عريس للإيجار

اقتباس

اقتباس

وقف أمامها مصدوم يحاول استيعاب ما طلبته منه الآن، هل تظن الأمر لعبة أما ماذا حتى تطلب منه بكل هذه البساطة الأمر الذي جعله يهتف بذهول :

- إنتِ أكيد مجنونة صح؟ ما مستحيل تكوني عاقلة وتطلبي مني الطلب ده

ظلت مروة ثابتة على موقفها وهتفت بتأكيد لعرضها بطريقة لا يظهر فيها إنها تمزح أبدًا :

- لا مش بهزر، زي ما قولتلك حضرتك هتمثل قدام أبويا وأمي إنك جوزي لحد ما أبويا ما يسافر تاني، وقصاد الخدمة دي هديك المبلغ اللي إنت عايزه

لم يقدر أن يمنع نفسه من الابتسامة على ما قالته، بل إنه دخل في نوبة ضحك استغربتها مروة قليلًا فعلى ما يبدو أنه الآن هو المجنون وليس هي، وبعد دقيقتان توقف إيهاب عن الضحك وهتف بنبرة ساخرة :
- ويا ترى بقى حضرتك عايزة حاجة مع الأوردر ولا تمثيل بس؟

- أنا مش بهزر على فكرة

قالتها مروة بتصميم على فكرتها المجنونة فكان رده عليها بنبرة قوية :

- ولا أنا بهزر، أنتِ أي فكراني عريس للبيع؟

وقفت مروة أمامه مباشرة وهي تقول بهدوء مخالف تمام عن حالة الارتعاب التي بداخلها من هذا الأمر :

- قولتلك مش بهزر، وأنا مش بشتريك ده اتفاق، تقدر تقول عريس للإيجار

:::::::::::::::::::::

بعد رحله من العياط والفراق والنكد مع لم يكن الفراق هين الواحد قال يعوضكم بحاجه كوميديا خفيفه كده يارب تعجبكم