صديقات في الخليج 1 🍂مكتملة🍂

🍂الجزء 132🍂

🍫 صديقات في الخليج 🍫
بقلم.....ندى...امونة...ليالي...
الجز___ء " 132
🚫 لا يحلل النشر 🚫

كملو لبنات فالتدريبات ديالهم وكمل عليهم خلدون معاون مع امين عليهم
ليالي..."عيات"...ولله الي حيلي تهد حرام عليك اامين زعما كنقول انت ضريف فيهم طلعتي انت شرير فيهم
امين...انتوما ماكينفعش معاكم ضرفات من ليوم هادشي لي غايكون غاتضاعف مدة التدريب هاد المدة كلها كنت متساهل معاكم فيها والكن عيقتو مابغيتو تشدو حتي شي خاحة دابا غير غاتقادو ولا نقادكم بمعرفتي
ليالي..."كتسوط"...لله ياربي مشيت فيها الي دوزت هادشي كل نهار محال نبقا نبان
خلدون..."كيضحك عليها"...بالعكس ياله غاتقادي مزيان انتي عاطياها غير لماكلة والنعاس
وهما فعز المعانات ديالهم دخل جواد وندى كيتفرجو ليهم
جواد..."كيهمس ليها"...شفتي ولدي مناش عتقك
ندى..."دايرة يديها علي فمها وكضحك"...ويلي غايقتلهم مساكن ماشي ديال هاد تمارة
جواد...كنتي غاتكوني معاهم حتي نتي حفضك الله
بوفرطوطو كان خدام بنيتو حتي شاف فالقنت ندى وجواد مجمعين وبقا فيه لحال
بوفرطوطو..."بعصبية"...ولله حتي خريتو اش هاد لفرزيات كيفاش زعما حنا نتمرمدو هنا وهي تبقا مجمعة وكتمعشق ليا تما ولله الي عيقتو اش هاد لوجهيات يانتمرمدو كاملين يانوقف هاد لخرا ونمش نتقاود فحالي ماخصني بتمارة
لبنات كلهم دارو لبلاصة فين جالسة ندى وجواد
خلدون...ندى راه مريضة
بوفرطوطو...مريضة بالزمر هاهي صحيحة فصيحة كي جمل انتوما لي كديرو لوجهيات
امين...اشمن وجهيات ولا زمر سيدة مريضة وطبيب عطاها الراحة حتي تحسن حالتها وتبدا معانا
بوفرطوطو..."زاد فالصوت وتم غادي"...حتي انا مريضة عندي لباسر وتبول لا ارادي غانمشي نتقاود فحالي هاد لفرزيات ماعنديش معاهم يخ لاطاي ديالي خاسرة عليها زبالة لفلوس باش نتمرمد هنا
خلاهم كيشوفو ومصدومين خرج وردخل لباب امين وخلدون نفاجرو بالضحك ليالي كتشوف فامونة لي ماداخلش ليها هاد لقصة ديال لمرض ونفسية لراسها حسات بلي كاينة شي حاجة ...حاولات تسوس داك تخربيق من راسها وكملات علي التدريب ديالها...ماسالاو حتي غفر ليهم لله دنوب
امونة هزات قرعة لما شربات منها وخوات نص علي وجها هزات فوطة وخرجات هي وليالي....مشاو لحصة ديال خلدون دازت حتي هي اكفس من لحصة للولة حالفينها فيهم ليوم... جواد شافهم عيانين وهو يعفيهم من حصة ديالو ليوم من بعد ويعوض ليهم خلاهم يمشيو يرتاحو...ليالي تمات خارجة وهو يبعها خلدون كيجري
خلدون..."كيعيط"...وا بقر هولاندا تسناي
ليالي..."بعصبية"...اش بغيتي لاش تابعني
خلدون..."كيضحك عليها"...لله لله يامسكينة شوفي كيف ولتي حمرة بحال ماطيشة دار فيكم خير داك امين تحركتو شوية غير بقيتو فيا مابغيتش نفورصي عليكم حتي انا ههه
ليالي..."كتعيب فيه"...مسكين قلبك حنين اشنو بغيتي
خلدون..."كيحك فراسو"... غير بغيت نقول ليك واش نمشيو نتغداو انا وياك برا
ليالي...لا عيانة مافيا مايخرج واش ماشفتيش هاد تمارة لي دوزت تقول غانحرر فيليسطين
خلدون...ههه فيليسطين فكرتيني فواحد النكتة نعاودها ليك
ليالي..."عوجات فمها"...عارفة دوك نكات ديالك عاود عاود
خلدون...قالك هدا واحد الراجل تزوج واحد الاخوانية وقتما كيبغي يقيصها ولا يبوسها كتقول ليه حرام حرام فاليل كيجي معول يطحنها كيلقاها كتصلي قيام ليل كينعس كاعي واحد نهار جا لدار قال ليها عرفتي اشنو دارو فالخطبة ليوم قالت ليه اشنو قال ليها قال لفقيه بلي اي علاقة حميمية بين الراجل ومراتو كتعتابر دفاع علي اخواننا في فلسطين وكنحاربو بيها العدو الصهيوني بالنية سيدة تحمسات وولات وقتما دور دورة تنعس معاه مابقاتش كتريتي وقتما شافتو طيح عليه حتي عيا سيد تحشو ليه الركابي واحد نهار مل ونعس فالصالون وهي تعيط عليه والعربي واش ماغاتجيش نحاربو العدو كيما قال لفقيه قال ليها سيري تقادوي لا نتي لا داك لفقيه واش لعربي غايحرر فيليسطين غير بوحدو ههه
ليالي..."نفاجرات بالضحك ضرباتو فكتفو"....حامضة لله يمسخك عقلك عامر غير بقلت لحياء
خلدون..."كيضحك"...دابا اشنو قلتي نخرجو نتغداو برا ولا لهلا ينفس عليك
ليالي..."خنزرات"...لهلا ينفس عليك انت نيت عرفتي...اشنو غادير سر مك غير لي يبروفيتي فيك دابا انا غانمشي ندوش ونعس وملي نفيق نخرجو نتعشاو اش قلتي
خلدون..."بمكر"...اوكي مشات اجي ياكما نمشي ندوش ليك راك عيانة
ليالي..."خلاتو ومشات"...لله ينزل عليك النعلة الممسوخ
بقا كيشوف فيها وعاض علي فمو ويديه فوق شعرو حتي غبرات عاد مشا دخلات هي دوش ...كدالك امونة طلعات لبيتها ودخلات دوشات ندى بقات مع جواد كيتمشاو فالجردة
ندى...عرفتي تخنقت جواد ممكن نطلب منك طلب
جواد..."بابتسامة"...طلبي خودي راحتك اي حاجة بغيتها قوليها
ندى..."بفرحة"...اشنو بان ليك نمشيو نتغداو علي برا منها نبدلو لجو تخنق
جواد..."بغا يعصبها شوية"...عطيني مهلة يوماين نفكر ونرد عليك
ندى..."رفعات حاجبها وضرباتو لكتفو"... تفو انا لي حمارة كنتحاور معاك
جواد..."جرها حتي لصقات فصدرو وزيرها من خصرها وكيزيد يقربها ليه كثر"...غير ضحكت معاك سيري لبسي حوايجك 10 دقايق نلقاك قدام لباب نمشيو فينما بغيتي
ندى..."ارتابكات عاوتاني وتسرطات ليها لهضرة كون ماكاان شاد فيها كون طاحت علي طولها بقا مدة شادها نسا راسو حتي نطقات"...حم حم واش ماغطلقنيش نمشي
جواد..."حس براسو ابتاسم ليها وخطف بوسة فجبهتها وطلقها
مشات كتخبط فالمشية بالتلفة هو كيشوف فيا وكيضحك تنفس بعمق ومشا يلبس حوايجو طلعات هي لبسات حوايجها ومشات عند امونة لقاتها دوشات ومتكية فبلاصتها.