أشوف الودّ في عيونك ولكن يردّ الودّ خوفٍ فيك منّي

بارت ١٤

ماردت عليها لأنها بسابـع نومة ونادتها بصوت عاليّ لدرجه فزت بُكل قوتها الجُوهرة بضحك : اي قومي
لولو  اخذت المخـده ورمتها عليها وتغطت ونامت ، الجُوهرة طلعت فوق السرير ترقص وتغني لولو بغيض سحبت رجلهـا طاحت بجنبها الجُوهرة : يمه منكِ !
لولو  : مين مسلطكِ علي ؟
الجُوهرة : قلبي
لولو : اذا هذا الحُب فأنا مابيـه
الجُوهرة حطت راسها على بطنها وقالت : الحُب حلو !
لولو بفهـاوه : طبعًا حلو ولأنك كلبه خربتي علي حلمي مع حبيبي الخيالي
الجُوهرة : اشكره لأنه تحملكِ
لولو دفت رأسهـا وقالت : طبعًا لأنه محظوظ فيني وتنهد متى ألتقي بحب حيااااتيّ
الجُوهرة جاء ببالها وعلطول قامت وقالت : مافيه حب حبيبتي ارتاحيّ
لولو : اجل طفي الأنوار معاكِ بليز جوجو
الجُوهرة : اوكِ حياتي كوابيس سعيده وقفلت النور وطلعت لبيتها  ولولو رجعت نامت .

سعـد بروقان غريب عليـه أتصل على فيصـل :
فيصل بإنزعاج : وشتبي
سعـد : اتطمن عليـك يايمناي
فيصـل : الله يسلمك انا بخير وصحه مع السلامة
سعـد ضحك : اركـد
فيصـل سمع ضحكة سعـد وقال : بسم الله
سعـد : وش فيك !
فيصـل : انت اللي وش فيك وش هالضحك والأبتسامات
سعـد : الواحد مايضحك وان سكت عقدتوه
فيصـل : ول عليـك وش عنـدك انت
سعـد : ماعندي شي بس مبسـوط بـ لندن
فيصـل : ماني متطمن فجأءه بيوم وليله صـرت ماتشوف مثلهـا وين اللي مايقعد فيها إلا اقل شي اسبـوع
سعـد : الهـوى غلااااب وانا أخـوك
فيصـل : وش ترطن بـه انت ، لازم ترجع ماني مرتاح لك
سعـد ضحك من كل قلـبه : والله اني بكـامل قواي العقليـه والقلبيـه
فيصـل : ليكون متزوج بريطانيـه
سعـد كشر : اعوذ بالله
فيصـل : اشوا اجل ، ماعـن مانت خاليّ البال
سعـد ببتسأمه : الله أعلم أجي الريـاض واعلمك
فيصـل : دنيا عجيبه سعد بن عبدالعزيـز طاح ومحدٍ سمى عليه ! تنكتب بالتاريخ
سعـد : اهجد لاتبالغ لأصكك بكف
فيصـل : متى العـرس ومتى يجي السمي فيصل
سعـد : بعتبر نفسي ماسمعت الأخيره وبنسبة للأولى لو أقولك ماعرف إلا اسمها وعرفته بالصدفـه بعد
فيصـل : خليجيه ؟
سعـد : اي نعـم
فيصـل : الله يكتب اللي فيه خير ، ورا ماعرفت بطريقتك
سعـد : ماودي مستمتع وانا اعرفهـا بنفسيّ ويلا مابي اطول عليك بحفظ الله وماكمل فيصل الا مقفل بوجهه
فيصـل بضحك : مستحيل تتغيـر

أتصل على أمه ماردت عليـه وكتب لها :
قلب سعـد ، انا بخير يالغاليـه تطمنيّ وطمني قلبك
ولو بغيتـو شي وانا مارديت كلمو فيصـل علطـول
أستودعكم الله وسلمي على الشيخ سعود والعنـود
لبس وطلـع وعند فتحه للباب الخارجيّ إلا هي طالعه
انتظر شوي لما تبعد وراح ورأهـا بخفة وتعمد يصقع
كتفهـا وقال بهـدوء لامُبالي : المعـذره
الجُوهـرة عقدت حواجبها وردت بدون ماتنتبه عليه : ليست مشكله
سعـد بقلبه هدوءكِ لذيذ وأبتسم
الجُوهرة رفعت عيونها لـه ورجف قلبها لما شافته قدامهـا :
أنـت ؟
سعـد : اشوفني مارحـت من بالك
الجُوهرة رمقته بنظرة وقالت بسخرية  : طبعًا مين ينساك !
سعـد لمس نبرتهـا الساخره : انا أدري
الجُوهرة : لك شي عندي عشان كذا مانسيتك
سعـد : ماقلـت لك خليه عندكِ ماودي فيه ؟
الجُوهرة : وانا مابي هالشيء كمان
سعـد : أرميه سهله
الجُوهرة : اوكِ !
دق جوالهـا وطلعته وابتسمت بفـرح لما شافته أبوهـا
الجُوهرة : حبيب الروح ؟
سعـد كشر ولا قدر يتحرك من مكانه
تركـي : قلب تركي كيفك يابابا ؟
الجُوهرة : بخير قلبي وحشتني مره ، يهون عليك يمر يومين ماتكلمني ؟
تركـي ضحك يحب عتابهـا : ماهان يابنت قلبي والله ماهان وان فضيت بتكون حزة نومك وانتِ مسافرة ماودي ازعجكِ
الجُوهرة : دائمًا تغلبني ! لكن القادم اقوى ويا أنا ويا أنت ياتركي
تركي : كلي تحت أمرك يابوي
سعـد زم شفايفه وضاغط على يده بُكل قوته !
الجُوهرة : الله لايخليني ، انا برا نتواصل بعدين طيب
تركـي : بحفظ الله حبيبتي
الجُوهرة قفلت الجوال ببتسأمه ولفت بتمشي إلا هو قدامها : ليش واقف مكانك للأن ؟