صديقات في الخليج 1 🍂مكتملة🍂

🍂الجزء 74🍂

😍😍 صديقات في الخليج 😍😍
بقلم ....امونة...ندى...ليالي ....
الجز____ء :..74
🚫🚫 لا يحلل النشر 🚫🚫
جواد...."شدها من شعرها"اقسم بالله.. كون ماجيتيني بنت ..حتي نخلط مك يحيرو فيك الطبة..
ندى...حيد مني يديك المكبوت اشماتة انت ماشي راجل...
جواد بدا كيتحكم فراسو غير بزز.. غمض عينيه ..تنفس بعمق.. ودفعها طاحت فوق الناموسية... وهو مشا لجيهة لخرا.. هز كاس وقرعة دشراب دار ليكيت فودنيه ...وبدا كيشرب كاس مورا كاس حتي ترفع...
ندى بقات فوق الناموسية كتسب وتلعن.... كتهضر غير بوحدها حتي غفات...من بعد ناض جواد لناموسية لقاها ناعسة... ولكسوة طالعة ليها حيد ليها صباط وغطاها بليزار... بقا شحال كيشوف فيها... وفملامحها والكن سرعان ماتحولات نضراتو لشر ملي تفكر تصرفيقة لي عطاتو... سبان لي كتخرج من فمها... ناضت مشا لجيهة لخرا وحيد تيشرت ونعس...😪😴....
.......
ملي خرجات امونة من سانسور.. كانت مرفوعة بقات كتمشا بالزربا حتي وصلات لسويت لي قال ليها. بوفرطوطو ...دخلات حتي لمحات يعقوب واقف كبفرج من لبالكون... وداير يديه موراه بقات كتحنحن والو مسمعهاش
امونة....حم حم سلام.... هيهو مسيو
يعقوب...."سمعها ودار"اهلين سمحي ليا ماسمعتكش كنت سارح....
امونة...سمح ليا ياكما برزطك وخرجتك من موودك 😌😌
يعقوب...لا لا مرحبا جلسي اصلان كنت نتسني فيك....
امونة....😊اه اوكي"جلسات وجلس قدامها"...
يعقوب...ماتعرفناش مزيان قبل..." ابتساامة "...
امونة.... "تنهداات وضحكت "....ماجابتهاش لفرصة وصاافي ...
يعقوب...."بدا كيضحك وصوت صدرو كيتسمع "... واخا انا عارف عليكم كلشي غير بغيت نعرف من عندك....نخلقوو جوو وندوزو لوقت ...
امونة......"حدرات راسها وتكلمات "... امونة فعمري 24 سنة .(...( عاودات ليه عليها وعلا لبنات كاع لي وقع ليهم بالتفصيل....
يعقوب....بزاف ديال لبنات كيطيحو فالفخ بسباب هاد لمجرمين كيتاجرو فاجساد الفتيات ....
امونة....سذاجتنا لي دارتها لينا وحتي طمع... كون رضينا بداكشي لي مكتب لينا لله وحمدناه وشكرناه ...كاعما نطيحو فيدين هاد لحيوانات حنا كنا كنقلبو علي لفلوس والرفاهية... كون غير كنا جاهلين ..غانقولو ماعرفناش ياحسرة كلنا قاريين والكن ماطلعناش واعيين... حيت ريح لي جا كيدينا واي واحد كيقول لينا شي حاجة كنتيقو فيه وكيديرها بينا ...
يعقوب...."كيريب على كتفها "...انشاء لله غادي يتحل هاد الامر.. وغاترجعو لبلادكم... وعتابروها تجربة مريتو بيها... واي حاجة دازت علي الراس كتنفع... مهم لواحد مايطيحش فنفس لغلط مرة خرا....
امونة... "بنظرة امل "...كنتمنا نخرج من هاد لعالم بأقل اضرا...ر حيت فقدت الامل.. كنحس بانكسار فالجوف ديالي ..كلشي فيا تكسر حتي روح لمرحة لي كانت فيا فقدتها... فقدت طعم الحياة... هدا ماشي علامنا وهادي ماشي طريقنا وماشي احلامنا.. ماشي هكا خططنا تكون حياتنا...
يعقوب...."حط يدو علي راسها"..امونة ماتشائميش اي واحد كيمر بتجارب خايبة فحياتو... منها كيستافد.. انتي انسانة قوية.. ماخاصكش تستسلمي بهاد سهولة... صحاباتك محتاجينك قوية معاهم باش تخطاو هاد لمحنة...
امونة....اقسم بالله الي هوما لي مخليني واقفة علي رجلي لحد الان.. هوما لي مشجعيني ومخلني كنحارب علي قبلهم...
يعقوب بقا سارح وكيشوف فيها بنضرات فشكل حتي طاح ليها لعجب
امونة...."بدات تشير قدامو حتى رجع لوعيو "....مالك اشنو وقع
يعقوب...لا والو غير كنشوف هاد الاصرار فعينيك.. كتفكريني ببنتي دايرة بحالك قوية ...وماكتستسلمش واي حاجة خططات ليها كتوصل ليها... عرفتي كتشبه ليك فشحال من حاجة وقدك قدها فالعمر هي كل حياتي وعلي قبلها انا عايش...
#يتبع🔥🔥