صديقات في الخليج 1 🍂مكتملة🍂

🍂الجزء 22🍂

❤صديقات في الخليج ❤
بقلم .. أمونة .. ندى .. ليالي ..
الجزء 22..💎💎💎
لا نحلل النشر أبدااا أبداااا 🚫 🚫 🚫 🚫
هبطو لريسطو تعشاو وبقاو شادين ناميمة فعيباد الله ...
ليالي ....لبنات اش بان ليكم نمشيو لنايت كلوب ديال لوطيل ..نشوفو الاجواء كيدايرين تما...
ندى.....(فرحاات بالفكرة )...وي ولله حتي فكرة زوينة... اصلان جاني لملل هنا ولله اش بان ليك اامونة...
امونة....(باشمئزاز)باركة من تسلكيط ...وشدو للارض مال هنا حتي هو زوين ومنضر زوين.. وناس كلاس مالكم انتوما فيكم دودة...
ليالي....(بغضب)عرفتي اامونة تشهيت مرة وحدة فحياتي....نقولو ليك شي حاجة وتقولي اه ..بلا ماتعصبي جد بونا لكلب... ضروري تعكسي فكلشي دابا اش فيها الي مشينا وجلسنا ...حتي حنا ونشطنا وشطحنا وضحكنا شوية بحال الناس....
ندى....(مخسرة سيفتها )..ولله الي عندها لحق ديما معكسة اامونة...
امونة..(وقفات معصبة )..اييه واخا انا معكسة اوي زيدو مرحبا غير هاد لهضرة عقلو عليها... ملي يوقع شي موشكيل.. ولا شي حاجة اجيو ديك ساعة قولو امونة لقاي .. لينا لحل لخرا لي غانلقا ليكم...
ليالي....(جراتها من حناكها)واغير زيدي احبي ماغايوقع والو غانجلسو بعقلنا....
امونة...(كتعوج في وجها )ممم عارفتكم كتجلسو بعقلكم.....
ليالي....(جاراها من ايدعا )..عفاك احبيبة عغاك غير زيدي... نشوفو الي ماعحبكش لحال نهزو قلوعنا ههه...
امونة...(بتنهيدة)اووف زيدو هانا تابعااكم حتى نشووف اخرتها فين ...
ندى ...(نقزاات )..خليك لينا احبيبتي
منبعد ماقنعو امونة .. واتاجهو لنايت كلوب تابع للوطيل.. مع دخلة بانو ليهم لي كاردكورد واقفين فالباب ضحكو ليهم وتمو داخلين...كان ضلام شوية وضواو ملونة كطفا وكتشعل... والموسيقي مجهدة دخاخن ديال شيشة ولبنات كيشطحو ...كل بلاصة جالسين فيها 2 ولا ربعة ديال رجال مدورين بيهم لبنات وقراعي ديال شراب... وشيشة والمكسرات...مهم دنيا مخلطة مشاو لبنات لواحد لبلاصة خاوية شوية وجلسو تما ..
امونة...(بسخط)عجبكوم هاد لهراج تفو كترت صداع ودخاخن وسكيرية يخ
ليالي...(غا كتشوف في بنادم عاجبها لحال) . ربي ماسكتي اش كتعرفي فالنشاط نتي كبيرك سيدية ديال صنهاجي تحزمي وجلسي تشطحي عليها...
ندى...(كضحك)ههه واييه ولله حتي خريتيني بالضحك ..ولا شي بندير وطعريجة وغني ليها هالواه زديلاواه ..
امونة....تهجروه انتي وياها اوف
ليالي....(تقاادات في لجلسة )...سكتو سكتو سرباي جاي بلا ماتشوهونا عاوتاني...
سرباي....مساء لخير نورتوونا ...طلبااتكم ايه ...
ليالي.....(بابتسامة)..مشروب بارد بلا كحوول ...
ندى...(حاطا رجل على رجل )...زيهااا ...
امونة.....بغييت المااا ...
ليالي....حتى مشا وعيطات لوو ..لو سمحت الفااتورة على حسااب محمود ابو طالب ....
سرباي....ضحك ليهم ....تأمري حضرتك ...
امونة...ندى شوفي ليالي كيفاش كتهضر ههه (كتعيبها) شوف لفاتورة علي حساب محمود بن طالب هههه لله يخليك...دغيا قلبتها مصرية ..
ندى..واييه ناس لبوغجوا نعام الالة هههه....
مشا سرباي واحد ثلاتة ديال دقايق ورجع بالطلبات ديالهم... جلسو لبنات شادين تبركيك وكيضحكو علي عباد لله...
ندى....اربي شوفو ديك سليعفانة كيدايرة كيلمسمار ونايضة كتشطح ماعندها ماتحرك ههه...كتنعت فيها ..
امونة...دايرة ايدها على فمها وتضحك ...كون غير كانت كنتعرف هي كتلوة بحال الي فيها لوجع وشوفي داك زلال لي كيرمي عليها لفلوس.... ماعرفت اش كيقول ليه راسو...
ليالي....هاد ولاد لقحااب ديال لخلجين راه لفلوس عندهم بحال دشيشة كاعما ضاربين ليهم لحساب....
ندى....عصباتني هاد لخرية دارت ليا لفقصة اربي مانوضو نشطحو شوية لله يخليكم.....نفشو قلبنا شوية
ندى....شي وحدة فيكم تمشي عند ديدجي تقول ليه يدير لينا شعبي عفاكم.....
ليالي....امونة لي مقزدرة وجهها صحيح سيري قوليها ليه....
امونة....ولله ماحشمتو
ندى....عفاك احبي غير سيري عندو
امونة....ولله لا مشيت غير تهناو
ليالي ندى صافي حلفات سيري نتي ههه
بلا عكز مشات ندى عند ديديجي شدات معاه جماعة شوية... ودار ليهم شعبي ناضو لبنات كيحيحو بالمغربية... حتي ولات لا صال كلها كتفرج فيهم دريات ليكانو كيشطحو... جلسو وبداو كيتفرجو ودوك زلالا بقاو حالين فمهم... لبنات ماعلاباهومش ببنادم ناشطين مع راسهم ولاو اي اغنية تلونصات كينوضو يشطحو عليها... كل مرة نايض قوااد ..يتغزل فشي وحدة فيهم لفلوس ولاو غير كيتشايرو وكل واحد بغا يتشارك معاهم الطبلة...ها لي مصيفط ليهم قرعة ديال شراب... ها لمصيفط ليهم شيشات... هالي بغا يخلص عليهم الفاتورة... والكن هما ماداوها فحتي حد حدهم ناشطين مع بعضياتهم مامسوقينش للبشر...
*فقنت اخر فالنايت
ابوعلي......شيشة في فمو عيط على سرباي ...من البنات دوول ياا محمد
السرباي.....دول بنات من المغرب من طرق استااذ محمود ابو طالب ...
ابوعلي....سرح بخياالو وشاف جهة لوهرا ودار اشارة لسرباي باش يمشي .....