صديقات في الخليج 1 🍂مكتملة🍂

🍂الجزء 18🍂

🔥🔥 صديقات في الخليج 🔥🔥
🍾بقلم : ♡ندى ♡ليالي♡امونة♡
الجزء 18
❌❌ لا نحلل النشر ❌❌
اخيراا بعد عناء طويل حان موعد الطائرة لي غتحطهم في بلاد غيرسمو فيها حيااة جديدة ... وكيما العادة ديما معطلين ضروري ..
ركبو فالطيارة وكل وحدة فيهم راسمة ابتسامة ساحرة علي محياها.. كان واحد لبريق فعينيهم باين كان من لفرحة قلعات الطائرة وهما كيودعو من نافدة لبلاد لي عاشو فيها 24 سنة من عمرهم بقساوتها وبمرها وحلاها كاع دكريات دازت عليهم تفكروها اي حاجة جمعاتهم شافو فبعض ضحكو فوقت واحد بحال الي كيرميو بديك الضحكة كاع لماضي وراهم...'قاصدين بلاد خرا علي امل يتبدل زهر وسعد لعوج للاحسن ويعيشو حتي هما بحال ناس حياة بلا مشاكيل بلا نكير وصداع راس..
ندى:(شدات راسها)ناري البنات انا بديت كندوخ
ليالي:(عينيها كيلمعو)انا مامصدقاش بلي خويت ديك لبلاد اخيرا واو ولله مامصدقاش قرصوني باش نفيق
ندى:(ليعاتها مزيان) ودابا مصدقة ولا نزيدك وحدة خرا تفيقي مزيان
ليالي:(كتغوت)اي المسمومة حيدتي ليا جلدة ناري عليك
ندى:هههه غير باش تصدقي بلي بصح خوينا داك لكاريان بلي فيه(بداو كيضحكو وحدة ضرب لخرا فالكتف)
ليالي:(باستغراب)امونتي مالك ساكتة
ندى:(كتمشخر)ههه غاتوحش بابراهيم وطون ولحرور ديالو ههه
امونة:(خرجات لسانها)ممم ضحكي نتي لي جا معاك
ليالي:وضحكي معانا حتي نتي امو حنيكات
امونة :(شادة قلبها )ماعرفتش علاش مامرتاحاش البنات ولله خاطري مزيرة
ندى: (شافت فيها )لله يهديك اامونة كتزيدي فيه شوية
ليالي:ولله الي نتي ديما هكا مضيعة علينا للحظات زوينة...
امونة:(ضرباتها لراسها)ياك الكلبة
ليالي:(عنقاتها)والكن واخا مايمكنش نكونو بلا بيك الي ماكنتيش نتي شكون غايكون مامانا ويخاف علينا ياك اندى..ندى
امونة:ههه سيدة سرحات عجول لأخرة سعداتها
ليالي حطات راسها علي امونة وبداو كيهضرو حتي نعسات امونة دارت ليكيت فودنيها وبدات كتموسق ومعقلاتش بعدها على راسها ...
وصلو بطلتنا للوجهة ديالهم في امان لله شي جاتو طريق طويلة وشي كاعما حس بيها هبطو من طيارة ومشاو ياخدو لي فاليز ديالهم
ندى:(كدور فعينيها)اح اربي اش هاد تيتيز
امونة:والرهطة هزي باليزتك ونتي عينيك حوالو
ندى:(بتقحبين)راكي عارفاني غير كنشوف زين وكنتلف
ليالي:(كضحك)ونتي تلفانة خلوق ههه..اشغانديرو دابا
امونة:ندى جبدي تيليفون عيطي لديك نمرة لي صيفط ليك ابوزفت
ندى:اويلي اجي ناكلو شي حاجة بعدا راني ميتة بجوع
امونة:تسليم تسليم ملي ركبنا ونتي ناعسة غير هبطنا بغيتي تاكلي واش ماكتعرفيش ديري شي حاجة من غير هاد جوج
ليالي:اه كتعرف تلف الي شافت تيتيز ههه(طلقو ضحكة مجموعين)
ليالي:ياله نريحو فشي كافي هنا ناكلو نرتاحو ونعيطو علي سيد
امونة:واخا ياله تحركو قدامي
ليالي:واخا امامي ههههه
امونة:يعطيك لغمة
مشاو لبنات لواحد لمطعم قريب من لمطار حطو رحيلهم جات سرباية خدات لكوموند ديالهم كلاو شربو وبرككو شوية من بعد خلصو وخرجو لشارع هزات ندى تيليفون كتاصل بداك لكفيل لي قال ليهم ابو بكر كانو ديجا خداو كارت جديدة من لمطار
ليالي....(باستغراب)مالك...
ندى...ماكيجاوبش هاد نمرة ماخدماش واقيلة
امونة...اويلي شوفي ياكما دخلتيها غلط
ندى...لالا كيما صيفطها ابوبكر قيدتها
ليالي..واخا صوني ليه سوليه ولد قحبة لي تبعو بقا خلا
ندى...(عطاتها تيلي)هاكي صوني ليه نتي نيت
خدات ليالي تيليفون كتصوني وبدات علامة الارتباك كتبان عليها
امونة...مالك حتي نتي
ليالي...تيليفونو طافي ماكيجاوبش
امونة..اويلي اري داك زمر(خطفات ليها تيليفون)...
ليالي...تيليفونو طافي ماكيجاوبش
امونة..اويلي اري داك زمر(خطفات ليها تيليفون)...لا مايمكنش حتي هو طافي تيليفونو اش غانديرو دابا
ندى...اري نعاود نصوني علي داك زمر لاخر ... جربو مرة وزوج وثلاثة ...علامات القلق باانو عليهم ...جرو حواايجهم وخرجو برا المطار وجلسو في لكرااسا ...كان لحال سخووون وعلاين لعشية .. هزات ليالي تليفون تعاود تجرب ...واخيرا صوناا ...
لياالي .....(ضحكات حتى لمعو عينيها)...هاهو كيصووني ...
ندى وامونة ......(بفرحة شدو في بعض ) .... الحمد لله ...
ليالي ....(سمعات صوتو )...الو ابو بكر صافا انا ...
ابو بكر ....(كيدوي بصوت ثقيل ومستفز )....ليالي صوونيتي في لووقت ....
ليالي ....راه كنعيط ....
ابو بكر ...(قااطع كلامها ) ...انا نكمل الهضرة متشحفيش خبي ريق لخبر لي غتسمعي .......
ليالي .....😳😳 مفهنتش ...
ابو بكر .....انا نفهم حبي مكاين لا كفيييييل لا واالووووو ....صدقتوو غشييماات ....حاحة وحدة لي طورتو فيها هي متمتعنااش باجساامكم...
ليالي .....(غير مصدومة وكتشووف مقاداش تنطق )..شفتك سكتي لمهم ...عندي شي شغل يعني فيكتيم جديد نتمى يكون بحاالكم ...فاكانس سعيد ..وسلمولي على دبي والكفيل هاهاها ..طلق ضحكة بقات كتردد في وذن ليالي لي طاحت على طولها وطاح ليها تليفون ..لبنات فهمو انهم تخورو من ردة فعلها ...
امونة....(كتنخض فيها ) شنوو قال هضري ..ضحك علينا يااك ...هضري ماشي وقتك ...
ليالي .. (كتهضر والبكية غالباها )...ضحك علينا البنات ماكاين كفيل لا والو ...نصب علينا اهء اهء ...
ندى ....(شدات رااسها )..اويلي لش غنديرو دابا ..وفين غنمشيو وحنا معارفين واالو ....
امونة .. (شافت فيهم بزوج وتقابلت معاهم وهي تفركع عليهم )...انا لي قحبة درت رااسي فييكم ...انا لي خانزة تبعتكم ...لا هما قطران بلادي ولا عسل لبدان ..واش الا كانت بلادنا كوزات لينا ...بلادات ناس غتعطينا....
ضيعنا فلووسنا وجينا هناا تفووو ...
ندى ...(مشات حداها)...مترجعيش اللومة لينا سمعتي ....كلنا تافقنا على هاد القرار ...كون كنتي رافضااه غادا تعارضيه كيف كديري .....واش بناليك حنا مطفرينو ...واش غا نتي لي تنصب علييك ....كلناااااا سمعتي عوض متفكري فشنو لحل ..كتلومينا باش غيفيد هاد شي لي عطاا الله عطاااه ...
ليالي ....(كتبكي)...واش حتى حاجة مبغات تقااد لينا ...الا كنت باقا غنتعذب اللهم نموت احسن ليا ....تمات غادة بوحدها وكتزرب تبعااتها ندى بجرية شداتها عنقااتها وبداو يبكيو بزوج محسوو حتا عنقوهم زوج الايدين دافيين مولفين عليهم ...
امونة...(كتبوس فيهم )...سمحوولي ..اهء عندكم صح لي عطا الله عطااه ...ودابا خاصنا نفكرو فشي حل ...
ندى ...(شافت فيها بعينين مهبطاهم الارض )..شنو نديؤو في نظرك ...
ليالي ...(مشات جرات شانطاتهم )..نقلبو على شي اوطيل رخيص نمشيو ليه وبعدها يحلها حلان...
داكشي لي كان خداو طاكسي لي وصلهم لواحد اوطيل عادي على قد جيبهم خداو غرفة وحدة كان فيها سرير كبير وحمام لداخل..بلاكار وتلفازة ...بدلو حواايجهم وتلاحو نعسو يرتاحو من تعب سفر بلاما يقوولو حتى كلمة
#يتبع🍓🍓