صديقات في الخليج 1 🍂مكتملة🍂

🍂الجزء 19🍂

🍾 صديقات في الخليج 🍾
🔥 بقلم : امونة ♤ندى♤ليالي♤ 🔥
الجزء 19
❌❌ حصريا عند بنات حواء ❌❌
اول صباح ليهم في هاد لبلاد ...قبل يوومين كانو كيحلمو بيه يكون سبيسيال وينوضو ناشطين ..لكن وقع وقع لعكس كل وحدة فيهم نيضة عاقدة بلاكة تسعين في جبهتها ...مراضين لا يهضرو لا يااكلو ...كل وحدة فيهم تايهة وتشووف بعينيها ...لي واخا تحقق فيهم متعرفهم واش نادمين ولا حاقدين.....
امونة...(ناضت كتطل من شرجم لي كانت لمدينة وبناياتها لعالية كتبان منو )...شنو دابا البنات غنبقااو هاكدا منحنيو مندنيو ...نبقاو نبكيو على الاطلال ...
ليالي ...(تنهداات وشافت فيها بواحد خيبة امل )...شنو ندييرو شنو؟؟...عرفتي شناهية تحسي بشمتة ...ولد القحبة طلع معانا صبح كون كان تما بربي حتى نوريه بنات لعثمانية شنو كيسواو لكن دووماج ...
ندى ...(كتجمع في شعرها لفوق وربعات رجليها )...سمعوني كي قلتي اامونة مغاديش نبكيو على زهر لي معندناش ...فيزا عندها فيها ثلاتة شهوورة ...يعندي نقدو فيهم نضبرو على خدمة وكفيل ولعجب خاصنا غنخدمو عقلنا ...وراه هاد لفلووس مكفينا ...
ليالي ...(كتأفأف)...واش من نيتك دبي كبيرة فين غنمشيو ومنين غنجييو ...
امونة...(بالغوات)...سمعيني الالة لفاهيمة ...وهدا لاش دااروه نااس ..(لاحت عليها تليفون )..
ندى ..(شافت في امونة وضحكات )....اجي لقيتها ياك نتي بسباب هاد المشقوف كترفي واحد زاامل اسمو محمود كيسكن هنا ...
ليالي ...(خرجات عينها 😳)...وياك الالة في خباركم بلي منوضينها سباط ..
امونة...(جات حدا ندى وضربات كفها )...منوضينها ولا مقعدينها ..كيقول ليك واحد المثل من بلادهم ...ان كان لك عند الكلب حاجة قووولو ....ندى...(بصوت مرتفع ) ...ياا سيدي ....
امونة...(خدات تليفون ومداتو ليها )...ايوا عيطي ليه ...
ليالي ...(ناضت غادة جايا تخيط في لبيت )...لااا وتقوولي سيد شهرين مسول فيا معزاني في خويا وندوي معااه ...
ندى...(باسلوب تهديد )..بلا داك تقحبين دياالك هو غير يقولم دابا ..ازيك تحلي لينا هنا ...متنكريش بلي نتي ماشي حبا في الخليج حيتي ليها راه كلنا عارفين لاش ...
امونة...(خدات لكلمة من عند ندى لمهم دورو ليا ليالي )...ااااااه جايا ضربي عصفوورين لحجر وااحد ..وهو من ديما كيقوولينا طلعو هانتي درتيها لبوه على قد فمي ...
ليالي ...(شدات راسها وجلسات الارض )...فهموني البنات انا ملي سمعت هاد كونطرا قلت مزيان نجي ونسول عليه بلا خبارو نشوووفو واش كاذب عليا واش لا ..حيت ملي كيغبر كيدخلني شك واش مزوج ...
امونة...(هوات ايدها في وجها )..سمعيني نقوليك داك لخرا ديالك وتعفار خليهم لهيه ..حنا هنا طحنا في خفرة وجاك رويجل عندك هو لي غيطلعنا منها ..ومزيانة نيت تكوني حداه نشووفو واش هاد 3 سنين لي ضيعتيهم معااه تستاهل ولا طلع معاك قالب سكر ...
ندى ...(شدات فيها كتاثر عليها هه)...يالله بيني لينا وتنازلي ونسااي لخلاف بيناتكم وقووليه رااني جيت لدبي ودرتيها ليه مفاجأة متقوولي ليه لا لخدمة لا خراا تنعرفو شنو تحت رااسو ...
بعد عدة محاولات وتحزار.. و تهديد حيت لكنس لكاموني ميمشي غا بتخراج لعينين ..دوات معاه في تليفون....
ليالي ..(خذات التيلي تاصلات بمحمود ) .. احم ..الو ،. محمود لباس عليك؟
محمود .. (بانت الصدمة على وجهو فاش رجع شاف فالرقم .. لقاه ماشي ديال المغرب ...)مين ليالي!
ليالي ..(كتعض فضفارها) اه ليالي .. انا فدبي دابا و قلت علاش لي منتصلش بيك و نشوفك ..
محمود .. إزاي ..؟. يعني إيهي الي جابك لدبي ..
ليالي .. هاذيهي مرحبااا .. جيت سياحة انا و البنات قلت نشوفك ..
محمود . اممم بس إنتي ما قلتيليش إنك جاية دبي ،..
ليالي .. حيت ماكنتيش كتسول عليا ،. و نتا عارف انا مكنبغيش نديرونجيك ..
محمود .. اممم وحشتيني
ليالي .. لا واضح ..
محمود .. و نبي انتي واحشاني اخر حاجة ..
ليالي .. امم ..(بدلع) حتى انا توحشتك ااااخر حاجة .. و السبب رئيسي لي جايبني لهناا هو نتاا ..
محمود .. بصراحة انتي جيتي فوقت غير مناسب با حبيبتي ،.
ليالي .. كيفاش ..؟ و علاش بالسلامة ..
محمود .. ايييه هتتنرفزي عليا تاني و لا إيييه ..
ليالي .. لا مقصدتش،. انت بغيت عبر نشوفك الى مابغيتيش بلاش😣
محمود .. لا يا روح قلبي انا عاوز اشوفك و لوقتي حالا .. بس انا مش في دبي انا فتركيا ... عندي مشاكل في الشرركة هنا علاشان كده قلت لك جيتي فوقت غير مناسب ..
ليالي .. اوعديييي😐 ..
ندى .. ماالك اصكعة ..
ليالي ،.(شافت فيها بنكسار و كملات كلامها ) .. اه ايمتا غاترجع لدبي .... محمود .. مش عارف يا حبيبتي ..بس هحاول على قد ما اقدر اخص بسرعة ..
ليالي .. اوووف ..
محموود .. ليالي .. حبيبتي انتي قاعدة عند حد .. ولا فلوكانضا،.
ليالي ..لا جالسة فواحد الاوطيل ..
محمود .. اسمو ايه ..
ليالي ،. ماعرفتش المهم اوطيل عادي ماشي بحال دوك لي كتمشي ليهم نتا..
محمود .. ماشي .. بصي هاتليمي حجتك و تاخدي تاكس تقوليلو يوصلك على رامادا جميرة الفندق ده انا زبون مهم فيه .. انا هاتصل بيهم و هدفع الحساب و هضمنك كمان ،. انتي هتقعدي هناك انتي و صحباتك هناك لحد ماركع ماشي يا روحي ..
ليالي .. (بان الضوء بعينيها و ابتسمات ابتسامه عريضة ..) ههههه بصح ..ولكن مبغيتش نعذبك..
محمود .. انتي بتقولي اييبه انا صعيدي يا بت و الصعايدة جدعان .. محبش الحتة بتاعي تقعد في مكان مش ولبد ..
ليالي.. يخليك ليلي حبيبي .. و شنو نقولو لهم لا دخلنا ؟

ليالي.. يخليك ليلي حبيبي .. و شنو نقولو لهم لا دخلنا ؟
محمود .. قولي لهم من طرف محمود ابو طالب ..و هيدخلوكي على طول ..
ليالي .. واو ،.حبيبي انا مشكوور ..
محمود .. قوليلي بحبك بالمغربي كدة ..
ليالي .. كنبغييييييييك يا احلى محمود ..
محمود .. اللللله يا عسل انتي هاسيبك دلوقتي عشان اتصل باللُّكنضااا .....ليالي .. اوكي روحي ..(قطعات التصال و ناضت كتنقز فوق الناموسية ..) يااااس يييييييس ههههههه
امونة (ضرباتها للمؤخرة ) ... مال مك قولي لنا شنو قال لك المخمووجة ..
ندى ..(وقفات كتنقز و تغوت معاها .. ) هههههه يااااي
ليالي .. ههههههه ( وقفات كتشوف فيها)مالك نتي كتنقزي ..
ندى .. هههه 😆 شفتك كتنقزب و نقزت ههههه
امونة .. الله يستر هههههه نتي غا لي بان لك كينفز نقزي معاه ..
ندى..(خرجات لها لسانها) وا قولي لنا خلاص اصاحبتي ..
ليالي ..(كتمشخر عليهم) غاتنووضو تجمعو قشقكم ليالي غاتجلسكم في اكبر فندق فيكي يا دبي .. على حساب حبيبي محمووود ..
ندى.. كدوي من نيتك .. غاتلاقاو معاه فيه؟
ليالي .. نو هو مسافر لتركيا عندو شي مشكل في فرع شركة ديالو لي تما .. مي غايوصي لنا الاوطيل ..
امونة .. واش لوطيل ديالو .
ليالي ..وا لالا الخرية غير زبون عندهم ..
ندى .. ياااي .. شتي يا امونة كنتي ضالمااه و الله صدق جدع كيف كيقوولو هوما ..
امونة .. و مع ذلك مامرتاحاااش ليه 😐 ..
ليالي ..(ضرباتها لراسها ) ..نتي عمرك غاترتاحي لشي حد😪..
ندى..( بدات كتسد فالبالز ديالهم لي ديجا مخليينهم مجموعين ..) يالله سربيونا ..
مشاو البنات جمعو حوايجهم و خلصو لوطيل .. شدو طاكسي عطاوه العنوان وقفهم قدام لوطيل.....
#يتبع🌸🌸