اشهد ان حضوركِ موت

اعلان

اشهد ان حضوركِ موت
بقلم #فاطمة_العبادي ..

.
.
.
مشهد 1

لابسة فستان اسود جوة الركبة مخصر على الجسم رداناته طويلة شعري ذيل حصان ومخلية احمر شفاه بلون أحمر وراسمة عيوني بالكحل الأسود الي صار بلون حياتي ، مصبغة اظافري بلون الروج ..

فتحت باب الصالة وصرت مقابيل الباب نزلت امشي بهدوء للباب واحد من الحراس باوعلي ونصة راسه ..

فتحلي الباب ودار وجها ، طلعت ضربني الهوى ، غمضت عيني وكع بيهن تراب ودمعن گبل ..
فتحتهن وهفيت عليهن تقرب مني يهرول وگال بنفس نبرته الباردة الي قتلني بيها ..

جراح :- ست لعياء هاج ماي غسلي عيونچ ..

عقدت حاجبي بغضب وصيحت علي :- شلوون اااغسل مااا تشوفني حاطة كحل وخرر وخررر عن طريقي ..

تجاوزته امشي للسيارة سبقني بخطوات كبيرة فتح باب السيارة نترت :- ماله داعي عندي ايدين .. ردت اصعد تراجعت وباوعتلة ابتسمت أبتسامة خبث وكتله ..

لعياء :- لا اله داعي نسيت انتَ تشتغل حارس شخصي وسايق بنفس الوقت يم منووو؟ يمممييي .. حجيتهة بغرور واشرت بأصبع السبابة على نفسي وحركت راسي بدلع ..

ما اهتز وگال :- كلامچ صحيح ست واني ما نكرت هذا الشي اني حماية عندچ بس مو سايق ومن افتحلج الباب من باب الأحترام والأتكيت الي تعلمت علي كـحماية تفضلي ست اسفة على الاطالـة ..

صعدت سد الباب مسحت عيوني وطلعت مراية صغيرة من جنطتي رتبت الكحل صعد بدون ما يباوعلي حتى حجة وهوا يباوع على الشارع ومشغول يشغل السيارة ..

جراح :- وين الوجهة ست؟

باوعتلة بغضب دفين وهمست بيني وبين نفسي :- الجهنم الحمرة يحرگونك بيهااا ع شنو شاااايف نفسك كلك خلگ حماية تشتغل جوة ايد بابا اووووف لو ما التهديد چا هسة لا شفتك ولا عرررفتك ولا خلااك بابا حارس شخصييي ألي امدة حظظي الفگر ماعندي حظ وين العطلات يذبهم عليه ..

جراح :- ما طلبت من جنابچ تندبين حظج
ردت اعرف وين رايحين ؟ حچاها وباوع بالمراية بكل برود ..

لعياء :- لأفتتاح مطعم ×××××× أذا ما تصير زحمة على جنابك .

درت وجهي عنه للشارع هسة راح يگابلني ويكعد طول الافتتاح ولازم ما أتنفس لازم ماحجي ويا ناس غربة لازم ما اطلع وحدي الا الحارس الشخصي الاستاذ جراح الموقر وياي .. هاي أوامر الدوق حبيب والدوقة احلام ..

مشهد 2

مشغلة المسجل متمددة ورافعة رجليني ع درج ، اسمع موسيقى هادئة و عيني ع سگف ..
حسيت الموسيقى وصلت الاعماق كلبي
استرخيت ، غمضت عيني وتنهدت ..

التفتت صوب باب المطبخ شفت بس الضوة داخل من شباك المطبخ، وصوت المطر
البيت بارد، وروحي مشتعلة نار ..
حطيت ايدي ع صدري اتحسسة بايدي خشن مزلغ .الغصة صارت ابلعومي بلعتهة ، بس جني بالعة موس وشرح بلعومي ..ونزل ع گلبي