صديقات في الخليج 1 🍂مكتملة🍂

🍂الجزء 25🍂

🍾 صديقات في الخليج 🍾
🔥 بقلم : ♡ندى♡امونة ♡ليالي♡
♧♧ الجزء " 25
🚫🚫 لا يحلل النشر 🚫🚫
خرجو لبنات وخلاو ليالي نار شااعلة في قلبها ..ناضت صوبات التيلي لي تشتت ..وعاودت تاصلت بيه وكيف الاول تيليفونو غير متاح .....
....
وهبطات كل من ندى وامونة ...للاستقبال خلصو ليهم شي دفعة من لحساب ورجعو ..لريسطو ديال لوطيل طلبو فطور معتبر كيفطرو وشادين ناميمة فالبشر بلا بيها ماتحلا لماكلة...
ندى ..."كتاكل وتستبنن الطعم "...جاب الله كاين الله ..ودايرين هاد اوفر زوين تاع الفطور المجاني ..اما كوراه ناكلو لخبز والماا ...
امونة ...." متكية على لكرسي وفي ايدها كاس قهوة "..ومالو الخبز لما مااشي رااجل ...
ندى ...."شافت في امونة بخيبة امل وحطات المااكلة "...عرفتي شنو ...😒 ...بقات فيا ديك صكعة ..والله ..
امونة...."حطات الكاس وخنزرات فيها "...حتى انا بقات فيا ..ولكن هادي هي اخرة الثقة ..باش هاد المرة لي جاا عندكم وقال كلمة زوينة دفقو معاه ...واش ملقينا الخير حتى في لي لينا بقاا غا لبراني ...
ندى ..."هزة حاجبها "...اودي ما بقى ميتعجب ...دابا عرفاي شنو ..غنعريو على دراعنا ..."بغات تعصب امونة "..ولا على زكاكنا ...وحدة في زوج ..
امونة ..."جرات الكرسي وناضت ولكن قبل قالت ليها"..ايوا عريه ....لي عطا زكو لهلا يفكوو ...نيت ...
مشات وخلاتها ميتة بالضحك ..تبعتها كتجري ..وتحزر فيها ...على شحال عاد طلقات تغووبيشة .. وبعدها قررو يخرجو يجيبو دويرة.. وقفو حدا باب لوطيل باش ياخدو طاكسي حتي وقفات قدامهم واحد ليموزين فالبيض.. ركب فيها واحد الراجل بزي سعودي مع ليكاردكور ديالو حلو ليه وركب فيها وديمارات..
امونة.. "ردات لبال بلي داك الراجل طاح ليه لبزطام ديالو..تحنات هزات لبزطام ..وتبعاتهم كتجري وتعيط ..."..هيه ياشيخ واسي والعمالة...وا نم ..
ندى ...".كضحك"..اويلي بركة من شوها مالك..يسحاب ليك في درب سلطان ..تي مالك لاش تابعاه
امونة..."كتشوف فيها وهي معصبة "...والو عجبمي وتبعتو ناخد نمرة .."ضربتها ببزطام لراس ". طاح ليه بزطامو
ندى ...".خدات من عندها البزطام قلباتو ...شافت فيه سي فلوس وشيكات خااوين والبطاقة ديالو فيها ...حسن الدسووقي .."...هانتي ها هو اسموو ..ندخلو نسولو عليه ..
امونة.."شافت فالفيدور لي فالباب"..ندى اجي معايا.....سلام
الفيدور..."مربع ايديه وعامل نظارات كحلين ..وقااصح وعالي بحال جدار برلين "....
امونة..."كتعلي عنقها باش تدوي معاه حتى تعنزت "..خوية كتعرف داك راجل لي ياله ركب فديك ليموزين لبيضة
الفيدور...شو عم تحكي ..ما فهمت شي..
امونة ..."معصبة "..ندى ترجمي لهاد لخرا اش قلت تفو بحالا كندوي بجابونية ..
ندى .."جمعات ضحكة وشافت فيه وكدوي بالاشارة ".....بتسأاك عن الموسيو ..الي راح من شوية ..ركب سيارة بيضاا ..
الفيدور...."حيد نظاظررو وخلعنا بعينيه "..ليش عم تسألي في شي ؟؟..
ندى ..."تخلعت وبدات تفتف "..بغيت ليك لكي ..قفزتيني بداك صووت ..."شافت فيه "...بدنا يااه لازم نعطيه غرض ديالو يعني تبعو ..
الكارد ....اسمو ابو علي وهو المسؤول عن الاوطيل ...
امونة....سوليه واش كيكون هنا بزاف
ندى.....امتى رح يجي ..مواعيدو ...بيكون هون كثير ولا لا ..
الفيدور..هوي على طول هوون ....
امونة...شكرا اخوية(جرات ندى وكملات طريقها خشات لبزطام فالصاك)
ندى..."باستغراب"مالك علاش ماعطيتيهش البزطام..
امونة..مالك مكلخة بغيت نعطيه ليه بيدي شكون قال ليا غادي يعطيه ليه
ندى...علاش ناوية عاوتاني
امونة...والو ولله ماتيقيش فبنادم كنت ناوية نعطيه ليه والكن يقدر يطمع فيه.. راك شفتي شنو فيه ..
ندى...واخا اجي شفتي علي طوموبيل كنت كنشوفها غير فالتلفازة
امونة...ههه واييه زيدي نكملو علي طريقنا
ندى..مابقيناش غانمشيو فالطاكسي
امونة..لا نمشيو علي رجلينا حتي نكونو راجعين عاد نركبو فالطاكسي
ندى:اوكي اوجه الحبس ...
#يتبع🔥🔥
#صديقات_في_الخليج💃💃