امونة :ولاايني راك وااحد صلكووطة مع رااسك ..شحاال من مرة كنقووليه مندوزوش من هاد القنت الخاوي .....ليالي : هانتي تشوفي ناوية تلقيهم لينا ....حاالفة تخلي لينا شي علامة في وجهنا نتعرفو بيها كثر ما حنا نعرووفين ....ندى : ورااه بغيت نختاصرو طريق ...امونة : عادوي اش قلتي ..وجهك ولا مسلفاه تصحاابي بووك عايشة في معااريف راه غا لكااريان هادا ابنتي دابا يخرجو يقطعو منا هنا .....ندى : خلي عليك مي وبا في تيقاار الله يرحم جد ...دخلت علييكم بالله شكون غيشووف فينا واش شفتو وجااهكم في مرااية لابسين جلالب البال تعقل على استعمار وعقدين زيوف بحاال جدة وجدااك ...ليالي : هاالي كوولنا شووفي هاد المقطع لي قصدنا ...باينة ليا هاد درهم بابوش لي كلينا غتخرج علينا بغسيل لفندق .....ندى 😳😳 نااري جااي قاصدنا ...امونة : يالله ورينا فهاامتك يخ الله يخليها سلعة ... ،،، شمكاار : (شد ليالي ) واافين القووقة...ماين شي ح*** ولا واالو ....واافورمة هي مخبية من جلابة ليالي : 😟😟😟 ( شاافت في حنابها ملقااتهش ) اويلي على بنات لحراام خلاوني ...شوف اخوويا انا راه غا بنت سيكتوةر ...وخويا هو ....شمكاار : تي اش بغيت خووك بغيتك نتي (يالله غيقيسها جاتو جقة لراس ) ايي ...رااسي دم شكون هادا لضرب .....امونة : مك اولد لخانزة اشمااتة ...الكييداار .....ندى وليالي : وعتقوونا اعبااد الله ..شفاار ...شفاار (ولد الدرب جاي كيجري ) ... :ختي ليالي ..ندى ياك لباس .. آمونة اش جابكوم لهاذ السيكتور. . ندى : عتق أخويا هاذ الكل بغى يتعدى علينا.. ''الولد'':(شدو من عنقو و ضربو بنص ) و الله يا ديلمك باقي نشوفك كضور على بنات السيكتور. . نخرج لمك البعبووول دعينك لعب بيه البي ..الشمكار: و صافي أصاحبي طلااااق... أمونة(صرفقاتو و دفلات عليه) تفوووو علييك الشماتة الكلب يواا هاااا شغيوقع لي بغى يتعدى على علينا .. مرة أخرى ضور بينا .. الولد: (رماه و ساس يديه) يالله شريه أعشيري نشوفك كضور هنا مرة اخري نقسمك.. يالله تصب.. الشمكار:(كيجري و يطيح) عقالو على هاذ الكمااااارة .. ليالي ..سير عاود لمك الحمااار... الولد:يالله البنات ديوركم .. ماتعاودووش دوزو من هاذ الطريق... (شاف فليالي ) نتي لا عرفك خوك زدتي من هنا يحسن لمك بلا ما يالله تلاوحو من هنا ..أمونة: ابشوية عليك الأخ شتك عا...(سدات لها ندى فمها)...ندى :هاحنا غاديين أخااي شكراا .. هزو جلالبهم و ضربوها بجرية ما وقفو حتال دربهم .. ليالي :اوووف كنت غانمووت ليوم😱 ... أمونة :تموتي مالنا حنا فين مشينا .. ليالي : يصحابلي خليتوني معاه بوحدي ساعا صدقتو كابابل ماعليكمش... ندى :(ساكتة عارفة راسها زبلاتها)... أمونة:أمالك أديك الشطبية ساكتة دوي دابا دوي .. شندير فيك نتفك ولا شنو .. ليالي: صافي دازت بخير هاذي غا باش المرة الماجية نسمعو مها .. الشيخة قالت لك نختاصرو طريق .. ندى ..(خزرات فيهم): شتكم ضورتوني😡 أمونة : زمي دبانننن👊 .. ليالي : وا صافي بلا ما نبدى التجعويق... يالله سلام عشرة العمر فينووو ...(ضربو يديهم ..قرصوو حنيكاتهم و كل وحدة باست الأخرى) .. ندى : أمونة تعقلي فآش كنت نجي عندك أنا ومي و ندير راسي نعست باش تخليني نبات معاكم هههههه.. أمونة : علاه دوك الأياام تنسى..هههههه... ليالي : يا ختي التشيطين من الصغر 😂.. ندى: .. ههههههه ليالي تعقلي فآش بغيتي تفارقي مع حميدة اللصقة مشيت عندو قلت لو خوها عرف وحبسها فالدار وراه ساير يقلب عليك هههههه من داك النهار مسكين هرب وقلة خواا كاازا ههههههههه .. ليالي : تا هو الله يسمح ليا منو كان كولة سبيسيااال لحم الرااس يا ختي هههههه... أمونة : زيدو قداامي العصابة... ندى :الفتياات الخارقات عافااك💪 ...... ..《دائما كتكون بين جمااعة البناات وحدة رزينة وعااقلة وعزييز علييها الهدووء...اخرى مرحة ودمها خفيف ومتحلى الجلسة غير معااها ...وتالية حمقة ومعندها علاقة لا بالعقل ولا بالمنطق ...لي نقدر نقوول على بطلااتنا خدااو من كل صفة حااجة ...جمعو بين جماال ورزاانة وتقشاااب ...البلاصة الا كاانو فيها تحسهاا مليءة بالحيااة في لحظة يكونو حزينين ولكن في رمشة عين يتبدل الموود ويوليو ناشطين .....كان كيميزهم جماال طااغي ...واخدين من القمر استداارتو ومن البحر عمقو من النجووم لمعاانها ومن شمس حراارتها ...من الندى قطرااتو ومن الريح تقلبااتو من النبتة ارتجاافها ومن الورد لونها وعطرها ...من العسل طعمو وشهدو ..من الذهب شعاعو ومن الالمااس قسااوتو ...من الحية حكمتها ومن الحربااء تلونها ...من الغزاال شرودها ومن الارنب خجلو وحياائو ..من طااووس خيلاءو ومن الاسد شراستو وقوتو ..من الثعلب مكرو وروغاانو ومن البغبغااء هذيانو وكثرة كلامو..... لكن في المقاابل كاان كيميز مل وحدة فيهم ملاامح خااصة بها كتميزها على تانية ....امونة كانت هي الزعرة فيهم بشرتها بيضااء ونقية وصاافية كيف لحليب مضوية على شعرها الذهبي في فحاال رماال الصحرااء من صغرها ملقبة بالكاورية ..في تقااطيع وجهها دقة وفي ملامحها رقة مع اتها جعوااقة ..عوينااتها عسليين وكبار مشفريين كيف عوينات لقطوط ..اما شفاايفها صغيورين ومنفخين ..كانت من عشااق ريااضة محاافظة على رشااقتها ومتبعة اكل صحي..طاايتها ريااضية بامتيااز ماطويلة ما قصيرة مربووعة القد ..الصدر وااقف والكرش ممحية ..لوور مكور وكل بلاصة عندها فيها خقها ..اماا ندى ملامحها قااسية شوية كيدلو على عصبيتها وطبعها الحاد ...ديما مخنزر واخة متكونش معصبة ..لكن الا مشاات حتى ضحكاات ...يجييو شرطة الادااب ...بشرتهاا حنطية ..عويناتها عسليين وصغار فحال عويناات الريم "الغزال " طااغيين علييهم الرموش الطواال لي عاطيينها نضرة خااصة بيها ..خذووذها تفيفيحات بلون شفائق النعمان ..دائما موردين وخصوصا فاش شي حد كيمدح جماالها ...شفايف عندها مطبزيين وابتساامتها فحاال الوردة لي عاد تفتحاات ...شعرها حرير ساايح فايت كتافها بلوون الشكلاطة ..لكن كل مرة على حاال مكتستقرش على لوون وااحد ..قواامها ممشووق متوسطة طول فحال امونة تماما غير هي عاامرة عليها شوية من لتحت ..عندها كل حااجة فمكاانها الصدر مبندر ولي هونش هوما هادووك حتى حاجة ما زاايدة على حدها °•°•°•°•°•°•° °•°•°•°•°•°• .....اما ليالي ...ليالي يا لياالي ..كانت نلامحها شرقية بامتيااز ....وجها مستدير ولاامع بحاال البدر ...عيوونها عسليين وكيميزووها عن غييرها ...كانت كتمتاالك نظرة قوية وحاادة كتباان بحال الا كتختاارق الشيء لي كتشووف فيه .....فم صغير وممتلء بلوون الكرز ...الا فتحااتو كتلقى وسطو سنان بيضين بحاال جووهر ....كان شعرها طويل وكحل بحاال لوون ظلاام ....مغطي جسمها المنحووث ....كانت عندها طاي متاازنة كانها داايزة في قاالب سكر ...الفووق صغير ولتحت عاامر ....وطوولة رهيبة تخلييك تعلي رااسك وتشووفهاا .....بطلااتنا قساات علييهم الحيااة من الصغر ..كل وحدة فيهم همها يبكي لحجر .....امونة وندى خوااتات من الرضااعة تزاادو فشهر وااحد من لي كانو رضع متفاارقووش لان امهااتهم كاانو صحاابات وتزوجو صحااب ....اما ليالي تعرفو عليها فاش داارو سبع سنين كانت في نفس سنهم ..تعرفو عليها ملي رحلات وجاات حدااهم وبما انها دخلات لنفس المدرسة لمانو فيها علاقتهم بيها كبراات ةقةاات وفي كل مستوى كيطلعو ليه كيلقااو ريووسهم فنفس القسم قليل فاش كيفاارقووهن ...كانو محبووبات من طرف الجميع لرووحهم المرحة ..كيسااندو بعض وكيحكييو هموومهم لبعض ..فاش توفااو الواليدين دياال ندى وقفو معاها وقفة ؛ رجاال وميوقفووهاش هكذا دامت صدااقتهم حتى مبرو وتشبتو ببعض امثر مع ان بزااف التغيراات طراات في حيااتهم "ندى " سكنات مع الاخ دياالها وزوجتو في الدار لي خلا الاب دياالهم مكرهش خوها ومرتو يجريو عليها ويتهنااو شحاال من مرة قالولعا نعطيوك حقك وخرجي ولكن حيت عاارفة داك الخق ميجييب ليها حتى غار مع لفيراان صبرات وسكتات وكتخدم وتجمع الفلووس باش توفر الضروريات لي كتحتااج ...اما امونة حتى هي لا تقل عن ندى مسكين بنفس المغرف ..الاب دياالها توفى من كانت صغيرة والام دياالها قلباات على رااسها وتزوجاات وولدات ولاد اخرين وخلاتها عند الجدة " الحبيبة " كي كتقووليها ..لكن لي هرباات منو من عند رااجل مها جاات لقاتو عند خاالها لي منكد عليها حيااتها في طالعة وناازلة ....تزوجي واش غتبقاي طول حيااتك هااكدا ؟ كانت هاادي هي عقدتو انها تزوج لا هو ولا اب لياالي ....لي لعودااتو تبكي عليه كانت عاايشة مع الاب والام دياالها كانت متوسطة خوتها ...عندها خوها كبر منها شمكاار قطاطعي كل مرة دااخل لحبس ....وختها اصغر منها بثلاث السنوات "اية" ..كانو كيعيشة ظروف مادية صعيبة شيء لي خلا اب دياالها ضااغط عليها تزوج من ولد صااحبو مستقر ماديا كان "سيكليس" وهي راافظة حيت كانت كتبغي واحد المصر اسمو " باسم " تعرفات عليه عن طريق الفايس كانت حطاات فيديوو ليها كتغني وعجبو صووتها وحمى معااها وتعلقو ببعض ...هادي كانت نبذة بسيطة على حيااتهم من ورااء سيطاار نخلييكم تعمقوو فيها كثر في احدااث جاايا معاانا ...غنخلي دوري في القصة مبهم مغتعرفووه حتى نكتبو نهااية دياالها جميييع...لي بغيت نقووليكم انني ملي سمعت قصتهم عرفت بلي صداقة ماشي بحال شمس فاش كتغيب ولا بحال الثلج لي كيذوب صداقة مكتموتش الا فاش كيموت الحب الصداقة هو داك صديق او الاصدقااء لي فاش كتكون بوحدك كتلقاهم فجنبك صداقة هي الى غلطتي فحق شي واحد فيهم كيسامحك فقلب صافي خالي من الحقد صداقة علاقة حقيقية بحال العين واليد الا ألماتك اليد كدمع العين والى دمعت العين كتمسحها اليد الصداقة ماشي هي تبقى مع اصدقاءك وقت طوييل ...لا صداقة هي تبقى وفي لوعد ديالك تجاههم واخا تطوااال المسافة او تقصاار... #صدييقااات_في_الخليييج❤❤ #بقلم_كل_من : #ندى_ليالي_امونة👑👑♨💄
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
