Power Of Seduction (Adonis Series 5)

FLASHBACK

Chapter 2

Third Person Pov.

Naipaghanda ni yaya glor ng pagkain ang babaeng nakilala ni giovanni sa lansangan. Ngunit gaya lamang ng ikinilos niya kanina kung paano siya kumain, ganon pa rin iyon at walang pinagbago. Nakakamay pa rin siya ngunit hinayaan na siya ng matanda dahil malinis naman na ang kamay nito, isang pritong isda ang ulam niya. Dahil hinuli nito ang isda kanina sa aquarium, iniisip ni yaya glor na baka gusto niya ng isda.

Hindi nga siya nagkamali dahil naubos nito ang pagkain niya, hindi nakakapagsalita ang dalaga. Ngunit nakakaintindi naman ito kahit papaano, ilan taon na siyang naninirahan sa kalsada, ang mga magulang niya ay namatay mula sa paglubog ng barko. Isang taong gulang lamang siya noon, nasagip siya ng ilang pulis at idinala sa bahay ampunan, ngunit ng umabot ito sa dalawang taong edad. Nasunog ang kinaroroonan niyang bahay ampunan, hindi pa ito natutong magsalita ng muli ay mapasa siya sa mga madre. Naging trauma ang pagkasunog ng bahay ampunan sa kanya, kung kaya't kahit tinuturuan siyang magsalita ng mga madre ay hindi ito natututo.

Hangga sa umabot ang edad niyang sampong taong gulang. Sinama siya ng mga madre upang mamalengke, ngunit nawalay siya sa mga ito at may masasamang sindikato ang kumuha sa kanya. Ang mga lalakeng iyon ay inuutusan silang maglimos sa lansangan, halos tatlong taon itong naging alipin ng mga sindikato.

Sa edad na trese anyos, sumakay siya ng jeep upang doon maglimos ng barya. Ngunit ang nasakyan nitong jeep ay patungo sa probinsya at mag-aattend lamang ng reunion. Dahil hindi ito makapagsalita, hinayaan na lamang siya ng mga taong nakasakay roon na isama siya.

Napadpad ito sa bayan ng concepcion, nakatakas siya sa gropu ng mga sindikato na kinabibilangan niya. Ngunit iniwan lang siya ng mga taong nakasama nito sa jeep kung kaya't naging palaboy lamang siya.

Sa edad na disi nuebe, namuhay siya ng mahabang taon sa lansangan. Nakakaraos naman sa pagkain at nakapag-didiskarte siya ng damit kung saan kinukuha lang niya iyon sa mga nakasampay.

Fiesta sa bayan ng concepcion, petsa bente singko. Dahil nagsasaya ang buong tao sa lungsod, natutuwa ang dalaga na panoorin ang mga nagsasayaw na street dancers. Kada taon ay idinaraos ang kasiyahang ito, masaya sa lugar kung nasaan siya ngayon. Pumapalakpak ito habang may distansya sa mga tao, wala pa rin kasi itong tiwala sa mga taong hindi niya kilala. Kung kaya't iwas na iwas ito sa mga taong nakakasalubong niya.

Mula sa kinatatayuan nito, tanaw niya ang pamilya ng mga martinez. Nagtatawanan sila habang kasama ang ilang guro ng mga studyanteng sumasayaw. Pumaling ang kanyang ulo habang nakatingin ngayon sa binatang nakakunot ang noo, pinagmamasdan nito si giovanni hangga sa umalis nga ang binata. Ilang beses na kumurap ang dalaga bago muling tingnan ang grupong iyon, mula sa hindi kalayuan. Tanaw ng dalaga ang isang pulubi na ngayo'y papalapit na sa mga martinez, nakita ng dalaga kung paano kunin ng kasama niyang pulubi ang tungkod ng matanda.

Tumakbo ang lalake upang itakas iyon, ngunit hinabol ito ng babae hangga sa mahawakan niya ang tungkod at pag-agawan nila iyon. Tagumpay na nakuha nito ang tungkod dahilan upang tumakbo ang babae, nagtago siya sa likuran ng kotse habang hinahanap ang isang pulubing kasama niya na siyang nagnakaw ng tungkod.

Napabuntong hininga ito, luminga-linga siya sa paligid ngunit masyado ng maraming tao. Sinubukan niyang maglakad sa mga nakahilerang tindahan habang hawak nito ang tungkod, namataan nito si giovanni na ngayo'y bumibili ng palamig. Namukhaan niya ito dahil siya ang kasama ng matandang may ari ng tungkod na hawak niya.

Lumapit siya roon habang pinapanood nito ang pang-aabot niya ng bayad. Sinundan nito si giovanni at balak lang naman sana niya itong kalbitin ngunit natakam siya sa hawak nitong inumin. Dahil sa uhaw na nararamdaman niya, hindi nito natiis na agawin iyon kay giovanni. Napasigaw ang binata habang nagmumura, lalong nadagdagan ang inis nito ngunit iniwan na lang nito ang dalaga na ngayo'y nakatingin sa kanyang pag-alis.