أشوف الودّ في عيونك ولكن يردّ الودّ خوفٍ فيك منّي

بارت ١٠

سعـد وصـل إلـى أرض الوطـن كـان أستقبلـه رفيـق دربـه فيصـل يدري أن سعـد بيسفل فيه عشان كـذا جاء يستقبله بنفسـه : الحمدلله على سلامتك بو سعـود
سعـد : الله يسلمـك
فيصـل: تراي جاي أسلم نفسي بنفسـي
سعـد ضحك : لا معليك الأخلاق عال العـال
فيصـل : الحمدلله ، للشركـه ؟
سعـد: توكلنا على الله
فيصـل: زحمـة الرياض مالهـا حل !
سعـد : متعـود يارجال مافرقـت معي
فيصـل: انا صبري قصير ماتحملهـا ، بنزلـك بالشركه وأروح للوالـد
سعـد: سلم لي عليه ويمكن أمر عليه العصر
فيصـل: يوصـل طال عمـرك
وصل الشركـه ونزل سعـد ومشى ، حارس الشركـه : الحمدلله على سلامتـك ياطويل العمـر
سعـد سلم عليـه : الله يسلمك ، أخبارك عساك طيب
الحارس : بخير دامك بخير
سعـد: فمان الله ودخـل
الكل وقـف وبأصوات متفارقه : الحمدلله على السلامه ياطويل العمر ، نورت طال عمرك ، اسفرت وأنورت
سعـد: الله يسلمكم جميعًا ومنـوره فـ أهلها وهالله هالله بالشغـل ألا التهـاون بالعمل
الجميع : حاضر
وطلع لغرفتـه يشوف الملفات ويفحصهـا
دخـل السكرتير محمد : السلام عليكم ياطويل العمر
سعـد: وعليكم السلام حياك الله محمد
محمد : فيه شركـة يترأسها تركـي الكايـد يبون يوقعون شراكـه ف بعض المشاريـع ويطلب منك أنت شخصيًا تشرف على المشروع المعماريّ
سعـد بأستغراب : متى هالموضوع
محمد : تقريبًا وصلنا من يومين وقال ان رجعـت تقدر تتواصل معـاه
سعـد: مو مشكله ذكرني بعد ما أخلص كل أشغاليّ
رفـع رأسـه بعد ماخلـص أشغاله المتراكمـه ، شـاف ساعته الساعـة الثامنـة مساء ، طلـع وشـاف مافيـه أحد الأدوار فاضيـه مافيه إلا حـارس الشـركه ، سلم عليـه وطلعو مع بعـض ، شاف سيارتـه بالمواقـف وركـب تنهد بعمق ورجع رأسـه وراء يسوي مساج له بيـده ، جت ببـاله أتعبت قلبه بُشكل لذيذ .. حرك لبيـت والدتـه الحبيبة دق بـوري وفتح له البواب ، اهلًا اهلًا ياطويل العمر
سعـد: أزيك ياباشا
محمود : نورتنـا وقام يصفق له
سعـد ضحك عليه ونـزل يحضنه : والله واحشني
محمود : والله ياطويـل العمر لك وحشـه أكثر
أم سعـد البندري حست بقلبهـا يدق طلعت ولقت ولـدها حبيبها : ياهلا ياهلا بحبيب العمر
سعـد بأبتسامه : هلا بالغاليـه وقام يحضنها ويبوس يدها ورأسهـا
أم سعـد البندري : سعد عينيّ يايمه
سعـد : تعالي تعالي ندخل داخل برد
ودخلو مع بعـض وجلس يسولف معها بعدين سألها : وين سعُود والعنود ؟
ام سعـد البندري : طلعو يتقهوون ويجون بعد شوي أن شاءالله ، ابروح أشوف العشاء وأجيـك
سعـد: لاتخافين ماراح انحاش
ام سعـد البندري ضحكت : لك عوايـد عاد وراحـت
سعـد انسدح على الكنبه يريح شوي ممدا يغمض عينه إلا يسمع هواشهم كالعادة العنود : سعود مو بكيفك !
سعـود : لا بكيف مين أجل ؟
العنـود : كيف الشيخه العنـود بنت عبدالعزيز
سـعود : والله ونعـم بس احلمي والله شوفي السواق يوديـك روحي يلا
العنـود : سعُـود بليز ودي أروح معـاكِ ، ترى كلها أروح وأخذها وأرجـع
سعُود: نو نو نو
العنـود: اكرهك صدقني
سعـد : وأنا تكرهينيّ ؟
طالعو فيه بصـدمه العنـود : سعـدي ! وراحت حضنته
سعـود يقلـدها : واي سعـدي
ضحك سعد وسحبه يحضنه ويبعثر شعره ، سعود بإنزعاج : تدري بي اني أكره هالحركـه
سعـد: وش فيكم داخليـن بالشـر ؟
العنـود : وصلتني دعوة أيڤنت وقلت أروح معاه ومارضـى
سعـد : ليش يالشيخ سعود ؟
سعُـود : مافي وقـت لازم أرجع البيـت وأبـدل ملابسيّ ، شف لابس شـورت
سعـد : خلاص أنا بـوديك أمشي يلا
العنـود : لا خلص دامـك جيت بقعد معاك وانت توك راجع من السفـر اكيد تعبان
سعـد : لا مرتـاح دامكم حولـي ، وبعدين ان ماوديتك أودي مين ؟
العنـود : حبيبي انت دقيقه بشوف شعري
سعـد طلع لسيارته ، والعنـود لحقته
العنـود : فيك شي متغيّر ؟
سعـد : مثل ؟
العنـود كانت بتتكلم إلا سعـود فتح الباب وركب وراء لفت عليه وهو يسكر أزارير ثوبـه : نعم ؟
سعُـود : غرت شوي صراحـه وقلت وش مقعدنيّ
العنـود شمقت له ولفت تشغل لمجيد :
مابي أسـأل وش حصـل مافيه داعي للأمل ! وقاعده تغني معاه
مستعجل حبيبي يمضيّ عمري مو معااااك !
سعـد الأغنيـة هزت أوتـار قلبـه ،وتنهـد
سعُـود : بو سعود وش فيك
سعـد ضحك : اخلص من العنود تجي انت
وصـلو لمقر الإيفنت خلو العنـود بينهم ودخلـو وأغلب الأنظـار صـارت عليّهم ، أشكالهم مُلفته مره خصوصًا طـولهم اللي ورثوه من أبوهم المرحـوم إلا العنـود أصغر منهم بشويّ عرفوهـا بعض البنات وجـو يسلمون عليها وأنظارهم على سعـد : عنووودي
العنـود : وجـدي وسلمت عليها ولهت معاهـم
سعـود : كأن أنسحب علينا
سعـد: فـدا فـدا
سعُـود شاف بعض اصحابه وقال : وشكليّ بسحب عليك
سعـد: ابد خذ راحتـك وراح يسلم معاه على اصحابه وأستاذن منهم وراح يتمشى بالإيفنت وحده من البنات : مو كأن هذه سعد بن عبدالعزيز البـدر ؟
صديقتهـا : اي هـو ، يمه ياقلبيّ بس !
مر من جنبهم وقالـت له وحـده : المعـذره