صديقات في الخليج 1 🍂مكتملة🍂

🍂الجزء 146🍂

🍇 صدیقاات فی الخلیج 🍇
بقلم....لیالی....امونه...ندی..
الجز_____ء : 146
🚫 لا یحلل النشر 🚫
....بقات كضحك عليه دوزو ولوقت وهوما مرة مدابزين مرة مصالحين واخا امونة 70 مطرقة فراسها حتي جا بوفرطوطو كيتعوج
بوفرطوطو...واداك روميو وجولييت نوضو تعشاو واش انا غانقابلكم كل قحبة نلقطها من عند واحد عيقتو القحاب
امين..."خنزر فيه"... هادا هو لي معلمك هاد سبان كولو
بوفرطوطو...(كيتعيوج)وحياة عينيك... امونة ملكة العالم فالسبان وتغراق الشقف واش هادي محتاجة شي حد يعلمها
امونة..."كضحك"...سيري لله يغرق ليك شقف ديما مشوهانة هاحنا جايين بغتك تاكلي فيه جغديد انشاءلله
مشا بوفرطوطو وتبعاتو امونة وامين لقاو كلشي مجموع فالطبلة واحد كيخنزر فواحد خصوصا امونة لي كادير فجواد وندى شي شوفات حارين علي اثرهم توثرات ندى مابقاتش كتشوف جيهت امونة
بوفرطوطو..."مسكين كيحاول يلطف لجو" اويلي عزا هدا الداعيش ملي كيكونو كيوجدو فشي تنوعيرة كيضحكو
جواد..."بغضب"...كول انت وسكت بلا ماتزيدنا بصداعك
امونة...بغات غير منين دوز ليه"...وانت مالك شغلك هي بغات تهضر فمها وحرة فيه اش مشا ليك انت
جواد..."كيحاول يتمالك الاعصاب ديالو"...ماكنهضرش معاك انتي داكشي علاش غادخلي سوق راسك
امونة...انت لي غادخل سوق راسك كلشي بغيتي تحكم فيه ياكما عيينوك الواصي علينا ولا والي الامر الي كان طالع ليك دم ومعصب هز طبسيلك وعطى لله لبلايص كول وتكونسونطرا مع راسك ماشي تقييد حريتنا حنا باش ترتاح انت
شافت فيه وخنزرات جواد تهز من بلاصتو وبدل ساعة بخرا قبل مايدير شي موشكيل ولا شي كيشوف فشي
امونة..."كتغدد"...ياله عزيزة هضري نشطي ضحكي وشطحي لي عجبك ديريه ولي عندو شي اعتراض يتفضل
امين..."نغزها وكيهمس فودنها"...غاتسكتي ولا نهرس لمك داك لفم كتقلبي علي لمشاكيل انتي
يعقوب..."كيحاول يلطف لجو"...شكون عصب بنتي امونة بانت ليا طالع ليها الدم
امونة..."ببرود كتشوف فندى"...لا مامعصباش غير ماكنحملش لي يبقا يتحكم فينا هنا كل واحد حر فراسو حنا ماشي دراري صغار كنرضعو صباعنا باش يبقا شي واحد يسيرنا...وحنا خواتات قبل مانكونو صحابات واي وحدة ضراتها شي حاجة كتعم علينا كاملين ماكيتحكم فينا حتي حد من غير بعضياتنا وماكنخبيو حتي حاجة علي بعضياتنا وماكنقبلوش كلمة واخا صغيرة علي بعضياتنا يعني لي كيقلل من احترام وحدة فينا بحال الي قلل من احترامنا كاملين..."بابتسامة صفرة كتشوف فندى"...ياك البنات
ندى بان عليها التوثر وحسات بحال الي كتلوح ليها لهضرة هزات كاس ديال لعصير نزلات عليه دقة وابتسمات بزز ليالي حدرات راسها فالطبسيل دارت بحال الي مامسوقاش بوفرطوطو بقا كيهضر خلدون بقا غير كيتفرج هو واسراء ويعقوب تعشاو وسالاو كل واحد ناض فحالو على رائسهم ندى لي مشات لخر ديال ليخت كتفكر اشنو كانت كتعني امونة بكلامها حسات بالدنب حيت مخبية عليها داكشي علاش قررات تعاود ليها كلشي تشجعات ومشات كتقلب عليها لقاتها فبلاصتها ديال قبيلة لفوق ديال ليخت جالسة كتفكر...