صديقات في الخليج 1 🍂مكتملة🍂

🍂الجزء 67🍂

🔥 صديقات في الخليج 🔥
♧بقلم ...♡ ليالي ♡ ندى ♡ امونة
الجز____ء : 67
🚫🚫 لا يحلل النشر بتاتا 🚫🚫
كانت كتنفس بالثقالة و ماكرهاتش طير عليه.. جلسو الشباب على الكانابيات قدام البنات و يعقوب جر كرسي و جلس قدام ندى .. شاف فجسمها لي كان كيرجف ما لقى ميقول لها شد فيديها شهقات و هرباتها بخوف ..طلعات راسها و شافت فيه ..
ندى .."تكمشات فليالي و عينيها كيف الجمر" ش..ششش.شنو بغيتي مني حتى نتا ..😭
يعقوب .. "عود شد فيديها و كيحاول يريحها" تخافيش مني .. اعتبريني فحال الأب ديالك .. ميمكنش نآديك ..
ندى .. "شافت وراه جواد لي كان متكي و كيشوف فيها مخنزر.. دوات معاه بشوية" قول ليه يمشي عافاك .. شوفتو كتعريني .. عافاك قول ليه يمشي مامتحملاش نشوف نظراتو ..
يعقوب .. اجي معايا ممكن ندوي معاك على انفراد ..
ليالي .. لا دوي معاها هنا .. حنا واحد لي يخصها يخصنا ..
يعقوب .. ممكن ماتدخليش الله يخليك .. كندوي مع ندى .. ندى اجي معايا .. كنواعدك غايكون غير خاطرك ..
ليالي .. "كتخزر فيه و ضاغطة على يد ندى "..😡
يعقوب .. ندى .. الله يخليك ثقي بيا ..
ندى ..
بوفرطوطو.. "نغز ليالي" تي خليها واش هاد الزين كلو يخافو منو ناس .. احاااي .. ..
ليالي. ."حمرات فيه عبنيها" ماشي سوقك😡🙏
ندى .. واخة .. ولكن بشرط .. ترجعونا فحالنا مامتحملاش نبقى معاه لبلاصة وحدة ..
يعقوب .. وعد .. غانهضرو و نوصلوكم
ندى .. واخة ..
طمنات ندى و أمونة بعينيها و ابتسمت ليهم و تبعاتو كتمشا بشوية و كتحاول متشوفش فجواد و خلات البنات كيشوفو فيه بنضرات كلها حقد ..
خلدون .."شاف ليالي و خزر" مالنا الأخت على هاد الشوفات مانخافوش .. ؟
ليالي .. عجبتيني مانشوفوكش😒
خلدون .. لا ديزولي عندي حبيبتي سويدية ماخصنيش..
ليالي .. "خنزرات فيه و طلقات ضحكتها المعلومة " هاهاااااي 😒 الخازن لي قطع البحر كيبغيها سويدية على اساس السويديات كيخراو القرفة😅
ايوب .. ههههههههه😂
خلدون .. و الخانزة لي شدات الطيارة كتجي تلاوح على السواعدة .. و اخرتها "طلع و نزل فيها" بففف😌
امونة .. لهلااا يحييك الخااانز بقاولناا غا البراهش تا هوما .. "شافت فأيوب" هادشي لاش جايبنا نتااا هاا .. جايبنا باش تمرمدو بينا الأرض ..😡
ايوب .. جلسي بلاصتو و ضربي طم بلا ماتزيدي تشعلي العافية .. خلدون كاالم اصاحبي ماجيناش نضاربو ..
بوفرطوطو .. "كيطل على ندى و يعقوب" ويلي نعلو شيطاان مالكم على هادشي .. اوف اوف هادو مالهم تعطلوو
ليالي .. "شافت فخلدون و عينيها مدمعين" باش نصحح ليك واحد المعلومة .. لي رماانا عند هاد الكلاب ماشي حيت هوما سواعداا.. الحااجة و الفقر و قلة الحيلة هي لااحتنا هنا ناهيك عن أحلامنا لي كانت كبر منا .. كناا كنحلموو نخدموو فاادومين ديالناا ماشي قحباات حتى لقينا راسنا مخطوفين و مسجونين و كنتهددو بحياتنا كل نهار إلى مانفذناش مطالبهم هادشي مغايحسووش بيه ناس بحالكم «ضورات راسها و مسحات عينيها »
ايوب .. «وقف قدام البنات» صافي ماكاين لاش هادشي كولو نقاش بسيط كبرتووه مسحوها فيا انا ..
خلدون .. اش غايمسحو فيك .. انا جاوبتها على قد كلامها مادويتش عليها دويت بصفة عامة .. و هي حبات تتنسبها لراسها ..
جواد .. سكاااات بربي و نسمع شي كلمة مزال تا نوض نخلط ديلمو هاد القلاوي كلو .. خرا سباحلله ..😡
كلهم ضربو طم كي سمعوه.. أما ندى وقفات هي و يعقوب فاليخت من اللور
يعقوب .."تسند على حديدات" .. انا عارفك متألمة .. مصدومة .. كتكرهيه ..
ندى .. "استنشقات كمية من الهواء" متصور قداش .. قلبي تحرق .. و تذليت .. كنت كنطلبو و نرغبو باش يخليني نمشي .. ولكن مرحمنيش 😖
يعقوب .. جواد شخصيتو فشكل .. سريع الغضب .. و هادشي بحكم المهنة ديالنا و داكشي لي كنشوفوه يومياا .. طبعا انا مكنقلبش ليه على عذر حيت داكشي لي دار ماعندو تا مبرر
ندى .. و شنو بغيتيني ندير انا دابا ..
يعقوب.. نتي بحاجتو يخرجك من هاد الوسخ و هو كذلك بحاجتك باش يقبض على العصابة هاد الكره و الآلام لي كتحسي بيهم مغاينفعوك باولو .. خصك تقاومي باش تبعدي على هادشي ..
ندى .. بغيت نبعد .. بغيت نمشي لبلاصة مايعرفني فيها تا حد .. بغيت نكون فقط مع خواتاتي .. هادشي لي باغا من الدنيا .. مكيهمنيش نلبس مزيان ولا يكونو عندي الفلوس مكيهمش فقدت كولشي ما بقى عندي تا حد .. لا اب لا ام .. تا الاخ لي عندي .. مابقااش .. عندي غير أمونة و ليالي .. نفديهم بروحي ..
يعقوب .. ها نتي بديتي كاتفهميني .. نتووما غاتعاونونا و كنواعدك كلام رجال غانخرجكم من داك المستنقع ..نهار نعرفو الجوفا ..
ندى .. كلام الرجال ...ههههههه..😏 شكون هاد الجوفا ..
يعقوب .. دابا غاتعرفي .. بغيت تواعديني .. تحاولي تفاداي جواد .. ماتستفزيهش بكلامك مادويش معاه نيت كااع غير سمعي شنو غيقول ..
ندى .. ياعني نشوف فيه و نتجاهل داكشي لي دار فيا .. منقدرش .. كل ما كنشوفو كنحس بجسمي كيتحرق ..
يعقوب ...حاولي .. نتي شجاعة و تقدري تخطاي هاد الازمة .. و انا غانوقف بجنبك و نحميك .. قلت لك اعتبريني بحال الأب ديالك .. اش قلتي ..
ندى .."طلعات راسها السماء و تنهدات" واخة .. موافقة ..
يعقوب .. "ابتسم ليها و عنقها"..حاسبو معايا مزال ما كمل .. اجي باش نشرحو لكم شنو غانديرو ...
#يتبع🔥🔥
#تفااعلوو😡😡😡