သား​ပေါက်​ပျိုး​ထောင်​ရေးအဖွဲ့အစည်း

Chapter 62

Chapter 62-က​လေးကြီး​များ

အခန်းတွင်းရှိ လူကြီးများသည် လူငယ်​လေးအား "စကားပြော"သောအခါတွင် သူ့အနီးတွင်ရှိ​သော မူခသားပေါက်အချို့သည် နှိုင်းယှဥ်ကြည့်လျှင် အနည်းငယ် သေးငယ်သော ခပ်နိမ့်နိမ့် ​အော်မြည်သံများကို ချက်ချင်းဆိုသလိုပင် ပြုလုပ်ခဲ့သည်။

ဤမူခသား​ပေါက်များ၏ ကြက်​သွေး​ရောင် မျက်လုံးများသည် ရှဲ့လွမ်​ပေါ်တွင် စိုက်ကြည့်နေကြသည်။မူခသား​ပေါက်​လေးသုံးကောင်သည် လူငယ်​လေးကို နှစ်သက်ကြောင်း သိမြင်နိုင်ရန်မှာ အလွန်လွယ်ကူပါသည်။

ကျေးဇူးတင်ပါတယ်။ သင့်လိုပဲ။

ဤစာကြောင်းအတိုလေးနှစ်ခုကို virtual panel ပေါ်တွင်ဖတ်လိုက်ရင်း ရှဲ့လွမ်သည် ဤမူခများ၏ ဖြူစင်သောကြင်နာမှုနှင့် စေတနာကို ခံစားနိုင်သည်။

သူက သူတို့ကို ကူညီပေးခဲ့တဲ့အတွက်ကြောင့် ဒီမူခများသည် ဒီလိုမျိုး ​ပြောပြီး လုပ်ခဲ့သည်။

သူသည် အမှန်တကယ် အနည်းငယ် ဗိုက်ဆာနေသော်လည်း မူခသား​ပေါက်လေးများက သူ့ကို ဤကဲ့သို့ ကြည့်နေသဖြင့် ရှဲ့လွမ်က သူ့စား​နေတာကို သူတို့ကိုကြည့်​နေခိုင်းဖို့ သည်းမခံနိုင်ခဲ့ပေ။ပြုစု​စောင့်​ရှောက်သူတစ်ယောက်အနေနဲ့ ရှဲ့လွမ်ရဲ့ ထုံးစံအတိုင်း တုံ့ပြန်မှုက သားပေါက်လေးတွေကို အရင်ကျွေးဖို့ဖြစ်သည်။

အာကာသခလုတ်ကို နှိပ်လိုက်ပြီး ဓားတစ်ချောင်းကို ထုတ်လိုက်ပြီး ရှဲ့လွမ်သည် ဘယ်ဘက်သစ်သားပန်းကန်မှ သစ်သီးနှစ်လုံးကို ကောက်ယူလိုက်သည်။ကျွမ်းကျင်စွာ အခွံခွာပြီး လှီးလိုက်ပြီး သူ့​ဘေးနားရှိ သားပေါက်ကလေးများ တစ်​ယောက်ပြီးတစ်​ယောက်၏ ပါးစပ်များအထိ မြှောက်လိုက်သည်။

အခြားသစ်သားပန်းကန်တွင်ရှိ​သော အသားကင်အကြီးကြီးကို လှီးဖြတ်လိုက်ပြီး သားပေါက်လေးကောင်အား ကျွေးပြီးနောက် ရှဲ့လွမ်သည် သူ့လိုအပ်ချက်များကို စတင် အာရုံစိုက်လာခဲ့သည်။