أشوف الودّ في عيونك ولكن يردّ الودّ خوفٍ فيك منّي

أشوف الوّد في عيونك ولكن٣٢

«مكان أخر »
ركبت السيّاره تنتظره شافته واقف مع رجال
والواضح أصحابه ، اتصلت السكرتيره عليهّا
لولو : شصار معاكِ ؟
السكرتيره : عطيته الشرطه وفتحو الملّف
تنهدت براحه وهالموضوع كافيّ فـ انه يعدل
مزاجها أسبوع كامل ، دخل السيّاره وشاف أبتسامتها
مسك فكهّا : وش هالإبتسامه الحلوه ؟
لولو بحماس : أنقذت بابا
رفع حاجبه : وش فيه أبوكِ ؟
زمت شفايفهّا هي ماقالته شي ، تنهدت : بقولك
أنتظرها تكمل ، لولو : رحنا لـ صالح الرائد
عقد حواجبه : ومين هذا ؟
لولو : اللي رمى بابا بالسجن ولبسه التهمه
توسعت عيونه : تستهبلين ؟ ورايحه له كذا ولوحدكِ !
لولو بهدوء : مع الجوهره مو لوحدي
سعُود ارتفع ضغطه : واذا ؟ هالناس ضميرهم ميت
تروحون لهم لوحدكم ليش !
لولو : شركته حوله ناس مايقدر يسوي شي
وكشرت من تذكرت عنـاد ،سعُود تمالك نفسه
لايزعلها وهو خايف عليّها : لولو ياحبة اللؤلؤ
تدرين ان روحتكم لوحدكم غلط ! وش يضمن
لنا إنه ماراح يسوي لكم شي وليش ماقلتيّ لي
أكون معاكم ليش خبيتو هالموضوع فرضًا صار شي
كيف بنعرف ؟
لولو زمت شفايفهّا ومسكت يده : بكمل لك طيب
تنهد وهو ينتظرها تكمل وقالت له كل شي وماعدا سالفتهم مع عناد، أنصدم من خطتهّم :
وش هالكيد اللي عندكم؟ وينه التسجيل
لولو بغرور : وصل الشرطه وفتحو الملف
ومسألة وقت وصالح الرائد بالسجن
أبتسم بفخر : والله راسيّ تعدا الغلاف الجوي
وبعثر لها شعرها : ولا عاد تسوون شي بدون ماتقولين لي
لولو بتباهيّ عدلت شعرها يليّ بعثره لها : أعجبكِ

«منزل عبدالعزيز البدر »
واقفه تنتظر عيالهّا ينزلون وتولع الجمر لجل العّود
نزل سعُود الليّ يعدل شماغه وقبل رأس امه :
وش هالجمال ياشيختنا !
أبتسمت : حبيبي أنت وقعدت تحصنه وتسمّي عليه
نزلت العنـود وكعبها بيدها ، وخلفها السعّد بالبشت
حقه ، البنـدري بإعجاب : شيوخ بسم الله عليكم
أبتسمو ، العنـود : ماما وين العود ؟
ولعته لين أشتغل وحطت العّود وقربو منهّا يتطيبون
سعُود لبس بشته وعدله ، العنـود لبست عبايتهّا
وأخذت بوكية الورد والهدايّا وخرجت
سعـد : شرايك فيني يمه ؟
البنـدري دمعت ومسحت دمعتها : سعد عينيّ يايمه
بسم الله على قلبك والله يتمم فرحتك يايمه
أبتسم وحاوط كتف أمه وطلعو وكالعاده
يكونون بسيّاره وحده بوقت مناسباتهم السعيّده

«منزل تركـي الكايـد ، المغرب »
قعدت حصـه بعد ماشيكت على كل شي مع مضـاوي
ويليّ جايه من العصر لجّل تساعدهم وتكون مع الجُوهـره
بهالمناسبه السعيّده ، مضاوي : تعبتكِ معاي
حصـه : كل شي يهون لعيون بنتنا
مضاوي أبتسمت وصبت لها قهوه وقعدو يسولفون
لولو : جوجو خليه مفتوح
الجُوهـره : ودّي أربطه
لولو هزت رأسها بالنفيّ : اتركي شعركِ مفتوح
وقومي البسي يلا ، الجُوهـره دخلت غرفة الملابس
وقعدت تلبس فستانهّا الأحمّر الساده ولتحت ركبتهّا
طلعت : سكري سحابيّ
لولو بإعجاب : ما أرحم إلا سعد هالليّله
ضحكت بإحراج : تتوقعين يطلب شوفة شرعيه؟
لولو : من حقه والأكيد مابترفضيّن
الجُوهـره : طبعًا بس ماودي أرد الموافقه بدري
ضحكت : ناويه تجيبين أجله !
طلعت سلسلها ولبسته ، الجوهره : لازم اتدلل شوي
لولو : الله يعينه بس ! وبعدين تعالي وش سالفة عناد
كشرت من ذكراه : معتوه فجأه لقيته بوجهي
لولو ميلت شفايفها : أتمنى يبعد عننا أشد البعد
الجُوهـره تطمنهّا : ماعليكِ حبيبتي ماراح يتجرئ يسوي شي
ضمتها وعدلت الميك أب حقهّا ونزلو مع بعض
وقفت حصه من شافتهّا : تبارك الرحمن ، موتٍ حمر فعلًا
أبتسمت بإحراج : ماما وضمتها وهي تسمّي عليها
مضاوي : بسم الله عليكِ
لولو أكلت حبة من الحلا : لذيذ !
قعدت الجُوهـره وهي تأخذ حبه منها : جدًا
دخلت عمتهّا أم راكان وفزت بفرح من شافتها
هي بـ جده ونادرًا تنزل الرياض : عمتي
أم راكان بحب : ياحبيبة عمتكِ وضمتها
والله وكبرتي وصرتي عروسه الله يحفظكِ يايمه
التؤام مها ولمى : مبروك جوجو وسلمت عليّهم
مضاوي : حيّ الله الكايد باهلًا وصافحتهم
قربت حصـه من الجوهره وهيّ تعدل لها شعرها
لولو : خلاص سلمتيّ تعالي نطلع فوق بعدين ندخل
الجُوهـره بملل : نعرف بعض ليش هالحركات
مضاوي : اطلعيّ لابد من حركاتنا
ضحكو من شافو تأففها وطلعت فوق
عرفت أنهم جو وتوجهت لـ الشبّاك تشوفهم
ولولو جنبها ولمى ومها لحقوهم ، أبتسمت بهدوء
من شافته بالبشت الأسود وخواله خلفه
سرحت فيّه وقف ينتظر دوره بالسلام وهو مبتسم
لمى : صدق أنهم أحفاد الأكابر لهم هيبه
لولو أبتسمت : خوالهم شيوخ ورجعت تتأمل سعُود
رجف قلبها من شافته ولا يقل حالها عن الجُوهره
الليّ اتسعت أبتسامتهّا من شافته أقبل على أبوها
وقبل رأسه وشافت فرحة أبوها فيّه