صديقات في الخليج 1 🍂مكتملة🍂

🍂الجزء 91🍂

🍇 صديقات في الخليج 🍇
بقلم ....ندى....ليالي....امونة...
الجز____ء : 91
🚫 لا يحلل النشر 🚫🚫
ندى .. بعد مني عافاك خرج ..
جواد .."جلسها بزز و جر لها يديها لي مضروبة" فاش نقول لك جلسي يعني جلسي .. معرفتش نتي و صحاباتك منين كتفهمو مكنبغيش نعاود هضرتي زوج مرات😏.."بدى كيدير لها الدواء"
ندى .. اوو اييي ..
جواد .. كيضرك..؟
ندى .. طبيعي يضرني هذا جرح .. ولكن .. جرح القلب أصعب و انا قلبي تحرق ماشي هي تجرح ..😔
جواد .."لوا عليها الفاصمة و نفسو مقطعة بكلامها زادت طلعات ليه الدم و فضل يسكت احسن مايخرج فيها" احم .."حط لها الدواء فوق رجليها" هذا خليه معاك ..مكانحتاجوش نتي لي كتجرحي بزاف غاتحتاجيه .. اه .. ميليقش لجرح القلب😏..
خرج و خلاها غاتفرگع و ودنيها كيصوطو عليها بالاعصاب .. رمات داك الدواء و دخلات للدوش تسترخي تحيد عليها عناء اليوم الطويل لي دوزات...
داز نهار لول عند لبنات متعب..من بعد دوشو ..هبطو وجدو ليهم لعشى...كلاوه ومل وحدة فيهم طلعات بيتها...تحط جسمها يرتااح ...ما عادة
امونة لي عيات تقلب فالفراش ...يمين وشمال ولا عينيها بغاو يتسدو طار ليها نعاس... ناضت كطل من البالكون ضربتها نسمة هواء زوينة عجبها لجو...لاحت عليها بينوار خفيف خرجات من لبيت دخلات عند ليالي لي لقاتها مفرشخة رجل هنا ويد لهيه شادة ناموسية كلها ولغطا لايحاه... غطاتها وباستها.....ومشات كدالك لبيت ديال ندى...لقاتها حتي هي معنقة مخدة باستها وخرجات...بقات هابطة مع دروج كتمشي حتي وصلات لبيسين كان جو اكثر من رائع وضواو شاعلين فالبيسين وفالجردة عطاها جمالية ورومانسية كتر جلسات فجنب.... ودلات رجليها فلابيسين كتلعب بالما عجبها كان دافئ تشهات فيه شي عومة...بلا عكٌز حيدات لبينوار وشوميز ديالها بقات بدوبياس....وتلاحت كتعوم مرخية وسارحة فعالم اخر...كتفكر فمصيرها ومصير صحابتها...ملي عيات تمات طالعة..حتي بان ليها شي واحد واقف عليها هاز فوطة مادها ليها طلعات راسها بشوية غير شافتو حسات بسخونية وحنوكها حمارو... وارتابكات...شدات لفوطة لواتها عليها وهي حادرة راسها
امين..."مربع يديه وداير ابتسامة جانبية" واو عقلك خفيف دغيا تعلمتي تعومي مشاء لله عليك
امونة..."بخجل وارتباك" لا لا ديجا كنعرف نعوم غير داك نهار كنت بغيت نشد فعزيزة ولبنات... والكن بصح كنت مقصحة فرجلي
امين..."😏 " ممم باغا تشدي فعزيزة صدقتي شادة فينا كاملين
امونة..."😊 "كنت غير بغيت نضحك مع لبنات ماضنيتش الامور غادي توصل حتال ديك درجة....
امين..."باسنفزاز😎" داكشي علاش كتعومي بالليل باشما يشوفك حتي حد زعما ....
امونة...نونو ماشي هكاك غير ماجانيش نعاس هبطت عجبني لجو وانا نزل نعوم عادي....
بقات كتعبر وكتهضر وكتشرح ليه هو ولا على بالو بقا مقابل فمها لغوز وحراكتو لي هيجوه فلحظة قرب منها جرها بيديه من خصرها حتي لسقات معاه حط شفايفو علي شفايفها وانغامسو فقبلة فرنسية مثيرة مابقاوش فهاد لعالم....ملي عاقت امونة وفاقت من لكٌلبة بعدات منو وهزات يديها باش تصرفقو وهو يطاكيها بيديه وشدها...هي طلع ليها دم ونترات منو يديها بزعف
امونة..."بغضب😠 كتهضر وكترعد" كيفاش تجرئتي تقيصني ااأأ.. اخر مرة تقرب.. ليا اشنو صحاب ليك راسك..."رافعة عليه صبعها"..عنداك تفكر بلي بصح عاهرة تقدر دير بيا لي بغيتي راك مشيتي غالط اسي...انا ماشي كيفما كتخيلني اقسم كون ما ضروف لي لاحتني هنا ماكنتيش تشوفني ولا تجرأ دير هاد لفعلة.... كلكم بحال بحال كيبان ليكم فالبنت غير لجسد ديالها كتبغيو غير تفرغو لمكبوتات ديالكم... انا كنحدرك اخر مرة تقرب مني ولا دور بساحتي فهمتي
قالت ليه هاد جوج كلمات هزات بينوار وشوميز ديالها ..... مشات كتجري لبيتها معصبةةة...وكنتفس بزربة تدوي وتخبط بووحدها...دخلات لحمام....غسلات وجها تقاابلات مع لمراايةةة....تفكرات القبلةةة وعظات على شفااهها وبتااسمات بدوون شعوور...
امونة...."كتمسج وجها في الفوطة "....اش هادشي اامونة...شفتك عاجبك الحاال ...لا لا لا ...انا معصبة ..."غادة جا في لبيت وكتردد في نفس الكلمة "...انا معصبةة...انا معصبةة...انا معصبةة...اووف ..."تخبطات على ضهرها فوق ناموسية وشاافت في سقف وبداات في سيين وجيم ..مع نفسها ".....وعلااش ملي بااسني دااك شمااتةة لاخوور ...كان شعوور مقرف وفشكل...عكس دااابا...ياك قبلة قبلة...وااااااع...."عزاات المخدة وخشات رااسها تحتها....وعقلها راافض ...بشنو كيحس قلبهااا ....حتى ستسلمات لنووم .....
#يتبع🔥🔥