صديقات في الخليج 1 🍂مكتملة🍂

🍂الجزء 7🍂

⚜صديقات في الخليج ⚜
🍒بقلم : ليالي. .ندى. . أمونة 🍒
لا نحلل النشر أبدا أبدا اا
الجزء 7
سمعو غواات وتخصاار الهضرة من دخلة لكريان ...شافو في بعضيااتهم وبدااو يزربو وهي كل وحدة فيهم كتقوول المصيبة واقعة عندنا عارفين وجوهم وجوه النحس ...كل ما كيقربو لزنقة ليالي حيت هي لولا كيتزااد صووت ...
ليالي ....(وجها صفااار وبداو يديها يترعدو..شافت في لبنات ) ....ميكوون غا شمكاار تاع خويا هادا ...
اموونة ...(خصرات سيفتها ) يخخ معرت اشمن مووصيبة داير تاني غاهو يدير المصائب وحنا نجمعو ونخصرو وجهنا مع نااس ونخلصوو ليه ...
ندى ...(بداات كتزرب ) مااشي وقت هاد الهضرة العوجة داابا زيدي نشووفو اش كااين ....
"وصلو حدا داار كايباان ليهم سووق ربي لعالمين ..كاع لقطاطعية مجموعين ...هالي باغي يشفر هالي مستغل لوضع ويتحكك على لعياالات ...وكيف متوقعو لبنات عبدو هو بطل هاد المضااربة "
ليالي ...(دخلات وسط جووقة لي كانت قداام دارهم ) ..مالنا اش كااين اش وااقع مااانخااافوووش....اش هاد جووقة هنا كتفرقو تعاونية ....(وقفات فوق درجة بحال غتلقي خطاب ولبنات حداها بحال لعسكر موجدين ) ....توتة شجابك لبابنااا
توتة ...( شفاار معروف في كاريان عندو 103 ومكيعرفش يااما ارحميني ...) ...قوولي لدااك زااامل ديال خووك ..هذاااك نص رااجل هو لي يهبط الرعوااني لاخور لاش مصيفطك نتي ..مكندويش مع لعياالات ....
حسن ....(كيقفقف فيه غا لفم بحال هاد مواقف مكيعرف كاع يتصرف) ....دوي معاها هي والا كانت شي حااحة تكلف ...
ندى .... وملي عينك فيه سير دير كرسي وعس عليه حتى يباان وبيناتكم الاخ لاش داير لينا فيلم ميريكاني ....
توتة ....(جبد جنوي ضرب ايدو حتى داز دم وبعد وبدا يهلل ) وبربي ومينزل حتى نضرب رااسي .....
امونة ....( بغات تسد لباب وحبسها حسن ) ونتااحر نتا كااع يااع على مرض مالك.. الا خداليك طريف نخلصووه ليك وفرتك علينا هاد زبل ....
توتة ....(كيتماايل غادي جااي ضارب شي قرقوبية ) ...خوك شفرني ....زامل شفرني اناا
ليالي ...(حاطة ايديها على وسطها وكضحك ) ...شفار شفر شفار ..واعرة هادي وسير جيب ليه لبوليس نيت هنينا منو شي اربعة شهورة ولا عرفتي شنو عام......
كلثووم ....الله ينجييه ..هانتا اوليدي اش خداليك ونجيبو ليك ....
توتة ...انا باغيه هو يحضر نصفي الحساااب معاااه ..ماشي نشفر انا ويااه وفي لخر يدير ليا رو ...زدو في لفلوس حگاااا طااحو يصحاابني عبيقة ..ليوم بيا ولا بيه ....
كلثووم (بدات تغوت ) ...وشهدو اعبااد الله بغاا يقتل ليا شهدوووو عليييه ولدي ..هو لي هازني ....
ليالي ...(درت ايدها على فمها ) سكتي شوهتيني ...الله يخليها عاائلة (كتغوت ) اش هاد المرض مع ولدك اش هاد العيشة خليه يقتلو ويهنينا منو ملااااااايقش جاااايب لييينااا غالشوووهة و كل سااع دااخلين لكوميسارياات ....
بداااو لبنات يسكتو في صااحبتهم لي وصلات معااها لعظم ...ضورات وجها ندى وهي تقشعو من بعيد جااي كيتبومبا فالشانطي ....سلتاات من حدااهم ومشات تجري عندو ....
ندى ..(شداتو من ايدو جارااه ) ...اجي معاايا ماتمشيش لداركم داابا ...
عبدوو...(سكراان جاايب لكااو ...شدها من خصرها ) ...يااه اخيررا حنييتي فياا ....وحسيتي بهاد القلب ...
ندى...(دفعاتو ) ....يعطيك لويل جايا ندير فيك خير تووتة راه في درب ناوي يصفيها ليك اشفاار باقي مبغيتيش ترجل وتحشم ....
عبدوو ...( غا داوي معارفش اش كيتسنااه ) غاا قبلي تزوجي بيا ونجمع رااسي ونثووب )
ندى...وجمع غاا حويجك لي مدلين ...ونطح متباانش حتال غداا .....
عبدو ...(داير فيها راجل رجع على طريقو قااصد داارلهم وجبد من تحت صباطو واحد سبعة نقشاات ) والله ياا ..ديلمو تا نوريه ....بارك يتبومبا على لعايالات ....تبعاتو ندى تجري ...
ندى ....(كتغوت ) واااااا قلت ليييييك هرب اصكع واش باغي تسكت لمك لقلب ..واش باغي تمووت أولد الحرااام...(كتجر فيه وهو كيتنر ويبان عليها ..حتى سمعو لاخور وتم جااي محمي طرح ) ....

توتة ...( هز جنوية ووجها ليه ) اااجي الله يحررررررق زاامل بوووك نتاااا تشفرنيي اناااا ..عبدو البرعوووش يشفر التوووتة تماااعارفنييش ولا شنووو ..انااا..لي عمرو ولد لمراا دارها بيا ديييرها بياا نتا يا البوااال ...
عبدوو ...(هز دك نقشة لي مكتبان والو قدام ديك مسطرة ) ...غا تمشي فحاالك لا بااغي دير ليا شووهة والله حتى نخطط ...الزامل بوووك..يالله تعالى قرب ...(بداو شي يمشي عند شي ولي بغاا يضرب لاخور يخوي ...لغوات محمي من مل جهة مت ليالي تغوت لربي لي خلقها ولدي غايضييع ..وباها مقادرش يدخل بيناتهم يفك ..لبنات يغوتو على شماكرية يفكوووهم ..عيااو يدخلو بيناتهم ولكن والو كل واحد يجبد من جيه ولكن هادي هي مضااربة بين واحد مقرقب وواحد سكاايري خااصها تساالي ياا قااتل وياا مقتوول ....وداكشي لي طراا ..توتة غفل عبدو و خشاا فيه الجنوية لكرشو شرگها ليه بالطول و العرض حتى خرجو مصارنو ..
كلثووم ....(مشات كتجري طاحت على ركابيه و هازة راس ولدها فوق حظرها و كتغوت لربي لي خلقها) ..ولديييييييي قتلتييه اولد لحرااام واا عتقووووو الرووووووووح اعبااد الله ...ولدي مشاااااا ولدي ضااااع اعباااد الله الله ياااخد فيك الحق ياااالقتاااال .. ليك الللللله ياااخد فيك الحق ..
ليالي ....(وااقفة مصدوومة معارفة مديير ) .....ا
مونة ..(صرفقتها ) فيييقي معانا ماشي وقت الصدمة ...ارو ليا تليفوون شكون عندووو صووولد (كتغوت حتى جاابو ليها تليفوون عيطاات لبوليس والإسعااف ...لي دااوه لي سبيطاار لمخزن حيت العين بصيرة والايد قصيرة ...وحيت الجرح كان خطير و عبدو نزف بزااف ديال الدم مجااو فين يسعفووه حتى مشا عند الله ..
#يتبع 🔥