أشوف الودّ في عيونك ولكن يردّ الودّ خوفٍ فيك منّي

بارت ١٢

الجُوهرة : التهديد يخوف ياماميّ
لولو ضحكت : يلا بس ، خذي الصحون وانا بحطها واجي
الجُوهرة : نسـافر ؟
لولو : انتِ وش فيكِ اليوم
الجُوهرة : يلا لولو تكفين ، باريس شرايك ؟
لولو : الله أشتقت مره مابقول لا بس خليهـا بالويكند
الجُوهرة : آوكي بكلمهم يترتبون جدولنـا
لولو : بس مادري ماما بتجي معنـا ولا
الجُوهرة : هي بتكون أولنـا
لولو : بكلمها الحين مقـدر انتظر
وأتصلت عليها ، : هلو مام
حصـه : هلا حبيبتي
لولو : ماما وش جدولكِ بالويك أند
حصـه : تقريبًا فاضيـه
الجُوهرة : حصـتنا ترا بنسافر جهزي نفسك
حصـه : توكم راجعين من السفر طيب
لولو : ماما مو تونا بيصير لنـا شهر وبعدين ماسألتينا وين ؟
حصـه : وين
الجُوهرة : باغيـسسس حبيبتك
حصـه ضحكت : دامها لباغيس فـ تم
الجُوهرة ولولو : ياااااااس ، ابي هالسفـره شوبينق
حصـه : أجي بعد سـاعه واسمعكم الحين عندي أجتماع تشاو وقفلـت
لولو : دام بنـروح لباغيس ماراح نسوي شوبينق بكرًا
الجُوهرة : لا بنشتري اشياء بسيطه للسفـره
لولو : عن نفسي مابشتري شيّ بقضي هناكِ
الجُوهرة : بذكركِ بكلامك هذا بكـرًا
لولو مدت لسانها وكملو اكلهـم .

الريـاض :
سعـد أستأذن وطلـع لغرفتـه ، شافهـا مرتبه وريحة العـود تفوح : الله يخليك لي يمـه
كـان بينـام لكن الأرق قرر يكون صديـق ليلته ، قـام يطلع لمرسـم حقـه فـ هو بغرفـة خارجيـه بالسطح فتح الباب ودخـل اول شي سـواه فتح الشبابيك وشغـل النـور قعد يتأمل بـ لوحـاته ، شاف البكـت واخذه وولع السيجاره : وبـدا يـرسم ، سعـد رسـام فنان مجهـول طبعًا محد يعرف أنه رسـام إلا عائلتـه لأنه يرسـم بمزاجه ومايحب يوري رسوماته للكل عشان كذا قليل اللي يعرفونه بـ كونه رسـام مُبدع ، خلـص وطلع وقفل البال وراه وأرسـل لفيصل : ولـد صاحي
بعـد كم دقيقه أرسلـه : اي نعم
سعـد : تعال للمزرعـه
فيصـل : اصبح ياولـد مزرعه هالحزه
سعـد : بتجي ولا
فيصـل : جاي جاي
سعـد بـدل ملابسه وأخذ سماعاته وأغـراضه وطلع
شـاف مافيـه احد البيت هـادي مره نزل بهـدوء عشان مايزعجهم ركـب سيارته وفتح البواب لـه وطلع بـدا يستمع :
دامـه معي كل القرايـب فـ أنا حيّ
بالروح أضمّه يوم قلبي ضنينـه
أنـا حبيبي نـور كل المدينـة
قطع أندماجه صوت جواله : هلا بالعشير
فيصـل : وينك
سعـد : بالزحمـه
فيصـل : انا ماسك طريق المزرعـه
سعـد : فمأن الله وقفل
وصـل وشاف فيصـل متكيّ مع عمال المزرعه يسولف معاهم : هلا بوسعُـود
سعـد : حيك بو سعـد
فيصـل : تعقب
سعـد : يحصل لك ياخوي
فيصـل : نقعد بالدكـه ؟
سعـد : لا خلنـا نروح للأسطبل ونـأخذ خيول
فيصـل: يلا
وصـل سعـد وشـاف الشجـاع وراح لـه : ياكثر الشوق يالشجاع ! صـد عنه مأخذ موقف منه لإنه ماجاء من شهـر ضحك سعـد وقعـد يراضيـه بعدين طلـع فوقه
فيصـل : وراك تأخـرت
سعـد : نراضي الشيـخ
فيصـل ضحك : هذي والله البلشـه
سعـد : امش بس
وطلعـو بـرا المزرعـه يتمشون بالخيـل جنب بعض
فيصـل : مـاودك تقول
سعـد : عن
فيصـل : الله اعلـم
سعـد : ماهـو وقتها بس اللي ابيك تعرفـه اني راجع للندن
فيصـل : تستهبل سعـد ورانـا اشغال هالشهـر
سعـد: اعذرني راح احملك مسؤوليتهم كلهم
فيصـل : تدري ان محد بيحلهم غيـرك
سعـد: واثـق فيك يافيصـل
فيصـل : طيب علمني وش فيك صاير شي ؟
سعـد : ان جاء وقتهـا بعلمك اعذرني ياخوك
فيصـل : ليكون طحت ببريطانيـه
سعـد : كانو طول السنين بوجهيّ بطيح الحين
فيصـل : والله ماينعـرف لك بس اللي بتسويه سوه وانا وراك
سعـد : وتـرا بقول لأهلي ان عندي شغـل بـ لندن
فيصـل : ماهو مشكله بس وش ظنك خالتي بتقتنع
سعـد : ماعليك انت لاتبيـن شي وانا معك بكل خطوه تخص الشغـل
فيصـل : ابد خذ وقتـك بس متى بتروح
سعـد : بعد يومين
فيصـل : يلا مردي أعرف
سعـد ضحك : الله العافيـه ورجعـو للمزرعـه
فيصـل بسوي شاهي ، وسعـد طلع دخـانه يدخـن
فيصـل : وش بك تهـوجس
سعـد : بعـذري الارق قاضي علـي وانا مهلوك وقلبي منهلك زياده
فيصـل : قلبـك ! اخو نـوره
سعـد ضحك : انكتم يخي خلني اهـرج
فيصـل : سعـد شكلك طايح بمكان
سعـد ابتسم : الله أعلم
فيصـل بذهول : وتبوسـم بعد لا عزالله أفلحنـا
ضحك عليـه : يخوي شف الشاهيّ خلنـا نشربه ونتوكل
فيصـل : اي صـرف صرف
سعـد : وأطـرب مسامعي
فيصـل : وأخذ القيتـار ويغني
توصينيّ على الكتمان وتبقى حبنـا مايبـان
تقـول لي ودّنـا صـافي
وتحسب حُبنا خافـي
ترى راعيّ الهـوى مفضـوح
سعـد : نغزات من تحت الطـاوله مانبي وضحك فيصـل
يلا سرينـا ، وكـل واحد راح لسيارتـه وتوكـل
سعـد جـاء على وقـت اذان الفجـر وراح لمسجـد الحي
بعد ما خلـص الأمام الأذان شـافه وراح له : يامرحبـا
سعـد : السلام عليكم
الأمام : وعليكم السلام ورحمة الله وبركاته ، وينك قاطع
سعـد : كنت خارج البلاد وامس وصلـت ، اخبارك
الأمام : ماشاءالله الله يوفقك يارب والحمدلله بخير ونعمه
سعـد : واخبار ولـدك
الأمام: ابشرك بخير ولله الحمد والفضل يعود لله ثم لك
سعـد : ماسويت شي
الأمام : الله يجزاك خير ويجزا والدينـك الجنه ولما بـدت الناس تدخل المسجد انسحب وبعد الصلاه طلع وتوجـه للبيت وشاف امه تصلي وتركها وراح ينـام بتعب