صديقات في الخليج 1 🍂مكتملة🍂

🍂الجزء 106🍂

💋 صديقات في الخليج 💋
🍇 ليالي ...ندى...امونة..🍇
الجز____ء : 106
🚫🚫 لا يحلل النشر 🚫🚫
من ماخرج بوفرطوطو وليالي من بيت ..ناضت امونة...كتخبط برجليها حتي وصلات لدوش ...غسلات وجهها ومشطات شعرها... شافت دراعها لقاتو مجلخ بالدم مسحات جرح وعقماتو دارت ليه فاصمة وهي كتنعل وتسب فداك سكايري.... مشات لماريو خدات اول دو بياس لقاتهم ومعاهم لكاش مايو..... دارت شوية ديال مكياج قدات شعرها ...وخرجات لقات ليالي وندى واقفين قدام لباب .... وحدة تنسيك فالخرا ...صبحو على بعضياتهم وحدة تبوس لخرا ....شدو فبعض ... وتمو هابطين كيضحكو حتي شدات ليالي لامونة فدراعها ووعتاتها
امونة:..."بألم"...اح وعتيني...غا بشوية ☹☹
ليالي..."دارت يديها علي فمها بالصدمة"...مالك اشنو وقع ليك..؟؟
ندى..."مخرجة عينيها"...مالك اامونة ياك لاباس...شكون دار فيك هاد الحالة ..؟؟
امونة..."بإبتسامة مصطنعة"...لا والو احبيباتي غير لبارح مشيت نشرب فالضلام وجرحاتني لحاشية ديال لباب غادة بحال لبقرة غير كنشتف........."كتحاول تلطف الجو"...
ندى..."تيقااتها"....اوي بقاي تردي لبال لراسك ...جرحة خايبة ياختي...😩
امونة..."كضحك"...لا لا ماش شي حاجة مالك نتي بنتي ليا صفرة اش عندك.....
ندى..."بابتسامة"...والو راك عارفة ملي كتبغي تجيني ديك لقايدة كطيح ليا لمورال.......
ليالي..."جراتهم"...الا طاح هزيه....وزيدو خلاص ماكتساليوش من لهضرة راه الي ماتلاحيت دبا فالماء غانعواج ليكم هنا.....🤣
ندى...زيد الفقمة زيدي....ياا هاايشةة البحر...
تمشاو كيضحكو وصلو لبحر لي كان قدام لفيلا ديريكت... لقاو بفرطوطو كيتصور ويتبوزا ...ليالي غير شافت لما وهي تمشي كتجري مرة وحدة.... ودخلات تعوم... امونة جرات بوفرطوطو حدا واحد الجرف ....وقالت ليه يصورها دارت بانت ليها ندى غادا سارحة وهي تعيط ليها بجهد......
امونة..."بالغوات "...فين غادية القردة اجي تصوري معانا.....
ندى..."بابتسامة"...بلاتي واحد شوية نسرح رجلي ونرجع عندكم......
تفرتكو لبنات كل وحدة اش كدير ليالي دخلات حتي مابقاتش كتبان نعسات.... علي ضهرها ...وغمضات عينيها وترخات حتي حسات بشي حد جرها. من لتحت نقزات وبدات كتغوت وضرب بالما..... وخلدون ميت عليها بالضحك غير شافتو وهي تخنزر.....
ليالي..."بغضب هازة خنافرها لسماا"...واش طايح علي راسك انت خلعتيني تفو....😠
خلدون..."ميت بالضحك على شكلهااا "...مزيان باش ينقصو منك لكيلوات راه لخير عندك غير مدفق ....ودااكشي..اخخ خليني سااكت...
ليالي..."بنضرة مستفزة عيبات فيه "...كنتي هاز عليا لقفة لله يستر....
خلدون...."بنضرة مامفهوماش"...ماكتعطليش لواحد لجواب عندك علي طرف لسانك دغيا كتعطيه.....
ليالي:..."كضحك باثاارة "...لعما خمسة ولخمامس وشبة ولحرمل فالكمامس ....شافني ربي بملوكو ماشافني عبدو مشرط حنوكو....
خلدون..."كيضحك ضحكة جانبية"...شفت حتي عيت فالبنات ماشفت بحال خليقتك.... سبحان لخالق
ليالي..."باستفزاز كتشووف فيه وهي كتدير اغراء بعويناتها .."...تبارك لله عليا... اش كتعرف علي لمغربيات....
خلدون..."كيعض على شفايفو "كنت كنحماق عليهم غير شفتكم كرهتوني فيهم خصوصا نتي...😌
ليالي..."😑ضيقات عينيها"...وجهك هداك ولا قفاك ...شووف زين وكلشي كيتحاكا علي جمالي... حسن منك ودايرين صف عليا كيتسناوني غير نديها فيهم......
خلدون..."غطس راسو في الما وطلعو "...وصارحة ديال لله هو لي شافك تعجبيه ...ولكن داك لسان عندك خاصو يتقطع من جدر... كون كانت عندك حلاوت لسان مع هاد زين..."عض فشفايفو".. ااح اقلبي.....
ليالي..."بدلع"...وينو علي زين ديالي... اشنو بغيتني نعنقك.. ونتحلون عليك بحال هكا..."بدات كتقرب منو وكدوز يديها علي جسمو دوخاتو بهضرتها حتي تحل سيد زيرها من خصرها وجرها عندو وهي دفعو....
ليالي..."بمكر بعدات عليه "...حيد يديك اسي شفتك تيقتي راسك ..انا غير بغيت نوريك بلي داك تحلوين كلنا كنعرفو نديروه... والكن غير مع لي يستاهل ماشي من ولا يسمع كلامي لحلو...غمزاتو😉....
خلدون..."قرب منها"...زعما حنا مانستاهلوش شوية من هاد لحلاوة عندك ...غمزها حتي هو...😉....
ليالي..."بمكر"...بلاتي نشوف واش تستاهل ولا لا....
..."بدات كطلع وتهبط فيه وعاضة علي صبعها بطريقة مثيرة"...للاسف ماتستاهلش سغتو شي وحدة بحال لجمال ديالي... انت تستاهل غير ديك سويدية لي فارع لينا بيها مخنا نهار وليل... فين خليتيها وجيتي لاسق فيا انا.......
خلدون..."بغا استافزها"...مليت من لمنتوج الاجنبي قررت نجرب المنتوج المحلي 😂....
ليالي..."خنزرات فيه"...لمنتوج لمحلي صعيب عليك كيعرفو ليه غير رجال...اوي سير خليني نعوم فخاطري بلا ماديرونجيني......😡
خلدون..."كيضحك"...ديما كنتسأل مالك معايا اشنو هو لمشكيل لي بيناتنا بالضبط ....علاش ماكتحملينيش
ليالي... "دارت فيها مصدومة "...اناااا...."وهي تدوي بجد "..سبحان لله لعضيم كيما ماكتحملنيش.... ماكنحملكش فيها شي عيب ...ولا خصني نحماق عليك ولا اشنو بالضبط....
خلدون...انا ولله ماعندي شي موشكيل معاك نتي... ودوك جعواقات لي بديتو بالحرب لسانكم بحال سيوفة زعما لا يمث للأنوثة بمرة...لفم لي يقول زمر يقول ثمر......
ليالي..."خنزرات فيه "...اولا حنا ماشي جعواقات ...تانيا انت وداك لمعقد لي بديتو بسبان.... وبديتو كتغلطو وطعنو فشرف ديالنا... كيفاش بغيتنا نردو عليك ياكما بغيتينا ناخدوك فحضنا ونطبطبو عليك.....
خلدون..."كيضحك"...ماكرهتش خوديني فحضنك وطبطبي عليا كنحس بالحرمان لعاطفي.... فهاد للحظة وزايدون داك صدر غير ضايع غاياكلو غير دود للهم نستافد منو....
ليالي..."رشات عليه لماا "...باز ليك ولله انا كنهضر بجدية وانت كتبرهش عليا عرفتي غانمشي فحال حسن....
خلدون..."شدها من يدها"...لا بصح خلينا نديرو هدنة ونخليو هاد لخلافات تافهة ورا ضهرنا ...ونبداو صفحة جديدة....
ليالي..."باستفزاز"...ماعرفتش خليني نفكر شوية ديال لوقت.....
خلدون...نخليك تفكري مالي طالب منك زواج طايحة علي راسك.....
ليالي..."نفاجرات بالضحك"...تفو ماكتعرفش لضحك ولا منين تجيه يخ مهم احسن حاجة نعقدو هدنة... حيت انا حلقي حفا بكثرت النكير معاك ياله خليني نعوم فخاطري....
......
فمكان اخر فالبحر كانت ندى كتمشي ببطئ وهايمة فالتفكير...دموعها حارين علي خدها... كان جواد كيراقبها من لبالكون ديال لبيت ديالو... ماحس براسو حتي ساقوه رجليه لعندها... لقاها جالسة كترسم فالرملة وكتبكي....