول إن تهدأ قليلا وخرج جلال بعد قليل وهو يرتدى بيجامة وقال: أنا جعان قوى.
و أنا كمان مكلتش حاجة من الصبح.
رأته ينظر إليها فضمت الروب على جسمها وقالت: أقعد علشان تآكل.
جلس جلال وبعد قليل قال: الحفلة كانت جميلة قوى ...
آه كانت حلوة بس إنت صرفت كتير قوى على زفاف صورى.
كان لازم نعمل زفاف كبير علشان الكل يصدق
إحنا هانسافر الساعة كام ؟
الطيارة الساعة 10.
ماكنا قضينا يومين في أى مكان قريب وخلاص.
مش عايزة تتفسحى؟
عايزة ،بس المطعم ونورين ...
بيتهيألى من حقك إنك تغيرى دو وتشوفى مكان جديد, إنتى رحتى شرم الشيخ قبل كده؟
لأ عمرى مارحتها .
طيب هاتتبسطى هناك أنا متأكد.
تناولا العشاء في صمت وكل منهم غارق في أفكاره وعندما إنتهو قالت غالية: أنا هانام على الكنبة وإنت نام على السرير.
وليه ماننام إحنا الاتنين على السرير.
نظرت له غالية بدهشة فأكمل: قصدى السرير كبير وواسع وممكن ننام مرتاحين.
لأ متعودتش أنام جنب حد.
خلاص نامى إنتى على السرير.
أسرعت غالية للحمام غسلت اسنانها ودخلت الحجرة ونامت فورا في السرير وأحكمت الغطاء على نفسها , كانت تسمع حركة جلال في الحجرة وهو يضع الغطاء ولكنها لم تلتفت , كانت تشعر بغرابة الموقف , كيف ستنام في وجود رجل غريب في حجرتها, أغمضت عينيها فورا وسمعت جلال يناديها : غالية.. غالية إنتى نمتى؟؟؟
لم تجيبه وتصنعت النوم وتساءلت ماذا يريد منها؟؟ حاول جلال النوم ولكنه لم يستطيع كان الأمر أيضا صعبا بالنسبة له لأنها تعجبه ويرغب فيها ظل يتخيل لو كانت ليلة زفاف حقيقية كان الآن ....... تقلب في نومه كثيرا وفى النهاية نهض ووقف في منتصف الغرفة وتأمل غالية ينظرة حانية وخرج بسرعة للصالون وأغلق الباب.
أنت تقرأ
دموع غالية
Romanceفى بعض الأحيان نضحى من أجل من نحب ونعمل من اجلهم ولكننا لانجد التقدير والحب فى المقابل ولذلك يجب أن ننسحب للحفاظ على أنفسنا من الجرح حتى لو كان من جرحنا هو أكثر شخض نحبه
