صديقات في الخليج 1 🍂مكتملة🍂

🍂الجزء 135🍂

🍫 صدیقات فی الخلیج 🍫
بقلم....لیالی ...امونه...ندی...
الجز___ء : 135
🚫🚫 لا یحلل النشر 🚫🚫
ليالي..."ضيقات عينيها"...مممم لله يجعلني نتيق
خلدون..."بابتسامة مستفزة"...ماكنتش عارفك احبيبة كتغيري عليا
ليالي..."بغرور"... لله يعطيك حبة شفتك عشتي الدور وتيقتي راسك نغير عليك كاعما حشمتي باش حستي منين نطقتي ديك لكلمة
خلدون..."مفرشخ بالضحك"...حسيت بالحزقة...لله ينعل جدك راه غير كنضحك معاك
ليالي...اوي سربي احنيني راه فيا جوع حتي لغدا مامغدينو
خلدون...كتموتي علي كرشك
ليالي...ومالك باغيني نموت عليك انت
بقا كيشوف وكيضحك وهو فنفسو ماكرهش بصح تولي كتموت عليه كسيرا مرة وحدة لبلاصة فين داير مع امين لقاه كيتسناه فطوموبيل
امين..."هبطو من طوموبيل"...تعطلتي ازمر كتمشي علي لبيض
خلدون..."ضربو لصدرو"...انت لي كطير مسابق مع بناني
تمو داخلين امونة شدات فامين وكتهمس ليه
امونة..."ضرباتو فكتفو"...ياولد لحرام كترجل عليا غير انا هاهو ضربك وماقلتي ليه والو
امين..."كيضحك ضربها فترمتها"...كاين فرق...هو ضربة ديالو كاعما حسيت بيها والكن نتي ضربة ديالك كتزعزني من داخل اححح اقلبي
امونة..."كضحك"...لله يمسخك زيد دخل زيد
شدات فيه ودخلو كانت بلاصة زوينة عبارة عن ملهي ليلي راقي restaurant lounge_bar ديكور زوين كيحمق جا النادل داهم لمكان فين غايجلسو...طلبو داكشي لي غاياكلو وبداو كيتعشاو...من بعد ملي كلاو طلقات موسيقي ليالي جاتها دودة عاوتاني تهاوشات
ليالي..."واقفة كتشطح"...امونة نوضي نشطحو بلييز
ياله بغات تجاوبها وهو يهضر ليها امين فودنها
امين..."كيهمس"...جربي احبيبتي تنوضي ولله حتي نحش لمك ركابي
امونة..."شافت فامين"...ولله مافيا ماينوض باركة غير تمارة ديال صباح سيري شطحي بوحدك
ليالي...تفو عليك خلدون نوض نوض تشطح معايا
خلدون..."كيضحك"...طلبيني مزيان
ليالي...لله يمسخك لهلا انا غانوض بوحدي لهلا ينوضكم
ياله بغات تنوض وهو يشدها من خصرها ومشاو لوسط كيشطحو حماقو بالمزيان خلدون عجبو لحال وهو شاد فليالي وهي قريبة منو وكتلوي عليه.... لصقات عليه وقتما يقول ليها ياله نجلسو تقول ليه غير هاد الاغنية ....ندماتو علي النهار لي وافق يشطح معاها ويدير ليها خاطرها هادي هي ليالي الي طلقات لموسيقي كيشدوها هوايشها ويشدوها صحاب لحاال
امونة جالسة كتفرج فيها وكضحك عليهم حتي صونا تيليفونها كانت ندى ناضت باش تخرج تجاوب وهو يشدها امين فيديها
امين..."بتعجب"...فين غادة
امونة..."وراتو تيليفون"...نايضة نجاوب ولا حتي هو بلاش
امين..."كيضحك"...سيري سيري
خرجات لبلاصة كالم شوية وجاوبات سولاتها ندى فين كاينين نعتات ليها عطاتها لعنوان وقطعات ياله تمات داخلة حتي تزدات مع امين
امين..."شدها من خصرها"...فين تعطلتي
امونة..."بابتسامة"...من نيتك 2 دقايق هي تعطلت
امينة...دازت عليا بحال عامين
امونة..."جراتو من تيشورت ديالو" عارفاك غير قول صحاب ليك غاتلقاني مع شي واحد داك شك غايقتلك
امين..."بجدبة"...نو ولله ماكنشك فيك...غير كنت خايف عليك توقع ليك شي حاجة ولا يتبسل عليك شي واحد
امونة..."عنقاتو"...يخلي ليا لي كيخاف عليا
امين..."هيز يديها بجوج باسهم"....غانبقاو هنا
امونة..."ابتاسمات ليه"...ياله ندخلو دابا يصحابهم ماعرفت فين مشينا
جراتو وتمات داخلة جلسو بلاصتهم ليالي وخلدون باقي كيشطحو ومنساجمين مع بعضياتهم واحد شوية دخل جواد هو وندى
جواد..."حط سوارت وتيليفون فوق طبلة وجلس"...ينعل جدكم كاملين داك لمشقوف لاش دايرينو ناس غير باش يجاوبو فيه سبعين مرة كنصوني حتي زامل فيكم ماكيجاوب
امين..."هز تيلفونو لقاه بغا يطرطق بليزابيل"ههه ولله ماسمعتو داير ليه صيلونص
جواد...وداك زامل لاخر فين هو
امين..."كيضحك"...راه كيشطح

ندى..."بفرحة"...انا غانمشي نشطح مع ليالي واااو
جواد...."جرها من يديها"...جلسي لارض شطيح واعر عليك
امونة..."دخلها شك وبدات كتهضر ببرود"...شطيح واعر عليها من نيتك اجواد...شطيح هو لحاجة لواحيدة لي تقدر لبنت تخرج بيه الطاقة السلبية لي فيها وهو لي غايساعدها تحسن نفسيتها علي ما أضن هادشي الي كان هاد لمرض النفسي لي كتعنيوه هو لي كنعرف
جواد بدا كيشوف فامين وساكتين
ندى..."توثرات وحاولات تبدل لموضوع"...امونة علاش مانضتيش تشطحي مع ليالي
امونة..."بابتسامة مصطنعة"...مافياش عيانة
بقاو ساكتين شوية ليالي شافت جيهتهم لقات ندى وهي تمشي كتجري عندها وتغوت جراتها من يديها وبداو كيشطحو...بعد مدة حسات ندى بشوية ديال لعيا ورجعات جلسات تبعاتها ليالي وخلدون
جواد..."بعصبية"...شفتي اش كنقول ليك كطيري مع طيور
ندى..."بهمس"...وصافي بلا شوها... شطحت غير شوية اصلان راه مزيان ليا نتحرك شوية غير انت كتزيد فيه
جواد..."مطلع حواجبو"...زايداها بتخراج لعنين غاتسكتي ولا نعوج لختي ديك لكمارة
ندى..."كتضحك"...ماتقدرش ههه
جواد..."طلع فيها ونزل"...لله يستر
خلدون..."كيشوف فيهم"... عظم الله اجركم لله يرزقكم الصبر...واش جالسين فعزا ولا اش هضرو ضحكو اصاحبي دايرين بحال الي معروضين لجنازة
امين...مالنا كيف جيناك هاحنا مجمعين ولا نوضو نزغرتو باش تهنى
جواد...واقيلة نوضو نتحزمو ونشطحو ليه باش نبانو ناشطين
ليالي..."كضحك"...ياااه علي معقدين
خلدون...ههه خليهم واحد شوية يبانو ليك كينوحو قراو لفاتحة علي روح لمرحوم امونة حتي هي حاطة يديها علي حناكها وكتخمم بحال الي مايت ليها الراجل ومخلي ليها لياتامة الله يعاونك عليهم اختي...
كلهم دارو كيشوفو فأمونة
امونة..."كضحك"... ههه صافي غير انا لي بقيت ليك طلعها عليا
امين...صافي داز علي كلشي ووخرك نتي ههه
#یتبع🔥🔥