صديقات في الخليج 1 🍂مكتملة🍂

🍂الجزء 13🍂

⚜صديقات في الخليج ⚜
🍫 بقلم : ندى .. أمونة .. ليالي 🍫
الجزء 13 ..
لا نحلل النشر أبدااا أبداااا 🚫 🚫 🚫 🚫
دخلنا لقهوة خدينا واحد طبلة في لور المطعم.. حااضين نااس لي داخل ولي خاارج كنديرو ريااضة لعينين .....
ليالي ......(كتلوي واحد زغبة بايدها )...شوفو البنات ورااكم بلاما تعيقوو ...اووف حولهم كيقوولو الله يعطينا زهر الخيبات ....
ندى....(دارت تشوف ومنها تعيط على نادل ) ....عفااك ....(عملات ليه اشارة باش يجي وشافت على خاطرها )...ايواا اش غنقووليكم بينما عندنا الوقت شنو بان ليكم نمشيو يضربونا سبعة لموااج ...
امونة .....( كتشوف بنص عين ) ...بغيت لموجة ضربك نتي نويااها تنسيكم سميااتكم ..حشمت نسبكم لكاغسون جاي ...خليونا لمرة وحدة نبااانو كلاس ...
نادل ....(واقف باستقاامة عطاه م لموني )....مرحبا بيكم...
ندى ....(كتهضر مانتكة ) ربي يخليك ...هانتا اخويا حنا تايقين بذووقك اي حاجة عندكم زوينة جيبها ...
امونة.....(غمزتها ) ...اويلي ....(عاقت براسها ورقات صوتها ) ...زعمة مالنا على هادشي كامل عارفاني دايرة ريجيم ....(يالله بغات تدوي سهيلة وهي تعفط عليها )....خويا جيب لينا فطور كومبلي لي معلقين برا ..بثلاتنا بحال بحال ...(مشا نادل وهي تغوت ليالي )..
ليالي ....(كتعوج في فمها ) ..واش حتى نهار منفطرو بداكشي كناس تي مالك بدياي تحبسي من دابا ...
امونة....(باسلوب تهديد ) شوفي القحبة زنك ليها من دابا نتافقو (خبطات طبلة ) ...عندنا واحد نصيب تاع لفلووس ضربو وقيصوو نديرو احتيااطنا معارفينش اش كيتسنانا ...
ليالي...(حدرات راسها )...واخا ..يخ كون كانو عندي حتى انا شي حاجة تعت لفلووس مندربوش لحساب ...
ندى .....(خرجات فيها عينيها )..دابا هي مقاالتش هاد لكلام باش تبداي كون كان كين ...راه غا داوية خاوية لمهم ...امونة ضبرتي على لفلوس ...
امونة ....(عوجات فمها ) ..عيطت على هاديك لي سميتها ماما قلت ليها بغيت فلووسي لي خلالي با ..
ليالي ...(قاطعتها ) ..ايوا وشنو قالت ليك ....
امونة....(تنهدات ) قالت ليك (بضحمة استهزاء ) ..علاه ملي كبرتي حتال دابا باش عيشاتك وداك شي لي كتعطيني كل شهر راه منهم ....
ندى ....(مصدوومة ) ..اويلي صيدااتك ...
امونة....قولي خورااتني لمهم هللت عليها وبقيت نتعطا انا وياها وملي قلت ليها راه بعيتهم نعبر زلافتني ونهنيك مني .. عرفتو اش كان جواابها ؟؟
ندى وليالي ....شنوووو ؟؟
امونة ....(ضحكات حتى بانو سنانها ) ...يومين وتوجدهم كيجاااتكم ..
ندى ....اوديي لي شاف شي يقول الله يستر لمهم دابا حزن لوحوه ورانا ..عندي ليكم واحد بروكرام ليووم ...
ليالي ....(حلات عينيها على بابهم ) اما هوووو 😍😍
ندى ......(كتشبر بايدها ) ..غندوزو ليوم نهار كاامل في مركز تجميل كيعرفو زيااد ...عطااني واحد ليتيكي فيهم خصم خمسين في مية يعني غنخلصو شي حاجة قليلة ...
ليالي ....وعلاش زامل مخلصش داكشي لي بقاا ...
امونة . ...(قرصتها ) شنو بغيتيها تهز ليه رجليها ...هو كيشووفها كيبقى يحك فيه..
ليالي ....وانا نقوول ماالو واش كيقرصو ...ساعة لي شاف هاد لخير ينوض راسو ...
ندى ...ههههههه كاااينة ...
بقااو يضحكو لبنات ويقرقبو نام حتى تحط لفطوور كلااو بحاال اول مرة غيذوقو نعمة ...مخلاو حتى حاجة سالاو وتوجهو فين مخطين
#يتبع🔥