صديقات في الخليج 1 🍂مكتملة🍂

🍂الجزء 127🍂

🍫 صدیقاات فی الخلیج 🍫
♡♡ ندی...امونه...لیالی .♡♡
الجز__ء..: 127
🚫🚫 لا یحلل النشر 🚫🚫
مشات امونة وامین وليالي وخلدون لجردة... وبقا جواد وندى ناضت كتجمع فالطبلة ... شافها وناض كيجمع معاها دارت طابلية باش تغسل لماعن...
جواد...اش كديري "وقفها "
ندى...غانتحزم باش نشطح عندك شي مانع....
جواد..."بغضب"...ماكنتفلاش
ندى...راك كتشوف بعينيك بغيت نغسل لماعن... سير جلس معاهم خليني نتكونسونطرا ونغسلهم فراحتي "شعلات الموسيقي فالتيليفون وبدات كتغسل"...
جواد..."خدا من عندها طبسيل وحيد ليها طابلية وجلسها فوق الكرسي"...جلسي انا غانغسلهم طبيبة كتوصي بالراحة....
لبس طابلية وبدا كيغسل فيهم دارت هي يدها علي وجهها ...وبقات سارحة فيه كيفاش هاد الاهتمام الزايد... هادشي علا قبل ولدو تنفسات بعمق بقات كتراقب كل حراكاتو حتي سالة وهو يدور عندها... حيد طابلية كيهضر وماسمعاتوش سارحة وكتفكر...
جواد...هيهو فين سرحتي الحاجة..
ندى..."بأسى"..والو غير كنشوف هاد التغير المفاجئ وهاد الاهتمام زايد هادشي كولو علي قبل ولدك.. هادشي غير باقي ماشفتيهش طيحتي ليا لعجب....
جواد بقا كيشوف فيها وساكت عينيه كيقولو شلا كلام والكن هي.... ...ماكتفهمش لغة لعين حيت من عينيه غاتعرف كلشي... وقفات وتمات غادية حتي جرها عندو حط يديه علي خصرها.. ورفع وجهها بصبعو وهبط راسو عندها.. حط شفايفو علي شفايفها وغرقو فقبلة عندها معاني كثار هي غير قربات منو وشمات عطرو داخت وترفعات لعالم اخر...فهاد الاثناء خلدون كان جاي يجيب قرعة ديال لما حتي تصادف مع داك لمنضر مشا بجرا عيط ليالي....
ليالي...تامالك جارني اش واقع
خلدون..."بهمس"...هضري بشوية واجي تشوفي...
ليالي...اش غانشوف الله يشوفك لعما
خلدون..."ضربها لمؤخرتها"..تحركي وسكتي...
تمشات وهي كتحك ترمتها بلاصة الضربة حتي وصلات لباب ديال لكوزينة وهو يبان ليها جواد واخد ندى فحضنو.. وغارقين فقبلة ياله بغا تغوت وهو يسد ليها فمها وهزها ...
خلدون...مفسدة للحضات باغا تفسدي عليهم للحضة ...
ليالي...ويلي ويلي هادي هي ندى ويلي شوها هادو مالهم ليوم واكلين شي حاجة من غير الخبز...
خلدون...راه نتي لي معقدة ناس ضاربين الدنيا بركلة وعايشين الحياة كيتك نتي
ليالي...😏ممم واش هادشي لاش عيطتي عليا.....
خلدون...للاسف بغيت نشوف واش غاتحرك فيك شي حاجة...
والكن نتي داكشي كبير ماتعرفيش ليه
ليالي...ههه زيد فحالك لله يمسخك خاصنا نخويو هاد لبلاد قبل ماتفسدو لينا اخلاقنا اولاد لحرام....
خلدون..."كيضحك"..علاه هما ماكنوش مفسودين لعجب...
ضربها لراسها وتم راجع لجردة حتي قرعة دلما سمح فيها ههه .
🔙
جواد..."باقي شاد ندى من خصرها وضمها وهي بدورها معنقاه ..وغارقين فقبلة فرنسية للحضة بعد شوية وهو ينطق ونفس سخونة منو كضرب فوجهها"....اش بان ليك واش حتي هادشي كنديرو علي قبل ولدي ولا شي حاجة خرا....
ندى مرفوعة ماقدرة تنطق بحتي كلمة كتبلع ريقها وكنتفس بصعوبة ...لقرب لمسافة بينها وبينو ومع كل نفس كتستنشقها كتكون مخلطة بريحة العطر ديالو لي كتخليها بلا عقل... شافها مثوترة و تابثة مكانها وهو يرجع كمل علي لقبلة ديالو... هاد المرة تجاوبات معاه ...وبقاو مدة علي ديك لحالة حتي فاقو من لقلبة وجمعو راسهم ....جواد بدا كيحنحن مشا لثلاجة خدا قرعة شرب منها مسكين حلقو نشف.... ههه ندى حدرات راسها وتمات غادية لجردة وهو موراها...
لقاوهم مجمعين ليالي وخلدون غير شافهم رجعو شافو فبعضياتهم وهو يبداو يضحكو....
امين وامونة بداو كيشوفو فيهم بتعجب مافهمو والو جلسات ندى حدا امونة وجواد حداها....
امين...واش ياله ساليتو هادشي كولو كتغسلو 4 طباسل سكنتو عام...
خلدون..."كيضحك"....هادوك سالاو مع كلشي ماشي غير لماعن
ليالي نفاجرات بالضحك...
امونة...مالكم انتوما من صباح كتكركرو...
جواد...كيهروهم كٌراسنهم
...بقاو مجمعين قولها وضحك عليها وشي كيقشب علي شي خلقو واحد لجو زوين وودى بيناتهم بعيد كل البعد علي السوء التفاهم لي كان فاللول.... بناتهم هاد العشاء خلاوهم يتقربو ويفهمو بعضهم كثر... حيدو بزاف ديال لحواجز بيناتهم حتي لنص ليل عاد كل واحد مشا لبيتو ينعس ...ليالي مشات لبيتها وندى وامونة كدالك ..امونة دخلات دوش عمرات لبينواغ ودارت فيه لي بخودوي وترولاكسات ليالي كذالك دخلات دوش... ندى حيدات لكسوة وجمعات شعرها وتكات بلاصتها كتلعب فتيليفونها حتي سمعات لباب تفتح.... لقاتو جواد داخل عليها لا احم ولا دستور بدون سابق انذار تكا حداها وحط يديه علي كرشها وكتلمس فيها...
ندى..."تخربقات وحسات بالوجع مع لخلعة مع لفرحة كلشي تخلط".ياك لاباس...
جواد...والو باش اشنو واش ماشي من حقي نجي نطمأن ونسلم علي ولدي وماماه قبل مانعس....
ندى...وشكون عطاك هاد لحق....
جواد...عطاه ليا راسي هداك ولدي وهديك ماماه اش مشا ليك نتي....
ندى...وليتي كضحكني ولله حماقيتي
جواد...خلينا من هاد لهضرة انا... ماجايش نضارب ولا نتناكٌر..."ضربها لرلسها بشویه "...
ندى...ممم واشنو جاي دير...
جواد...باسها فمها وباس كرشها وناض"..جاي نقول ليكم تصبحو علي خير ونمشي...
ندى..."بتاسمات ليه"..تصبح علي خير حتي ولدك قالها ليك....
ناض بغا يمشي وهو يرجع...
جواد..."جبد شي حاجة من جيب"..اه هاهي ريحة لي قلتي ليا ...وقتما مانكونش حداك رشيها فالمخدة وعنقيها بحال الي معنقاني....
ندى حسات بالحرارة ولخجل دورات
وجهها لجيها لخرا وبدات كضحك....
جواد...زعما كتحشمي عارفك كتوحشيني كتر من لقياس....
غمز ليها وتم خارج..