صديقات في الخليج 1 🍂مكتملة🍂

🍂الجزء 16🍂

⚜صديقات في الخليج ⚜
🍫 بقلم : ندى .. ليالي .. أمونة ..🍫
الجزء 16
لا نحلل النشر أبدااا أبداااا 🚫 🚫 🚫 🚫 🚫
وجدو البنات رأسهم كل وحدة خذات لبيسة من اللبيسات و المكياج لي شراو ..
ندى .. لبسات غوب قصيرة فاللون الملكي .. بالكميمات جاية من الفوق فحال البينوار مبينة جزء كبير من صدرها التحت كلوش واحصلة لوسط الفخض مع طالون جنيفر فالأسود اللامع حتى هو .. مشطات شعرها و خلاتو على راحتو خدمات مكياجها لراسها دارتو خفيف فونديشن وكونتورينغ بينات بيه ملامحها العوينات دارت لهم كات ايلاينر و لسقات رموش مع العدسات فالگري بينو عينيها فحال المشيشة عمها دارت لو گلوس مات فالبني بارد خدات اكسيسوارت خفاف حلقات عرض و خاتم خفيف و رقيق فيه نجمات فالوسط فقط ..
أمونة لبسات جيب فالكري صيري معاها فايتة الركبة و فيها سنسلة بالذهبي من جهة السمطة .. مع ميني بوط ديالها تا هي فنفس اللون فحال السوتيام بلا درعين و دافعة السدر مبينااه أكثر .. خذات معاهم صندالة ديال الطالون مشبطة و طالعة على رجليه .. المكياج تكلفات بيه ندى دارت لها عكر الفونديشن و الكونتور لي بين معالم وجهها اكثر و اكثر ..خدمات لها فوق العينين فحال لون السندالة فالباج و الذهبي مع خط رقيييق تالأيلاينر و لسقات لها الرموش.. و عكر مات فالبوردو خرجاتها بشكل مختلف تماما ....
أما ليالي لبسات صاية من الستان صيري فوق الركبة فالغوز و دوني مبين لحمها كامل فالكرونة صدرو مفتوح عالاخر .. لبسات معاهم سبيبيط جينيفر بحال ديال ندى فالگرونة و لاحت فورير على شكل جاكيط فوق كتافها... شعرها كانت عاملة لو الرولويات حيداتهم خرج مبوكلي و طالع ..طلقاتو على راحتو .. و خدمات لها ندى المكياج .. الفونديشن و الكونتور لي لا غنى عنهم... بينوها أكثر .. ركزات لها على العينين لي خدماتهم بالكرونة و الأسود .. خط عريض من الأيلاينر و لسقات لها رموش لي بينو ديك النضرة الحادة ديالها أكثر .. دارت لها گلوس فالغوز غادي للكرونة. . بين لها شفايفها كبار أكثر...
ليالي .. الله الله ليوم نطيحو النص تالمغرب
ندى .. هاهاااااي و فين خليتي النص لآخر ابب ..
أمونة .. خلاتو لمرات خوك هههه😂
ندى.. تفو ذكرنا السمن و العسل و ماذكرنا مشوطة الرااس ..
ليالي .. وا زيدو زيدو راتعطلنا على الناس ..
أمونة .. خليهم يتسناو سرهم خارجين مع هاذ الزين كلو و مباغيينش يتسنااو
ندى .. هههههههههههاااي زيدي زيدي على ود حاجتك أما شيغي استحملي
ليالي .. احم .. عاتابري هاذ الليلة وداع لهاذ البلاد السعيدة..
ندى... التعيسة و نتي الصادقة..
أمونة .. زيدو زيدو ..شتي نتوما غاطيحونا فالزوبياا ..
كملو البنات تجهيز و نزلو يالله كانو غايشدو طاكسي حتى سمعو الكلاكسون من وراهم ..
ندى .. هاااء ماشي لوطو ديال زياد هاذي ..؟
أمونة .. هو هذااك راه داك مشوط الرأس كيشير. .
''اتجهو لعندهم ''
ليالي ..'' سلمات على أبو بكر'' كنا دايرين نتلاقاو فالبار لاش جيتو لهنا'!!
أبو بكر ..''باس لها يديها ''قلنا منعذبوكوومش. .
زياد ..'' خرج من السيارة شد فيد ندى كيضورها وكيصفر''اش هاذ الجمال .. اش هاذ الحلاوة ..
ندى .. يخليك ليلي عويناتك. .😍
زياد ..'' مد يدو باس يد أمونة '' كيف حالك الزوينة ..
أمونة .. ''ضحكات بزز و طلعات حجبانها''حامدولله 😒
أبو بكر .. تفضلو ..''نزل حل لهم الباب .. ..
دخلو البنات و اتجهو ديريكت لأكبر بار فكازا ..نزل أبو بكر فتح الباب جهة أمونة و زياد فجهة ندى ..
مشاو البنات مشادين فبعض و الدراري قدامهم حاضيين الطرماحات لي كيطلعو و ينزلو مع المشية... دخلو شدو البلاصة لي كانو حاجزينها بعيدة شوية على الصداع ..
زياد .. اممم ويسكي ..فودكا.. براندى ولا گين! ؟
أبو بكر.. نو نو شامپانيا اكيد .. خصنا نحنافلو بالبنات ..'' مد يدو شير على السيرفور..
أمونة .. حيدو من بالكم بلي حنا غا نشربو ..
زياد .. هههه علاش مكتشربوش! ؟
ليالي و ندى..طبعا لا ..
زياد .. هههه مزيان .. حسن ليكم .. اممم شنو نطلبو لكم
أمونة ..أنا ولا حاجة ..
ليالي .. باناشي☺
ندى .. أنا بحال ليالي ..
بقاو مجمعين و ناشطين زياد كان كيحاول يتقرب لندى فين ما تسمح ليه الفرصة ..حتى وقف أبو بكر ..
أبو بكر. . مغانشطحووش! ؟''مد يدو لليالي ..
حيدات ليالي الفورير و شدات لو فيدو داها لحلبة الرقص تبعاتها امونة حتى هي .. كيشطحو ويتلوا كاع العيون كانت عليهم ابو بكر مسكين دار خيمة فحجرو ..أما ندى كانت واحلة مع زياد فداك القنت بدى الشراب كيشد فيه بدى يتلمس فيها كل مرة تحيد لو يديه و يرجع ها عليها..