သား​ပေါက်​ပျိုး​ထောင်​ရေးအဖွဲ့အစည်း

Chapter 69.2-Gu-ji

မူခသား​ပေါက်လေး၏ မွေးနေ့ပြီး​နောက် ထိုလမှာ ၁၂ရက်ပဲကျန်တော့သည်။ထိုလ၏ နောက်ဆုံးနေ့တွင် ရှဲ့လွမ်သည် သတိပေးချက်မရှိဘဲ ပရိုမိုးရှင်းတစ်ခုရရှိခဲ့သည်။

“ဥက္ထဠ ဘာလို့ ရုတ်တရက်ကြီးလဲ…” လူတိုင်းကို စုစည်းထားသော ဥက္ကဠက သူ့အား ဥက္ကဠ​နေရာကို တရားဝင်လွှဲပြောင်းပေးလိုကြောင်းပြောသည်ကို ကြားလိုက်ရာ ရှဲ့လွမ်မျက်နှာ​ပေါ်မှ အံ့သြမှု့သည် အတုမဟုတ်ပေ။

ဥက္ကဠက သူ့ကိုအရင်တုန်းက ကြိုပြောမထားဖူးပေ။သို့သော် သူရဲ့အံ့အားသင့်နေသည့် အကြည့်နှင့် နှိုင်းယှဉ်လိုက်လျှင် ရှဲ့လွမ်သည် သူ့ပတ်ဝန်းကျင်ရှိ အခြားသူများသည် ဒီလိုဖြစ်လာမည်ကို အရင်ထဲက မြင်တွေ့ခဲ့ရပုံရပြီး အခု ဥက္ကဠ၏ စကားကိုကြားပြီးနောက် ခေါင်းညိတ်လိုက်ရုံသာ ဖြစ်သည်။

“ရုတ်တရက် မဟုတ်ပါဘူး။”

ဥက္ကဠသည် ရှဲ့လွမ်ကိုလှမ်းကြည့်ကာ သူ့မျက်လုံးများထဲတွင် ယုံကြည်မှုအပြည့်ရှိသည်။ “ဒီအဘိုးကြီးက အရမ်းအိုနေပြီး​တော့ ကလပ်ကို အရင်တုန်းကလိုမျိုး ကောင်းကောင်း စီမံမခန့်ခွဲနိုင်​တော့ဘူး။ယွင်​ပေါင်​ကျောင်းခွဲက အခုအချိန်အထိရှိ​နေနိုင်ခဲ့တာ ကလပ်ကို ကူညီစောင့်ရှောက်ပေးခဲ့တဲ့ ​ရှောင်ရှီရဲ့ ကျေးဇူး​တွေအားလုံး​ကြောင့်ပါပဲ။”

“ဒါပေမယ့် မင်းငါတို့​ကျောင်းခွဲကို ရောက်ကတည်းက ဒီအဘိုးကြီးက ငါ့မျက်စိရှေ့မှာ ကလပ်က ကြီးထွားလာတာကိုမြင်ခဲ့ရပြီး အမှန်တကယ် ပြန်လည်ရှင်သန်လာခဲ့တယ်။မင်းကို ဥက္ကဠအဖြစ် ခန့်အပ်လိုက်တာနဲ့ပတ်သက်ပြီး ပြဿနာတစ်စုံတစ်ရာ မတွေ့ပါဘူး ​ရှောင်ရှီလည်း ဒီဆုံးဖြတ်ချက်ကို သဘောတူပါတယ်။”

ထိုစာကြောင်းကိုပြောရင်း ဥက္ကဠဟောင်းက ဆက်သွယ်​ရေးကိရိယာမှ ပြသထားသည့် virtual စာရွက်စာတမ်းကို ထိလိုက်ပြီး စာရွက်စာတမ်းကို ရှဲ့လွမ်စီသို့ ရွှေ့​လိုက်သည်။ “အဆင်သင့်ဖြစ်ရင် ဒီစာရွက်စာတမ်းကို ချက်ချင်းလက်မှတ်ထိုးလိုက်ပါ။ ငါ ယွင်​ပေါင်ကို မင်းလက်ထဲမှာ အပ်ခဲ့မယ်။"