صديقات في الخليج 1 🍂مكتملة🍂

🍂الجزء 120🍂

🍫 صديقاات في الخليج 🍫
بقلم....ليالي...ندى...امونةة...
الجز____ء :... 120
🚫🚫 لا يحلل النشر 🚫🚫
امونة... "ماا عاجبهاا حاال ودغياا جمعاات ضحكتهاا ..".. 😏غير قلت نوض نجيب ليك نمرتها بلاصة ماتبقا محن هنا....
امين..." دار شاافها فين كاينين عينيها .. ورجع دور راسو وهو كيبتاسم حيت عرفها غارت عليه"...ماعجباتنيش وزايدون كاعما شفتها كون ماوريتيهاش ليا انتي...." غمزهاا وبتااسم بجنب فموو "...
امونة..."...كتحكر على الموضووع "...اممم داك زين كامل ماعجبكش... وفين كنتي حال فمك فتيليفونها ولا فصاكها مثلا.....
امين..."ضحك من نيتوو على كلامهاا "... من نيتك امتي حليت فمي لله يهديك.."قرب كرسييه حداها"..راه قلت ليك انا ماعنديش مع داك تخلويط خاطيني لعواج... عندي غير ديريكت... اخر حاجة نديرها هي نتفلا على شي وحدة ونضحك عليها ...ماشي من شيم ديالي ..غير نتي راسك عامر بدوك النواع خلاوك تيقي بلي كاع الرجال بحال بحال..."داار ايديه على كتاافهاا"...
امونة..."بغات تعصبو شوية...وتشد فيه "..واش كتفلا عليا وانا بعيني شفتك سارح فيها...."كتبووحط في لكلاام زعمةة مقلقةة "..
امين..." فااهم حركااتها "..ماعندي ماندير بيها ..انا باغيك انتي ...انتي لي سكنتي هنا وعشتتي فيه.."شد يديها وحطها علي قلبو.."...امونة انا راه بصح كنبغيك... ماشي بغيت غير ندوز لوقت وداك تخربيق... لا ولله انا باغيك لزواج ..ومستاعد دابا فهاد الدقيقة نمشي نطلبك من عند صحاباتك.... ونتزوجو باش تعرفي اشنو نتي بالنسبة ليا ..بغيتك تكوني ديالي ليا انا.. بوحدي لي يكون ليا لحق فيك...
امونة..."عجبهاا كلاموو ....."..زواج لا ماشي دابا ...باقي لوقت علي زواج اصلان ضروف ماكتسمحش ولله...
امين..."حاول يبدل لموضوع ..حيث عارف عندهاا الحق...والوقت الحالي ميسمحش "....داكشي لي جينا علي قبلو كاعما درناه.....
امونة..."جبدات عينيهاا بتعحب "..اشنو كنا غانديرو....
جرها من يديها لحافة ديال ديال لبرج... كان منضر زوين تما كيطل علي لبحر... وعلى اماارة دبي كااملةة.. ومناضر اخرين ... ماقدراتش تحل عينيها وشداتها دوخة كتحس براسها غاطيح من تما والكن حلفات ماتبين لخوف ديالها.... امين عاق بيها وهو يخلعها دار بحال الي بغا يدفعها وهي مع لخلعة عنقاتو ولصقات فيه.... عجبو لحال وبقا كيضحك عليها.... ملي سمعاتو كيضحك كعات خنزرات فيه وهي ضربو فصدرو ودفعاتو من عليها والكن ماتزعزعش...... من بلاصتو غير ضيعات جهدها معاه ..."قلتليكم صور الصين العظيم "...
امونة..."كتقفز وتشووف في جنابهاا "...خلعتيني لله يعطيك غبارة....اووف..."ممتحكمااش في فمهاا لخلعةة داارتها " ...
امين..."شادها من خصرها وكيبتااسم بلاما يبين على سنانو " ..خوافة
امونة..."..الا نقط ضعفهاا مكتبغيش تبينهم "...ماخوافاش انت لي خلعتيني واش حماقيتي....
امين..."جرها عندو وعنقها...ودفن وجهو في عنقهاا" ...انتي لي غاتحمقني مالك متكبرة مالك... اشنو فيها الي قلتي من للول راك كتخافي من لمرتفعات ....
امونة..."مخرجةة عينيها في محاولة ليها باش تنكر "...انا....🙀..اشمن كنخاف راه انت لي خلعتيني....
امين..."تقاابل مع وجها وكيدوي بثقة "...انتي اكبر خوافة شفتها غير كدفعي ديك جبهة... كتخافي من سرعة ومن لمرتفعات وكتخافي حتي تواجهي مخاوفك حالتك صعيبة .... انا راه قاريك ملي عرفتينا غانطلعو ونتي مش علي بعضك... والكن حتي انا تعمدت نطلعك باش نسالي ليك هاد ستة لاروب ديالك ...ونشوف هاد لغرور ديالك فين غايوصلك...غير ديري فبالك بلي ماتقدريش دوزيها عليا... واقيلة نسيتي راسك معامن انا راه غير نشوف فعينيك نعرف اشنو كيدور فراسك ..."بتاسم بكبريااء "..
امونة..."تعصبات وبالسم لي فيها ضرباتو لصدرو مرة تانية"..وانت ملي عارف هادشي كامل لاش معدبني حتال هنا....
امين..." شد ايديها وبقى حاطها على صدرو"..الي باقي حطيتي عليا يديك... نهز مك نزف بيك من هنا.. تانيا ديفو منك انا بغيت نشوف فين حدك علاه اشنو فيها الي قلتي ليا امين مانقدرش نطلع راه عندي فوبيا من المرتفعات.. مافيها والو غير نتي كتصعبي الامور كتبغي تكبري عليا وكتنساي بلي انا من لمخابرات... يعني نشوف بنادم مرة وحدة نعرف من عينيه اش كيدور فراسو هادي ديريها فراسك المتكبرة ....
امونة..."بغات تعصب بلعاني..وهي الغلط راكبها من ساسهاا لراسهاا...وعارفةة كلامو صح ديال موت دصح..".. انا متكبرة واخا شكرا
خلاتو ومشات لبلاصة خرا ..بسرعة جاها من للور وعنقها باسها فعنقها تحت ودنها... حتي حسات بتبوريشة طالعة من صبعها صغير دورها عندو وسرح فعينيها...
امين..."بتحدى ..مصمم يحدهم ليها ". .ياله شوفي فيا وقولي ماكتبغينيش
امونة..."ضحكات وغمضات عينيها"...ماكنبغيكش
امين..."معوج فموو "...غشاشة قوليها وانتي حالة عينيك..."ضربها طرشةة خفيفة لوجهاا "...
امونة..."كترتب ليه في فحوايجو..وتدلع وتحلون "..انت غراضك غير فعيني اش كيقولو فمي ماكيهمش ياك ..."ضحكات وهي كتعسل في عينيهاا "..
امين..."بمكر...وهو دايب بحال شكلاط "...لا كلهم مزيانين غير عينيك كيقولو ليا لحقيقة ...وفمك كيحمق فالبوسان...
امونة..."عاودات ضرباتو فصدرو"...تفو ماكتحشمش...
ماحسات براسها حتي لقات راسها مهزوزة بين يديه....
امين..."هازها وهي معلقة فيه "..اشنو بان ليك نرمي مك من هنا ..ياك قلت ليك ماباقيش تحطي عليا يديك ..
امونة..."بخوف شادة فيه..وكترجف "...صافي صافي اخر مرة غير نسيت نزلني غانموت ليك....
امين..."حشوومة يدوز هاد الفرصة بلا ما ياخد حتى حااجةة..."..ياله اري شي بوسة ونهبطك....
امونة..."طاالبة سلة بلا عنب ..خطفات بوسة بالزربا"...ياله نزلني
امين..."طلع حاجب ونزل لاخر"...كتفلاي عليا اش هاد لبوسة وزايدون مابغيتهاش تما....
امونة...واش تصطيتي راه ناس حشوما...." كتشووف فيهم ..ساعة شكون تسوق ليك..."..
امين..."حالف بحلووفو ..حتى يخرجها منها كيفما معذبااه.."...حشوما مرت شيطان ولي عطاني مو يزيدني ختو... طلقينا قبل مانطلقك ...اش بان ليك...😉...
دار بحال الي غايطلقها حتي غوتات... وشداتو من عنقو حطات شفايفها وباستو...ففمو بووسة انثويةة خفيفة ظريفةة خلاتوو على شوية ويطيحوو بزوج من تم...احح ..
امين..."عاض علي شفايفو"..ممم دابا مزيان...اوي هكا نبغيك ديما تسمعي لهضرة....
امونة..."بقاات تملص ليه حتى نزلها "..لله يغبر ليك شقف غاتسكت ليا لقلب زيد نبدلو هاد لبلاصة....
امين..." كيقااد ليها في حواايجهاا لي تزلعو..."...خواافة لخرا ...
شدها من يديها هزات صاكها حتي هو تيليفونو ومشاو هبطو لغيسيبسون... يخلصو هي سبقاتو لبرا واقفة كتسناه وكتفرج فالناس حتي وقف عليها واحد لخليجي كيتزلل عليها....
الخليجي..."ريووقو مدلين...وهو كيشووف الفخااض ..ولبيووضةة دايعةة في برج العرب "...ياهلا شو هالحلاوة شو هالقمر...شوو هالجسم....."كيمرر لساانو على فموو "..
امونة..."دواات معصبةة "صباحاتو لله انت لي بقيتي ليا.....
الخليجي..."...مفهم حتى كلمةة من لي قاالت....".....ما فهمتج...يااغاليةة ...وضخي حكيج..
امونة..."..مشات لجهةة ثانيةة "..سير فحالك بدل سااعة باخرى .. سير لله يعرضك السلامة...
#يتبع🔥🔥